Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightCricketchevron_rightഇന്ത്യയോടേറ്റ ആ...

ഇന്ത്യയോടേറ്റ ആ തോൽവി അവസാന ശ്വാസംവരെ വേദനിപ്പിക്കുമെന്ന്​​​ പാക്​ ഓപണർ

text_fields
bookmark_border
ഇന്ത്യയോടേറ്റ ആ തോൽവി അവസാന ശ്വാസംവരെ വേദനിപ്പിക്കുമെന്ന്​​​ പാക്​ ഓപണർ
cancel

ന്യൂഡൽഹി: 2007ൽ ദക്ഷിണാഫ്രിക്കയി​ൽ വെച്ച്​ നടന്ന​ ട്വൻറി 20 ലോകകപ്പ്​ ഫൈനലിൽ ഇന്ത്യയോടേറ്റ തോൽവിയുടെ വേദന അവസാന ശ്വാസം വരെയുണ്ടാകുമെന്ന്​​ പാക്​ ഓപണിങ്​ ബാറ്റ്​സ്​മാൻ ഇംറാൻ നാസിർ. ആ തോൽവി​ ത​െൻറ ക്രിക്കറ്റ്​ കരിയറിലെ ഏറ്റവും വലിയ ദുഃഖം കൂടിയാണെന്നും അദ്ദേഹം പറഞ്ഞു.

ജോഹന്നാസ്​ബർഗിൽ വെച്ചു നടന്ന ട്വൻറി 20 മത്സരത്തിൽ എം.എസ്​ ധോണിയുടെ നേതൃത്വത്തിലുള്ള ഇന്ത്യൻ ടീം പാകിസ്​താനെ അഞ്ച്​ വിക്കറ്റിനാണ്​​ പരാജയപ്പെടുത്തിയത്​.

''ക്രിക്കറ്റി​െൻറ കാര്യത്തിൽ അത്​ ​എ​െൻറ ജീവിതത്തിലെ വലിയ ദുഃഖമാണ്​. ആ വേദന എ​െൻറ അവസാന ശ്വാസം വരെ തുടരും. ചരിത്രം സൃഷ്​ടിക്കാനുള്ള അവസരം നമുക്കുണ്ടായിരുന്നു.'' -'ക്രിക്കറ്റ്​ ബാസ് വിത്ത്​ വഹീം ഖാൻ'​ എന്ന യൂ ട്യൂബ്​ ഷോയിൽ സംസാരിക്കുകയായിരുന്നു അദ്ദേഹം.

ഇന്ത്യ നേടിയ 158 റൺസ്​ പിന്തുടർന്ന്​ പാകിസ്​താന്​ ആദ്യ​ ഓവറിൽ ഓപണിങ്​ ബാറ്റ്​സ്​മാൻ മുഹമ്മദ്​ ഹഫീസി​െൻറ വിക്കറ്റ്​ നഷ്​ടമായത്​ ഒഴിച്ചു നിർത്തിയാൽ മികച്ച തുടക്കം ലഭിച്ചിരുന്നു. 5.3 ഓവറിൽ 53 റൺസിന്​ രണ്ട്​ വിക്കറ്റ്​ എന്ന നിലയിൽ നിൽക്കുമ്പോഴായിരുന്നു 14 പന്തുകളിൽ 33 റൺസുമായി ഇംറാൻ നാസിറിന്​ ക്രീസിൽ നിന്ന്​ മടങ്ങേണ്ടി വന്നത്​.

''ഞാൻ വളരെ നന്നായി കളിച്ചു വരികയായിരുന്നു. എന്നാൽ നിർഭാഗ്യവശാൽ റണ്ണൗട്ടായി. തുടർന്ന്​ മത്സരം​​ പതിയെ കൈവിട്ടു പോയി. അത്​ ഇപ്പോഴും വേദനിപ്പിക്കുന്നു.'' -ഇംറാൻ നാസിർ പറഞ്ഞു.

Show Full Article
TAGS:T20 World Cup final Pakistan opener Imran Nazir T20 cricket 
Next Story