കുതിപ്പിനൊടുവിൽ ഡൽഹി വീണു; ​േപ്ല ഓഫ്​ പ്രതീക്ഷകൾ സജീവമാക്കി കൊൽക്കത്ത

ഷാർജ: തുടർ വിജയങ്ങളുമായി മുന്നേറിയിരുന്ന ഡൽഹി കാപ്പിറ്റൽസിനെ വീഴ്​ത്തി കൊൽക്കത്ത നൈറ്റ്​ റൈഡേഴ്​സ് ​േപ്ല ഓഫ്​ പ്രതീക്ഷകൾ സജീവമാക്കി​. ആദ്യം ബാറ്റ്​ ചെയ്​ത ഡൽഹിയെ 127 റൺസിലൊതുക്കിയ കൊൽക്കത്ത 18.2 ഓവറിൽ ഏഴുവിക്കറ്റ്​ നഷ്​ടത്തിൽ വിജയം കൈപ്പിടിയിലൊതുക്കുകയായിരുന്നു. ഉജ്ജ്വലമായി പന്തെറിഞ്ഞ ബൗളർമാരുടെ മിടുക്കിലാണ്​ കൊൽക്കത്ത വിജയം കൊത്തിയത്​. 11 മത്സരങ്ങളിൽ നിന്നും 16 പോയന്‍റുമായി ഡൽഹി രണ്ടാം സ്ഥാനത്ത്​ തുടരു​േമ്പാൾ 10 പോയന്‍റുമായി കൊൽക്കത്ത നാലാംസ്ഥാനത്തേക്ക്​ കയറി.

മികച്ച തുടക്കം കിട്ടിയിട്ടും മധ്യനിരയും വാലറ്റവും തകർന്നതാണ്​ ഡൽഹിക്ക്​ വിനയായത്​. ഓപ്പണറായി ഇറങ്ങിയ സ്റ്റീവൻ സ്​മിത്തും (39), ശിഖർ ധവാനും (24) ഡൽഹിക്ക്​ ഭേദപ്പെട്ട തുടക്കം നൽകി. എന്നാൽ തുടർന്നെത്തിയവരിൽ ഋഷഭ്​ പന്ത്​ മാത്രമാണ്​ പിടിച്ചുനിന്നത്​ (36 പന്തിൽ 39). ശ്രേയസ്​ അയ്യർ ഒരു റൺസും ഹെറ്റ്​മെയർ നാലു റൺസെടുത്തും പുറത്തായി. ലളിത്​ യാദവ്​, അക്​സർ പ​േട്ടൽ, കഗിസോ റബാദ എന്നിവർ റൺസൊന്നുമെടുക്കാതെ പുറതായി. രണ്ടു വിക്കറ്റ്​ വീതം വീഴ്​ത്തിയ ലോക്കി ഫെർഗൂസൺ, സുനിൽ നരെയ്​ൻ, വെങ്കടേഷ്​ അയ്യർ എന്നിവർ കൊൽക്കത്തക്കായി ഉജ്ജ്വലമായി പന്തെറിഞ്ഞു ​.

മറുപടി ബാറ്റങ്ങിനിറങ്ങിയ കൊൽക്കത്ത അനായാസ ജയത്തിലേക്കെന്ന്​ തോന്നിച്ചെങ്കിലും തുടരെ വിക്കറ്റുകൾ വീണത്​ സമ്മർദ്ദം സൃഷ്​ടിച്ചു. ശുഭ്​മാൻ ഗിൽ (30), നിതീഷ്​ റാണ (36), സുനിൽ നരൈൻ (21) എന്നിവരാണ്​ കൊൽക്കത്ത നിരയിൽ ​ഭേദപ്പെട്ട നിരയിൽ ബാറ്റേന്തിയത്​. ഡൽഹിക്കായി ആവേഷ്​ ഖാൻ 13 റൺസ്​ വഴങ്ങി മൂന്നുവിക്കറ്റുകൾ പിഴുതു.