ലോകത്തിലെ ഏറ്റവും പ്രായമേറിയ ടെസ്റ്റ് ക്രിക്കറ്റ് താരം ജോൺ വാട്കിൻസ് അന്തരിച്ചു

ഡർബൻ: ലോകത്തിലെ ഏറ്റവും പ്രായമേറിയ ​ടെസ്റ്റ്​ ക്രിക്കറ്ററായിരുന്ന ജോൺ വാട്കിൻസ്​ അന്തരിച്ചു. 98 വയസായിരുന്നു. തിങ്കളാഴ്ച ദക്ഷിണാഫ്രിക്കയിലെ ഡർബനിൽ വെച്ചായിരുന്നു അന്ത്യമെന്ന്​ ക്രിക്കറ്റ്​ സൗത്ത്​ ആഫ്രിക്ക അറിയിച്ചു. 10 ദിവസം മുമ്പ്​ കോവിഡ്​ ബാധിച്ചതിനെ തുടർന്ന്​ അദ്ദേഹത്തിന്‍റെ ആരോഗ്യനില വഷളായിരുന്നതായി സി.എസ്​.എ അറിയിച്ചു.

വല​ൈങ്കയ്യൻ ബാറ്റ്​സ്​മാനും സ്വിങ്​ ബൗളറുമായിരുന്ന വാട്കിൻസ്​ 1949-1957 കാലയളവിൽ 15 ടെസ്റ്റ്​ മത്സരങ്ങൾക്ക്​ കുപ്പായമണിഞ്ഞു. 92 റൺസാണ്​ ഉയർന്ന സ്​കോർ. ക്രിക്കറ്റിലേക്ക്​ തിരിയുന്നതിന്​ മുമ്പ്​ രണ്ടാം ലോകയുദ്ധത്തിൽ ദക്ഷിണാഫ്രിക്കൻ വ്യോമസേനയിൽ സേവനമനുഷ്​ഠിച്ചു.

ഇതോടെ ഇനി ദക്ഷിണാഫ്രിക്കയുടെ തന്നെ റോൺ ഡ്രാപറാകും (95 വയസ്സ്​) ജീവിച്ചിരിക്കുന്ന ഏറ്റവും പ്രായമേറിയ ടെസ്റ്റ്​ കളിക്കാരൻ. 92കാരനായ ആസ്​ട്രേലിയയുടെ നീൽ ഹാർവിയാണ്​ രണ്ടാമത്​. എന്നാൽ 1940കളിൽ ടെസ്റ്റ്​ കളിച്ച ഏക കളിക്കാരൻ ഹാർവിയാകും. ഡ്രാപർ തന്‍റെ രണ്ട്​ ടെസ്റ്റുകളും കളിച്ചത്​ 1950കളിലാണ്​.