Begin typing your search above and press return to search.
exit_to_app
exit_to_app
നിങ്ങളിവിടെ വിദ്വേഷം പ്രചരിപ്പിക്കു​േമ്പാഴും അമിത്​ ഷായുടെ മകൻ മുസ്​ലിം രാജ്യത്ത്​ അറബികളോടൊപ്പമിരുന്ന്​ ക്രിക്കറ്റ്​ കാണുകയാണ്​
cancel
Homechevron_rightSportschevron_rightCricketchevron_right'നിങ്ങളിവിടെ വിദ്വേഷം...

'നിങ്ങളിവിടെ വിദ്വേഷം പ്രചരിപ്പിക്കു​േമ്പാഴും അമിത്​ ഷായുടെ മകൻ മുസ്​ലിം രാജ്യത്ത്​ അറബികളോടൊപ്പമിരുന്ന്​ ക്രിക്കറ്റ്​ കാണുകയാണ്​'

text_fields
bookmark_border

ന്യൂഡൽഹി:ഇന്ത്യൻ പ്രീമിയർ ലീഗ്​ മത്സരത്തിനിടെ ദുബൈ സ്​റ്റേഡിയത്തിലിരിക്കുന്ന ബി.സി.സി.​െഎ സെക്രെട്ടറി ജയ്​ ഷായുടെ ചിത്രമുയർത്തി സമൂഹമാധ്യമങ്ങളിൽ വിമർശന മുന. കേന്ദ്ര ആഭ്യന്തര മന്ത്രി അമിത്​ ഷായു​െട മകനാണ്​ ജയ്​ ഷാ.

''അമിത്​ ഷായുടെ മകൻ മുസ്​ലിം രാജ്യത്തിലെ സ്​റ്റേഡിയത്തിൽ വി.​െഎ.പി ബോക്​സിലിരിക്കുന്നു. കൂടെയിരിക്കുന്നത്​ അസ്സൽ അറബികൾ. ജയ്​ ഷാ കാപ്പി നുണയുകയും ജീവിതം ആസ്വദിക്കുകയും ചെയ്യുന്നു. നിങ്ങളപ്പോഴും മക്കളെ അടുത്തവീട്ടിലെ മുസ്​ലിങ്ങളെ വെറുക്കാൻ പഠിപ്പിക്കുകയാണ്​. ഇനിയെങ്കിലും ഇവരുടെ അജണ്ട മനസ്സിലാക്കണം'' -എന്നുതുടങ്ങുന്ന ട്വീറ്റ്​ സമൂഹമാധ്യമങ്ങളിൽ പറന്നുനടക്കുകയാണ്​.

ബി.സി.സി.​െഎ സെക്രട്ടറിയാകാനുള്ള ജയ്​ ഷായു​െട യോഗ്യത ​ചോദ്യം ചെയ്​തും നിരവധി പേർ രംഗത്തെത്തി. ഇത്​ മക്കൾ രാഷ്​ട്രീയത്തി​െൻറ പരിധിയിൽ പെടില്ലേയെന്നും നിരവധി പേർ ചോദിക്കുന്നുണ്ട്​.അതിനിടെ ചൊവ്വാഴ്​ച ​ ജന്മദിനം ആഘോഷിക്കുന്ന ജയ്​ഷാക്ക്​ ബി.സി.സി.​െഎ പ്രസിഡൻറ്​ സൗരവ്​ ഗാംഗുലി, ഇന്ത്യൻ നായകൻ വിരാട്​ കോഹ്​ലി ഉൾപ്പെടെയുള്ളവർ ആശംസ നേർന്നു.

അതേ സമയം ബാർക്ക്​ റേറ്റിങ്​ പ്രകാരം ഇത്തവണത്തെ ​െഎ.പി.എൽ പുതിയ റെക്കോർഡിട്ടുവെന്ന്​ ജയ്​ ഷാ ട്വീറ്റ്​ ചെയ്​തു. 20 കോടിയോളം പേരാണ്​ ഉദ്​ഘാടന മത്സരം കണ്ടതെന്നും മറ്റൊരു രാജ്യത്തുമുള്ള ഒരു കായിക മത്സരവും ഇത്രയുംപേർ കണ്ടിട്ടില്ലെന്നും ജയ്​ ഷാ ട്വീറ്റ്​ ചെയ്​തു.


Show Full Article
TAGS:jay shah amit shah ipl 2020 
Next Story