ബാറ്റിങ്ങിന്​ ശേഷം പൊട്ടിക്കരഞ്ഞ്​ ക്രുനാൽ പാണ്ഡ്യ​; ആശ്വസിപ്പിച്ച്​ ഹാർദിക്​ പാണ്ഡ്യ, വീഡിയോ കാണാം

പൂനെ: അരങ്ങേറ്റ മത്സരത്തിൽ അതിവേഗ അർധ സെഞ്ച്വറിയുമായി കളം നിറഞ്ഞതിന്​ പിന്നാലെ നിയന്ത്രണം വിട്ട്​ കരഞ്ഞ്​ ക്രുനാൽ പാണ്ഡ്യ. ​​ േചട്ടൻ കരയുന്നത്​ കണ്ടതോടെ ആശ്വാസ വചനങ്ങളുമായി ഹാർദിക്​ പാണ്ഡ്യ അരികിലെത്തി.

ഇംഗ്ലണ്ടിനെതിരായ ഒന്നാം ഏകദിനത്തിൽ ഇന്ത്യൻ ബാറ്റിങ്​ കഴിഞ്ഞ ശേഷം സംസാരിക്കവേ ഇത്​ എന്‍റെ അച്ഛനുള്ളതാണെന്ന്​ പറഞ്ഞശേഷം ​ക്രുണാൽ വാക്കുകൾ മുഴുമിക്കാനാകാതെ കരയുകയായിരുന്നു. പാണ്ഡ്യ സഹോദരൻമാരുടെ പിതാവ്​ ഈ വർഷം ജനുവരിയിലാണ്​ വിടപറഞ്ഞത്​. സയ്യിദ്​ മുഷ്​താഖ്​ അലി ട്രോഫി ക്യാമ്പിലായിരുന്ന ക്രുനാൽ പിതാവിന്‍റെ മരണത്തെ തുടർന്ന്​ ടൂർണമെന്‍റ്​ മതിയാക്കി മടങ്ങിയിരുന്നു.

26 പന്തിൽ നിന്നും അർധ സെഞ്ച്വറി കുറിച്ച ക്രുനാലി​േന്‍റത്​ അരങ്ങറ്റ മത്സരത്തിൽ ഒരു താരം നേടുന്ന ഏറ്റവും വേഗതയേറിയതാണ്​.