Begin typing your search above and press return to search.
exit_to_app
exit_to_app
യാത്രയപ്പ്​ ലഭിക്കാതെ വിരമിച്ചവർ ഇന്ത്യൻ ടീമിനെതിരെ കളിക്കണം; നിർദേശവുമായി ഇർഫാൻ പത്താൻ
cancel
Homechevron_rightSportschevron_rightCricketchevron_rightയാത്രയപ്പ്​ ലഭിക്കാതെ...

യാത്രയപ്പ്​ ലഭിക്കാതെ വിരമിച്ചവർ ഇന്ത്യൻ ടീമിനെതിരെ കളിക്കണം; നിർദേശവുമായി ഇർഫാൻ പത്താൻ

text_fields
bookmark_border

ന്യൂഡൽഹി: വിരമിച്ച മുൻ നായകൻ മഹേന്ദ്ര സിങ്​ ധോണിക്ക്​ യാത്രയയപ്പ്​ മത്സരം ബി.സി.സി.ഐ ഒരുക്കുന്നതായുള്ള വാർത്തകൾ പുറത്തുവരുന്നതിനിടെ മറ്റൊരു നിർദേശവുമായി ഇർഫാൻ പത്താൻ. യാത്രയയപ്പ്​ ലഭിക്കാതെ വിരമിച്ച 11 താരങ്ങളുടെ ടീം ഇപ്പോഴത്തെ ഇന്ത്യൻ ടീമുമായി മത്സരിക്കുകയും ഇതിൽ നിന്നും കിട്ടുന്ന വരുമാനം ചാരിറ്റി പ്രവർത്തനങ്ങൾക്ക്​ വേണ്ടി ഉപയോഗപ്പെടുത്തണമെന്നും ഇർഫാൻ നിർദേശിച്ചു.

​തന്നോടൊപ്പം ഗൗതം ഗംഭീർ, വീരേന്ദർ സെവാഗ്​, രാഹുൽ ദ്രാവിഡ്​, വി.വി.എസ്​ ലക്ഷ്​മൺ, യുവരാജ്​ സിങ്​, സുരേഷ്​ റെയ്​ന, എം.എസ്​.ധോണി, അജിത്​ അഗാർക്കർ, സഹീർ ഖാൻ, പ്രഗ്യാൻ ഓജ എന്നിവരടങ്ങിയ ശരിയായ യാത്രയയപ്പ്​ ലഭിക്കാതെ വിരമിച്ച 11 താരങ്ങളുടെ പേരും പത്താൻ നിർദേശിച്ചു. നിർദേശത്തെ സ്വാഗതം ചെയ്​ത്​ നിരവധിപേർ രംഗത്തെത്തി.

ഇന്ത്യൻ ​ക്രിക്കറ്റിന്​ മികച്ച സംഭാവനകൾ നൽകിയ താരങ്ങൾക്ക്​ യാത്രയയപ്പ്​ മത്സരം നൽകാ​തിരുന്നതിൽ ഏറെ വിമർശനങ്ങൾ കേട്ട ഇന്ത്യൻ ക്രിക്കറ്റ്​ കൺട്രോൾ ബോർഡ്​ ഈ നിർദേശത്തോട്​ എങ്ങനെ പ്രതികരിക്കു​മെന്ന്​ കാത്തിരുന്ന്​ കാണണം.


Show Full Article
TAGS:irfan pathan virendar sehwag Mahendra Singh Dhoni Yuvraj Singh BCCI 
Next Story