കലിപ്പാക്കാൻ നോക്കി കോഹ്​ലി; ടീമിലെടുക്കാത്തതി​െൻറ ദേഷ്യം അടിച്ചുതീർത്ത്​ സൂര്യകുമാർ

അബൂദബി: ബുധനാഴ്​ച നടന്ന മുംബൈ ഇന്ത്യൻസ്​-റോയൽ ചാലഞ്ചേഴ്​സ്​ ബാംഗ്ലൂർ മത്സരത്തിൽ ഇരുടീമുകൾക്കിടയിലുമുണ്ടായിരുന്ന വ്യത്യാസം സൂര്യകുമാർ യാദവായിരുന്നു. ഒരറ്റത്ത്​ വിക്കറ്റുകൾ വീണപ്പോഴും ശാന്തമായി അടിച്ചുതകർത്ത സൂര്യകുമാർ യാദവി​െൻറ (43 പന്തിൽ 79) മികവിൽ മുംബൈ അഞ്ച്​ വിക്കറ്റിന്​ വിജയിച്ചിരുന്നു.

മത്സരത്തിന്​ പിന്നാലെ സൂര്യകുമാറിനെ സ്​ളെഡ്​ജ്​ ചെയ്യുന്ന വിരാട്​ കോഹ്​ലിയുടെ ദ്യശ്യം സമൂഹമാധ്യമങ്ങളിൽ വൈറലായിട്ടുണ്ട്​. സൂര്യകുമാർ മികച്ച ഫോമിൽ നിൽക്കെ 13ാം ഓവറിൽ സമീപത്തെത്തിയായിരുന്നു കോഹ്​ലിയുടെ 'പ്രകടനം. കോഹ്​ലിയുടെ പ്രകോപനത്തിൽ വീഴാതെ ശാന്തനായി നിന്ന സൂര്യകുമാറിന്​ അഭിനന്ദനവുമായി നിരവധി പേരെത്തി.

2018 ​ഐ.പി.എല്ലിൽ 512ഉം 2019 ൽ 424ഉം 2020ൽ 350ഉം റൺസെടുത്തിട്ടും സൂര്യകുമാറിന്​ ഇന്ത്യൻ ടീമിലേക്ക്​ ഇനിയും വിളിയെത്തിയിട്ടില്ല. 30കാരനായ താരം ചൊവ്വാഴ്​ച പ്രഖ്യാപിച്ച ഓസ്​ട്രേലിയൻ പര്യടനത്തിനുള്ള ടീമിലും ഇടംപിടിച്ചിരുന്നില്ല.

മത്സരശേഷം മുംബൈ നായകൻ കീറൻ പൊള്ളാർഡ്​ ഇന്ത്യൻ ടീമിൽ കളിക്കാനുള്ള സൂര്യകുമാറി​െൻറ അടങ്ങാത്ത ആഗ്രഹം തുറന്നുപറയുകയും ചെയ്​തു. സൂര്യകുമാർ യാദവിനെ ഇനിയും ടീമിലെടുക്കാത്തതെന്താണെന്ന ചോദ്യവുമായി മുൻ ഇന്ത്യൻ താരം ഹർഭജൻ സിങ്​ അടക്കമുള്ളവരും എത്തിയിരുന്നു.