ഓവലിൽ രക്ഷകനായി കരുൺ; ഇന്ത്യ കരകയറുന്നു

ലണ്ടൻ: ഇ​ന്ത്യ-​ഇം​ഗ്ല​ണ്ട് പ​ര​മ്പ​ര​യി​ലെ അ​ഞ്ചാ​മ​ത്തെ​യും അ​വ​സാ​ന​ത്തെ​യും ടെ​സ്റ്റ് മ​ത്സ​ര​ത്തിന്റെ ആ​ദ്യ ദി​നം മഴ നിഴലിലായിരുന്നു. ഇടക്കു പെയ്ത ക​ന​ത്ത മ​ഴമൂലം ര​ണ്ട് ത​വ​ണ​ ക​ളി നി​ർ​ത്തി​വെ​ച്ചു. കളി പുനരാരംഭിച്ചപ്പോൾ ഇ​ന്ത്യ ഒ​ന്നാം ഇ​ന്നി​ങ്സി​ൽ ആറ് വി​ക്ക​റ്റ് ന​ഷ്ട​ത്തി​ൽ 204 റ​ൺ​സെ​ന്ന നി​ല​യി​ൽ ആശ്വാസതീരമണയുകയാണ്. മഴമൂലം ആദ്യദിനം 64 ഓവറേ എറിയാൻ സാധിച്ചുള്ളൂ . തുടക്കത്തിൽ തുടരെ വിക്കറ്റുകൾ നഷ്ടപ്പെട്ട് പതറിയ ഇന്ത്യക്ക് കരുൺ നായരുടെയും വാഷിങ് ടൺ സുന്ദറിന്റെയും കൂട്ടുകെട്ടാണ് 200 കടത്തിയത്.

ആദ്യദിനം കളി നിർത്തുമ്പോർ 98 പന്തിൽ 52 റൺസുമായി കരുണും 45 പന്തിൽ 19 റൺസുമായി സുന്ദറുമാണ ക്രീസിൽ. ഓ​പ​ണ​ർ​മാ​രാ​യ യ​ശ​സ്വി ജ​യ്‍സ്വാ​ളും (2) കെ.​എ​ൽ. രാ​ഹു​ലും (14) ക്യാ​പ്റ്റ​ൻ ശു​ഭ്മ​ൻ ഗി​ല്ലും (21) സായി സുദർശനും (38) രവീന്ദ്ര ജഡേജയും (9) ധ്രുവ് ജൂറലും (19) പു​റ​ത്താ​യി. കരുൺ നായരും വാഷിങ്ടൺ സുന്ദറുമാണ് ക്രീസിൽ.

ടോ​സ് നേ​ടി​യ ഇം​ഗ്ല​ണ്ട് ക്യാ​പ്റ്റ​ൻ ഒ​ല്ലി പോ​പ്പ് ബൗ​ളി​ങ് തെ​ര​ഞ്ഞെ​ടു​ക്കു​ക​യാ​യി​രു​ന്നു. നാ​ല് മാ​റ്റ​ങ്ങ​ളോ​ടെ​യാ​ണ് ഇ​ന്ത്യ ക​ളി​ക്കു​ന്ന​ത്. പ​രി​ക്കേ​റ്റ വി​ക്ക​റ്റ് കീ​പ്പ​ർ ഋ​ഷ​ഭ് പ​ന്തി​ന് പ​ക​രം ധ്രു​വ് ജു​റേ​ൽ പ്ലേ​യി​ങ് ഇ​ല​വ​നി​ലെ​ത്തി. പേ​സ​ർ​മാ​രാ​യ ജ​സ്പ്രീ​ത് ബും​റ, അ​ന്‍ഷു​ൽ കാം​ബോ​ജ്, ഓ​ൾ റൗ​ണ്ട​ർ ശാര്‍ദു​ല്‍ ഠാ​കു​ര്‍ എ​ന്നി​വ​ര്‍ ക​ളി​ക്കു​ന്നി​ല്ല. പ്ര​സി​ദ്ധ് കൃ​ഷ്ണ, ആ​കാ​ശ് ദീ​പ്, ക​രു​ണ്‍ നാ​യ​ര്‍ എ​ന്നി​വ​രെ പ​ക​ര​ക്കാ​രാ​ക്കി. 1-2ന് ​പി​ന്നി​ൽ നി​ൽ​ക്കു​ന്ന ഇ​ന്ത്യ​ക്ക് പ​ര​മ്പ​ര സ​മ​നി​ല​യി​ലെ​ങ്കി​ലും പി​ടി​ക്കാ​ൻ ജ​യം അ​നി​വാ​ര്യ​മാ​ണ്.മൂ​ന്നാം ഓ​വ​റി​ൽ​ത്ത​ന്നെ ഇ​ന്ത്യ​ക്ക് ജ​യ്സ്വാ​ളി​നെ ന​ഷ്ട​മാ​യി.

ഗ​സ് അ​റ്റ്കി​ൻ​സ​ണി​ന്റെ ര​ണ്ടാം ഓ​വ​റി​ലെ ആ​ദ്യ പ​ന്തി​ൽ ഓ​പ​ണ​ർ വി​ക്ക​റ്റി​ന് മു​ന്നി​ൽ കു​ടു​ങ്ങി. സ്കോ​ർ ബോ​ർ​ഡി​ൽ അ​പ്പോ​ൾ 10 റ​ൺ​സ് മാ​ത്രം. രാ​ഹു​ലും സാ​യി​യും ചേ​ർ​ന്ന് ന​ട​ത്തി​യ ര​ക്ഷാ​പ്ര​വ​ർ​ത്ത​നം 15 ഓ​വ​ർ വ​രെ നീ​ണ്ടു. 16ാം ഓ​വ​റി​ലെ ആ​ദ്യ പ​ന്തി​ൽ രാ​ഹു​ലി​നെ ക്രി​സ് വോ​ക്സ് ബൗ​ൾ​ഡാ​ക്കി വി​ട്ടു. 40 പ​ന്തി​ലാ​ണ് ഓ​പ​ണ​ർ 14 റ​ൺ​സ് നേ​ടി​യ​ത്. ര​ണ്ടി​ന് 38ലേ​ക്ക് പ​രു​ങ്ങി​യ ടീ​മി​നെ ക​ര​ക​യ​റ്റാ​ൻ ക്യാ​പ്റ്റ​ൻ ഗി​ൽ ക​ള​ത്തി​ലി​റ​ങ്ങി. സാ​യി-​ഗി​ൽ സ​ഖ്യം ഇ​ന്ത്യ​യെ 23 ഓ​വ​റി​ൽ ര​ണ്ടി​ന് 72ലെ​ത്തി​ച്ച​തി​ന് പി​ന്നാ​ലെ മ​ഴ.

സാ​യി 28ഉം ​ഗി​ൽ 15ഉം ​റ​ൺ​സു​മാ​യി ക്രീ​സി​ൽ. മ​ഴ തു​ട​ർ​ന്ന​തോ​ടെ, ഉ​ച്ച ഭ​ക്ഷ​ണ​ത്തി​ന് സ​മ​യ​മാ​യി. ര​ണ്ട് മ​ണി​ക്കൂ​റി​നു ശേ​ഷ​മാ​ണ് ക​ളി പു​ന​രാ​രം​ഭി​ച്ച​ത്. അ​റ്റ്കി​ൻ​സ​ൺ എ​റി​ഞ്ഞ 28ാം ഓ​വ​റി​ലെ ര​ണ്ടാം പ​ന്ത്. ക്രീ​സി​ന്റെ പ​രി​സ​ര​ത്ത് ഡി​ഫ​ൻ​ഡ് ചെ​യ്തി​ട്ട പ​ന്തി​ൽ അ​നാ​വ​ശ്യ റ​ണ്ണി​ന് ബാ​റ്റ​ർ ഗി​ല്ലി​ന്റെ ശ്ര​മം. പ​കു​തി​പോ​ലും പി​ന്നി​ടും​ മു​മ്പെ തി​രി​ഞ്ഞോ​ടി​യെ​ങ്കി​ലും അ​റ്റ്കി​ൻ​സ​ണി​ന് ഉ​ന്നം പി​ഴ​ച്ചി​ല്ല. 35 പ​ന്തി​ൽ 21 റ​ൺ​സെ​ടു​ത്ത നാ​യ​ക​ൻ നി​രാ​ശ​യോ​ടെ പ​വിലി​യ​നി​ലേ​ക്ക്. 83 റ​ൺ​സി​ലാ​ണ് മൂ​ന്നാം വി​ക്ക​റ്റ് വീ​ണ​ത്. ര​ണ്ടാം സെ​ഷ​നി​ൽ എ​റി​യാ​നാ​യ​ത് ആ​റ് ഓ​വ​ർ മാ​ത്രം.