Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_right'ഒന്നും...

'ഒന്നും അവസാനിച്ചിട്ടില്ല, ഇതൊരു തുടക്കം മാത്രമാണ്​' -37കാരനായ ശ്രീശാന്ത്​ പറയുന്നു

text_fields
bookmark_border
ഒന്നും അവസാനിച്ചിട്ടില്ല, ഇതൊരു തുടക്കം മാത്രമാണ്​ -37കാരനായ ശ്രീശാന്ത്​ പറയുന്നു
cancel

മുംബൈ: ഏഴുവർഷത്തിന്​ ശേഷം ക്രിക്കറ്റ്​ ഗ്രൗണ്ടിൽ മടങ്ങിയെത്തിയ മലയാളികളു​െട സ്വന്തം ശ്രീശാന്ത്​ പുതുച്ചേരിക്കെതിരെ വിക്കറ്റ്​ നേട്ടവുമായി വരവറിയിച്ചിരുന്നു. പുതുച്ചേരി ബാറ്റ്​സ്​മാൻ ഫാബിദ് അഹമദിന്‍റെ കുറ്റിതെറുപ്പിച്ചായിരുന്നു ശ്രീ ​തന്‍റെ ആവനാഴിയിലെ അസ്​ത്രങ്ങൾക്ക്​ തേയ്​മാനം സംഭവിച്ചില്ലെന്ന്​ വിളിച്ചോതിയത്​. മത്സരത്തിന്​ ശേഷം ശ്രീയുടെ വാക്കുകളിലും ആ ആത്മവിശ്വാസം പ്രകടമായി.

'പിന്തുണക്കും സ്നേഹത്തിനും ഒരുപാട് നന്ദി ... ഇത് ഒരു തുടക്കം മാത്രമാണ് ... നിങ്ങളുടെ ആശംസകളും പ്രാർഥനകളും കൊണ്ട്​ ഇനിയും ഒരുപാട​്​ കാര്യങ്ങൾ ചെയ്യാനുണ്ട്.. നിങ്ങളോടും കുടുംബ​ത്തോടും ഒരുപാട്​ ബഹുമാനം'-ശ്രീ ട്വിറ്ററിൽ കുറിച്ചു.

മുഷ്​താഖ്​ അലി ട്രോഫിയിലൂടെയായിരുന്നു ശ്രീശാന്തിന്‍റെ ക്രിക്കറ്റിലേക്കുള്ള തിരിച്ചുവരവ്​. 29 റൺസിന്​ ഒരുവിക്കറ്റുമായാണ്​ ശ്രീശാന്ത്​ മത്സരം അവസാനിപ്പിച്ചത്​.

നിശ്ചിത ഓവറിൽ പുതുച്ചേരി 138 റൺസെടുത്തപ്പോൾ 10 പന്ത്​ ബാക്കി നിൽക്കേ ലക്ഷ്യം നേടി. ക്യാപ്​റ്റൻ സഞ്​ജു സാംസണും (32), മുഹമ്മദ്​ അസ്​ഹറുദ്ദീൻ (30), റോബിൻ ഉത്തപ്പയും (21) കേരളത്തിനായി തിളങ്ങി.

ഇന്ത്യൻ പ്രീമിയർ ലീഗ് വാതുവെപ്പ്​ വിവാദത്തെ തുടർന്ന്​ 2013ലാണ്​ രാജസ്​ഥാൻ റോയൽസ്​ താരങ്ങളായ അജിത്ത്​ ചന്ദില, അങ്കിത്​ ചവാൻ എന്നിവർക്കൊപ്പം ശ്രീശാന്തിനെ ബി.സി.സി.ഐ വിലക്കിയത്​. കഴിഞ്ഞ വർഷം ശ്രീയുടെ ആജീവനാന്ത വിലക്ക്​ ഏഴുവർഷമാക്കി കുറച്ചതിനെത്തുടർന്നാണ്​ മടങ്ങിവരവ്​ സാധ്യമായത്​​. ​

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:CricketS. Sreesanth
News Summary - It's just beginning Sreesanth on comeback to competitive cricket
Next Story