ബുംറക്ക്​ ബാറ്റിങ്ങിലു​മുണ്ടെടാ പിടി; ഓസീസിനെ പഞ്ഞിക്കിട്ട്​ ഇന്ത്യ

ബോർഡർ-ഗാവസ്​കർ ടെസ്​റ്റ്​ പരമ്പരക്ക്​ മുന്നോടിയായുള്ള സന്നാഹ മത്സരത്തിൽ ആദ്യദിനം ആസ്​ട്രേലിയയെ ഇന്ത്യ പഞ്ഞിക്കിട്ടു. ആദ്യം ബാറ്റ്​ ചെയ്​ത്​ 194 റൺസിന്​ പുറത്തായ ഇന്ത്യ ഓസീസിനെ വെറും 108 റൺസിൽ എറിഞ്ഞിട്ടു.

ആദ്യം ബാറ്റുചെയ്​ത ഇന്ത്യ 9 വിക്കറ്റിന്​ 123 റൺസ്​​ ​എന്ന നിലയിലായിരുന്നു. എന്നാൽ അവസാന വിക്കറ്റിൽ മുഹമ്മദ്​ സിറാജിനെ കൂട്ടുപിടിച്ച്​ അർധ സെഞ്ച്വറി നേടിയ ജസ്​പ്രീത്​ ബുംറ (55) ഓസീസ്​ ബൗളർമാരെ ​അക്ഷരാർഥത്തിൽ ഞെട്ടിച്ചു. ഇന്ത്യക്കായി പൃഥ്വി ഷാ 40ഉം ശുഭ്​മാൻ ഗിൽ 43ഉം റൺസെടുത്തു.

മറുപടി ബാറ്റിങ്ങിനിറങ്ങിയ ഓസീസിനെ മൂന്ന്​ വിക്കറ്റ്​ വീതം വീഴ്​ത്തിയ മുഹമ്മദ്​ ഷമിയും നവദീപ്​ സെയ്​നിയും ചേർന്ന്​ പിടിച്ചുകിട്ടുകയായിരുന്നു. ബുംറ രണ്ടും മുഹമ്മദ്​ സിറാജ്​ രണ്ടും വിക്കറ്റുകൾ വീഴ്​ത്തി. 32 റൺസെടുത്ത അലക്​സ്​ ക്യാരിയാണ്​ ഓസീസ്​ നിരയിൽ ടോപ്​ സ്​കോറർ ആയത്​.