ഐ.പി.എല്ലിന്​ ശേഷം ജോണ്ടി റോഡ്​സ്​ സ്വീഡനിലേക്ക്​ പറക്കും; ദേശീയ ക്രിക്കറ്റ്​ ടീം കോച്ചായി

സ്​റ്റോക്​ഹോം: ക്രിക്കറ്റ്​ വളർത്തുകയെന്ന ഉത്തരവാദിത്വവുമായി മുൻ ദക്ഷിണാഫ്രിക്കൻ താരവും ക്രിക്കറ്റ്​ ചരിത്രത്തിലെ ഏറ്റവും മികച്ച ഫീൽഡർമാരിൽ ഒരാളുമായ ജോ​ണ്ടി ​േറാഡ്​സ്​ സ്വീഡനിലേക്ക്​ വണ്ടി പറക്കുന്നു.

ദേശീയ ക്രിക്കറ്റ്​ ടീമി​െൻറ പരിശീലക സ്​ഥാനം ഏറ്റെടുക്കുന്ന റോഡ്​സ്​ ഇന്ത്യൻ പ്രീമിയർ ലീഗ്​ അവസാനിച്ചതിന്​ ശേഷം കുടുംബസമേതം സ്വീഡനിലെത്തുമെന്ന്​ സ്വീഡിഷ്​ ക്രിക്കറ്റ്​ ഫെഡറേഷൻ അറിയിച്ചു.

ഐ.പി.എൽ ടീമായ കിങ്​സ്​ ഇലവൻ പഞ്ചാബി​െൻറ ഫീൽഡിങ്​ കോച്ചായ റോഡ്​സ്​ നിലവിൽ ദുബായിലാണ്​.

'കുടുംബത്തോടൊപ്പം സ്വീഡനിലേക്ക്​ മാറുന്നതിൽ ഞാൻ ഏറെ ആവേഷത്തിലാണ്​. കൃത്യസമയത്താണ്​ ഈ ഉത്തരവാദിത്വം എന്നിൽ അർപ്പിതമായത്​. പുതിയ സാഹചര്യത്തിൽ എ​െൻറ കഴിവി​െൻറ പരമാവധി പുറത്തെട​ുക്കാനാണ്​ എ​െൻറ ശ്രമം. സ്വീഡിഷ്​ ക്രിക്കറ്റുമായി സഹകരിക്കാൻ ഏറെ സന്തോഷം'- റോഡ്​സ്​ വാർത്തയോട്​ പ്രതികരിച്ചു.

രാജ്യത്ത്​ ഏറ്റവും വേഗത്തിൽ വളരുന്ന കായിക ഇനമാണ്​ ക്രിക്കറ്റ്​ എന്ന്​ എസ്​.സി.എഫ്​ പറഞ്ഞു. കഴിഞ്ഞ രണ്ട്​ വർഷത്തിനിടെ പങ്കാളിത്തത്തിൽ 300 ശതമാനം വർധനയുണ്ടായതായി അവർ പറഞ്ഞു.

1992-2003 കാലയളവിൽ ​ദക്ഷിണാഫ്രിക്കൻ ടീമിലെ അവിഭാജ്യ ഘടകമായിരുന്നു റോഡ്​സ്​. 52 ടെസ്​റ്റിലും 245 ഏകദിനങ്ങളിലും താരം ദക്ഷിണാഫ്രിക്കൻ ജഴ്​സിയണിഞ്ഞു.