Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightഇതിഹാസ ക്രിക്കറ്റ്...

ഇതിഹാസ ക്രിക്കറ്റ് പരിശീലകൻ താരക്​ സിൻഹ അന്തരിച്ചു

text_fields
bookmark_border
Tarak Sinha-Rishabh Pant
cancel
camera_alt

താരക്​ സിൻഹയും ഋഷഭ്​ പന്തും (ചിത്രം: twitter.com/RishabhPant17)

ന്യൂഡൽഹി: ദ്രോണാചാര്യ പുരസ്​കാര ജേതാവും പ്രശസ്​ത ക്രിക്കറ്റ്​ പരിശീലകനുമായ താരക്​ സിൻഹ അന്തരിച്ചു. 71 വയസായിരുന്നു. ശ്വാസകോശ​ അർബുദ ബാധിതനായിരുന്ന സിൻഹ ശനിയാഴ്ച ന്യൂഡൽഹിയിൽ വെച്ചാണ്​ മരിച്ചത്​. അസുഖം മൂർച്ഛിച്ചതിന്‍റെ ഫലമായി താരകിന്‍റെ മറ്റ്​ ചില അവയവങ്ങൾ പ്രവർത്തനരഹിതമായിരുന്നു.

ദേശ്​പ്രേം ആസാദ്​, ഗുരുചരൺ സിങ്​, രാമകാന്ത്​ അച്ചരേക്കർ, സുനിത ശർമ എന്നിവർക്ക്​ ശേഷം ദ്രോണാചാര്യ പുരസ്​കാരം നേടിയ അഞ്ചാമത്തെ ക്രിക്കറ്റ്​ പരിശീലകനാണ്​ താരക്​. 2018ലാണ്​ രാജ്യം പുരസ്​കാരം നൽകി ആദരിച്ചത്​.

വിവിധ തലമുറകളിലായി ക്രിക്കറ്റ്​ താരങ്ങളെ വളർത്തിക്കൊണ്ടുവന്ന അദ്ദേഹം ന്യൂഡൽഹിയിലെ സോണറ്റ്​ ക്രിക്കറ്റ്​ ക്ലബിലായിരുന്നു പ്രവർത്തിച്ച്​ വന്നിരുന്നത്​. താരകിന്‍റെ ശിക്ഷണത്തിൽ കളിച്ചു വളർന്ന നിരവധി താരങ്ങളാണ്​ പിൽകാലത്ത്​ ഡൽഹി, ഇന്ത്യൻ ടീമുകളിൽ തിളങ്ങിയത്​.

താരകിനെ ഇന്ത്യൻ വിക്കറ്റ്​ കീപ്പർ ഋഷഭ്​ പന്ത് പിതാവിനെ പോലെ ആദരിക്കുന്ന വ്യക്തിത്വമാണ്​. ​കോച്ചിന്​ ദ്രോണാചാര്യ പുരസ്​കാരം ലഭിച്ചപ്പോൾ പന്ത്​ ട്വിറ്ററിലൂടെ ആശംസകൾ നേർന്നിരുന്നു.

പന്തിനെ കൂടാതെ ആ​ശിഷ്​ നെഹ്​റ, സഞ്​ജീവ്​ ശർമ, ആകാശ്​ ചോപ്ര, ശിഖർ ധവാൻ, അഞ്​ജൂം ചോപ്ര, സുരേന്ദർ ഖന്ന, രൺദീർ സിങ്​, രമൺ ലാംബ, മനോജ്​ പ്രഭാകർ, അജയ്​ ശർമ, കെ.പി. ഭാസ്​കർ, അതുൽ വാസൻ എന്നിങ്ങനെ പോകുന്നു​ താരകിന്‍റെ പ്രമു​ഖരായ ശിഷ്യരുടെ നിര.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Dronacharya Awardcricket coachRishabh PantTarak Sinha
News Summary - legendary cricket coach and Dronacharya Awardee Tarak Sinha passes away
Next Story