Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightതോൽവിയുടെ...

തോൽവിയുടെ ഉത്തരവാദിത്തം കോഹ്​ലിക്ക്​; ക്യാപ്​റ്റൻസി ഒഴിയണം -ഗംഭീർ

text_fields
bookmark_border
തോൽവിയുടെ ഉത്തരവാദിത്തം കോഹ്​ലിക്ക്​; ക്യാപ്​റ്റൻസി ഒഴിയണം -ഗംഭീർ
cancel

ന്യൂഡൽഹി: ​െഎ.പി.എൽ കന്നിക്കിരീടമെന്ന സ്വപ്​നവും പൊലിഞ്ഞ്​ ബാംഗ്ലൂർ റോയൽ ചലഞ്ചേഴ്​സ്​ നാട്ടിലേക്ക്​ മടങ്ങിയതിനു പിന്നാലെ ക്യാപ്​റ്റൻ കോഹ്​ലിക്കെതിരെ രൂക്ഷവിമർശനവുമായി മുൻ ഇന്ത്യൻ നായകൻ ഗൗതം ഗംഭീർ. എട്ടു വർഷമായി ടീമിനെ നയിച്ചിട്ടും കിരീടം നേടാനാവാത്ത ഒരു നായകനെ ഇനിയും വഹിക്കുന്നതിൽ അർഥമില്ലെന്നായിരുന്നു ഗംഭീറി​െൻറ പ്രതികരണം. ''എട്ടു വർഷമായി ഒരു കിരീടം ജയിക്കാനാവത്ത മറ്റൊരു ക്യാപ്​റ്റനെ അല്ലെങ്കിൽ കളിക്കാരനെ പറയാമോ? ഒരു ട്രോഫിയുമില്ലാതെ എട്ടു വർഷമെന്നത്​ ദൈർഘ്യമേറിയ കാലയളവാണ്​. അതി​െൻറ ഉത്തരവാദിത്തം അദ്ദേഹത്തിനുണ്ട്​'' -കൊൽക്കത്തയെ രണ്ടു സീസണിൽ ജേതാക്കളാക്കിയ ക്യാപ്​റ്റൻ ഗംഭീർ പറയുന്നു.

''ബാംഗ്ലൂരി​െൻറ ഒരു വർഷത്തെ പ്രകടനത്തി​െൻറ അടിസ്ഥാനത്തിലല്ല ഇങ്ങനെ പറയുന്നത്​. അദ്ദേഹവുമായി വ്യക്തിപരമായി ഒരു എതിർപ്പുമില്ല. പക്ഷേ, ടീമി​െൻറ തോൽവിയിൽ അദ്ദേഹം ഉത്തരവാദിത്തമേൽക്കണം. ടീമി​െൻറ ഉത്തരവാദിത്തങ്ങളും പ്രശ്​നങ്ങളും ആരംഭിക്കുന്നത്​ മാനേജ്​മെൻറിൽനിന്നോ സപ്പോർട്ടിങ്​ സ്​റ്റാഫിൽനിന്നോ അല്ല. നായകനിൽ നിന്നാണ്​. നേട്ടങ്ങളുടെ ക്രെഡിറ്റ്​ ഏറ്റെടുക്കുന്നുവെങ്കിൽ, വിമർശനവും നിങ്ങൾ സ്വീകരിക്കണം'' -ഇ.എസ്​.പി.എൻ ക്രിക്​ ഇൻഫോക്ക്​ നൽകിയ അഭിമുഖത്തിൽ ഗംഭീർ തുറന്നടിച്ചു.

രണ്ടു സീസണിൽ പഞ്ചാബ്​ ക്യാപ്​റ്റനായിരുന്ന ആർ. അശ്വിൻ പരാജയപ്പെട്ടപ്പോൾ അദ്ദേഹത്തെ ഒഴിവാക്കാൻ ടീം മടിച്ചില്ല. കിരീട​മൊന്നും നേടാനായില്ലെങ്കിലും ധോണിയും രോഹിതും വിമർശിക്കപ്പെടുമായിരുന്നു. അവർ നേട്ടം ആവർത്തിച്ചതുകൊണ്ട്​ ആ സ്ഥാനത്ത്​ ഇരിക്കുന്നതിൽ തെറ്റില്ല. ഇൗ സീസണോടെ കോഹ്​ലി ക്യാപ്​റ്റൻസി ഒഴിയണമെന്നതാണ്​ 100 ശതമാനം ശരി -ഗംഭീർ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Gautam GambhirVirat KohliIPL 2020
Next Story