ധോണിയെ ടീമിലെടുക്കുന്നത്​ ഗാംഗുലി​യെ ബോധ്യപ്പെടുത്താൻ 10 ദിവസമെടുത്തു -മുൻ ഇന്ത്യൻ സെലക്​ടർ

ന്യൂഡൽഹി: ഇതിഹാസ നിര​യിലേക്കുയർന്ന മുൻ ഇന്ത്യൻ നായകൻ മഹേന്ദ്ര സിങ്​​ ധോണിയുടെ ടീമിലേക്കുള്ള വരവിനെക്കുറിച്ച്​ വെളിപ്പെടുത്തലുമായി രംഗത്തെത്തിയിരിക്കുകയാണ്​ മുൻ ഇന്ത്യൻ സെലക്​ടർ കിരൺ മോറെ. ഒരു സ്​പെഷ്യലിസ്​റ്റ്​ വിക്കറ്റ്​ കീപ്പർ ബാറ്റ്​സ്​മാനെ ടീമിന്​ ലഭിക്കാതെ വരികയും രാഹുൽ ദ്രാവിഡ്​ വിക്കറ്റ്​ കീപ്പറാകുകയും ചെയ്​ത ആ കാലത്തെ ഓർമിച്ചെടുക്കുകയാണ്​ മോറെ. ധോണിയെ ടീമിലെടുക്കുന്നത്​ അന്നത്തെ ഇന്ത്യൻ നായകൻ സൗരവ്​ ഗാംഗുലിയെ ബോധ്യപ്പെടുത്താൻ പത്ത്​ ദിവസത്തോളമെടുത്തെന്ന്​ മോറെ ഒരു ഷോയിൽ പറഞ്ഞു.

''ഞങ്ങൾ ഒരു വിക്കറ്റ്​ കീപ്പർ ബാറ്റ്​സ്​മാനെ തിരയുകയായിരുന്നു. കളിയുടെ സ്വഭാവം മാറിക്കൊണ്ടിരിക്കുന്ന ആ സമയത്ത്​ ഒരു പവർ ഹിറ്ററെയായിരുന്നു ആവശ്യം. ആറാമനായോ ഏഴാമനായോ ബാറ്റ്​ ചെയ്​ത്​ വേഗത്തിൽ 40-50 റൺസ്​ ​നേടുന്ന താരത്തെയായിരുന്നു ആവശ്യം. ദ്രാവിഡ്​ 2003 ലോകകപ്പടക്കം 75 ഏകദിനങ്ങളിൽ വിക്കറ്റ്​ കീപ്പറായി. അതുകൊണ്ടുതന്നെ ഒരു വിക്കറ്റ്​ കീപ്പറെ അത്യാവശ്യമായിരുന്നു''.

''എ​െൻറ സുഹൃത്താണ്​ ആദ്യമായി ധോണിയെ കണ്ടത്​. അന്നദ്ദേഹം ടീം നേടിയ 170 റൺസിൽ 130ഉം എടുത്ത്​ തകർപ്പൻ ഫോമിൽ നിൽക്കുകയായിരുന്നു. എന്നാൽ ഗാംഗുലിക്ക്​ അന്ന്​ കൊൽക്കത്തയിൽ നിന്ന്​ തന്നെയുള്ള ദീപ്​ദാസ്​ ഗുപ്​തയോടായിരുന്നു താൽപര്യം. ധോണിയെ വിക്കറ്റ്​ കീപ്പറാക്കുന്നത്​ ഗാംഗുലിയെ ബോധ്യപ്പെടുത്താൻ പത്ത്​ ദിവസമെടുത്തു'' -കിരൺ മോറെ പറഞ്ഞു.

തുടർന്ന്​ 2004ൽ ബംഗ്ലദേശിനെതിരെ നടന്ന പരമ്പരയിലാണ്​ ധോണി ഇന്ത്യക്കായി അരങ്ങേറുന്നത്​. പരമ്പരയിൽ കാര്യമായ പ്രകടനം പുറത്തെടുക്കാനാവാതിരുന്ന ധോണി 2005ൽ വിശാഖപട്ടണത്ത്​ പാകിസ്​താനെതിരെ നേടിയ സെഞ്ച്വറിയോടെയാണ്​ ടീമിൽ ഇരിപ്പുറപ്പിച്ചത്​. പിന്നീട്​ ധോണിക്ക്​ തിരിഞ്ഞുനോക്കേണ്ടി വന്നിട്ടില്ല.