റാ​ഷി​ദ് ഖാന്റെ ഹാ​ട്രി​ക്ക് തുണച്ചില്ല; റിങ്കു സിങ്ങിന്റെ വെടിക്കെട്ടിൽ ഗുജറാത്ത് ചാരം

അ​ഹ്മ​ദാ​ബാ​ദ്: ഇ​ന്ത്യ​ൻ പ്രീ​മി​യ​ർ ലീ​ഗ് 2023 സീ​സ​ണി​ലെ ആ​ദ്യ ഹാ​ട്രി​ക്കും ഗു​ജ​റാ​ത്ത് ടൈ​റ്റ​ൻ​സി​ന് തു​ണ​യാ​യി​ല്ല. ഗു​ജ​റാ​ത്ത് കു​റി​ച്ച 205 റ​ൺ​സെ​ന്ന കൂ​റ്റ​ൻ ല​ക്ഷ്യം ഏ​ഴു വി​ക്ക​റ്റ് ന​ഷ്ട​ത്തി​ൽ കൊ​ൽ​ക്ക​ത്ത നൈ​റ്റ് റൈ​ഡേ​ഴ്സ് മ​റി​ക​ട​ന്നു. 20ാം ഓ​വ​റി​ൽ ജ​യി​ക്കാ​ൻ 29 റ​ൺ​സ് വേ​ണ്ടി​യി​രു​ന്ന കൊ​ൽ​ക്ക​ത്ത​ക്കാ​യി അ​വ​സാ​ന അ​ഞ്ചു പ​ന്തു​ക​ളും സി​ക്സ​ർ പ​റ​ത്തി റി​ങ്കു സി​ങ്ങാ​ണ് ടീ​മി​ന് അ​വി​ശ്വ​സ​നീ​യ ജ​യം സ​മ്മാ​നി​ച്ച​ത്.

അ​സു​ഖം കാ​ര​ണം വി​ശ്ര​മി​ക്കു​ന്ന ഹാ​ർ​ദി​ക് പാ​ണ്ഡ്യ​യു​ടെ അ​ഭാ​വ​ത്തി​ൽ ടൈ​റ്റ​ൻ​സി​നെ ന​യി​ച്ച റാ​ഷി​ദ് ഖാ​ൻ ഹാ​ട്രി​ക് നേ​ടി​യ മ​ത്സ​ര​ത്തി​ൽ ജ​യം പ​ക്ഷേ, എ​തി​രാ​ളി​ക​ൾ​ക്കൊ​പ്പം നി​ന്നു. ടോ​സ് നേ​ടി ബാ​റ്റ് ചെ​യ്ത ആ​തി​ഥേ​യ​ർ 20 ഓ​വ​റി​ൽ നാ​ലു വി​ക്ക​റ്റ് ന​ഷ്ട​ത്തി​ലാ​ണ് 204 റ​ൺ​സെ​ടു​ത്ത​ത്. നൈ​റ്റ് റൈ​ഡേ​ഴ്സ് ഇ​ത്ര​യും ഓ​വ​റി​ൽ 207ലെ​ത്തി മൂ​ന്നു വി​ക്ക​റ്റ് ജ​യം സ്വ​ന്ത​മാ​ക്കി. വെ​ങ്ക​ടേ​ഷ് അ​യ്യ​ർ 40 പ​ന്തി​ൽ 83 റ​ൺ​സ് നേ​ടി ടോ​പ് സ്കോ​റ​റാ​യ​പ്പോ​ൾ റി​ങ്കു 21 പ​ന്തി​ൽ 48 റ​ൺ​സു​മാ​യി പു​റ​ത്താ​വാ​തെ നി​ന്നു.

ഗു​ജ​റാ​ത്തി​നാ​യി സാ​യ് സു​ദ​ർ​ശ​നും (38 പ​ന്തി​ൽ 53) വി​ജ​യ് ശ​ങ്ക​റും (24 പ​ന്തി​ൽ 63 നോ​ട്ടൗ​ട്ട്) അ​ർ​ധ​ശ​ത​ക​ങ്ങ​ൾ നേ​ടി. 17ാം ഓ​വ​റി​ലെ ആ​ദ്യ മൂ​ന്നു പ​ന്തു​ക​ളി​ൽ യ​ഥാ​ക്ര​മം ആ​ന്ദ്രെ റ​സ്സ​ൽ, സു​നി​ൽ ന​രെ​യ്ൻ, ശ​ർ​ദു​ൽ ഠാ​കു​ർ എ​ന്നി​വ​രെ പു​റ​ത്താ​ക്കി​യാ​ണ് റാ​ഷി​ദ് ഹാ​ട്രി​ക് നേ​ടി​യ​ത്.

അ​ത്ര ന​ല്ല​താ​യി​രു​ന്നി​ല്ല കൊ​ൽ​ക്ക​ത്ത​യു​ടെ മ​റു​പ​ടി​യി​ലെ തു​ട​ക്കം. ആ​ദ്യ നാ​ല് ഓ​വ​റി​ന​കം ഓ​പ​ണ​ർ​മാ​രാ​യ റ​ഹ്മാ​നു​ല്ല ഗു​ർ​ബാ​സും (15) നാ​രാ​യ​ൺ ജ​ഗ​ദീ​ശ​നും (6) കൂ​ടാ​രം ക​യ​റി. ര​ണ്ടി​ന് 28ലേ​ക്ക് പ​രു​ങ്ങി​യ ടീ​മി​നെ ക്യാ​പ്റ്റ​ൻ നി​തീ​ഷ് റാ​ണ​യും വെ​ങ്ക​ടേ​ഷും ചേ​ർ​ന്നാ​ണ് ക​ര​ക​യ​റ്റി​യ​ത്. 29 പ​ന്തി​ൽ 45 റ​ൺ​സെ​ടു​ത്ത റാ​ണ 14ാം ഓ​വ​റി​ൽ പു​റ​ത്താ​വു​മ്പോ​ൾ സ്കോ​ർ 128. മ​റു​ത​ല​ക്ക​ലു​ണ്ടാ​യി​രു​ന്ന വെ​ങ്ക​ടേ​ഷ് (83) 16ാം ഓ​വ​റി​ലും പു​റ​ത്ത്. തു​ട​ർ​ന്നാ​യി​രു​ന്നു റാ​ഷി​ദി​ന്റെ ഹാ​ട്രി​ക് പ്ര​ക​ട​നം.

ഏ​ഴി​ന് 155ലേ​ക്ക് ത​ക​ർ​ന്ന ടീ​മി​ന് ജ​യി​ക്കാ​ൻ 21 പ​ന്തി​ൽ 50 റ​ൺ​സ് വേ​ണ​മാ​യി​രു​ന്നു. അ​വ​സാ​ന ര​ണ്ട് ഓ​വ​റു​ക​ളി​ൽ ആ​വ​ശ്യം 43 റ​ൺ​സ്. തു​ട​ർ​ന്നാ​യി​രു​ന്നു റി​ങ്കു​വി​ന്റെ വെ​ടി​ക്കെ​ട്ട്. 20ാം ഓ​വ​ർ തു​ട​ങ്ങു​മ്പോ​ൾ സ്ട്രൈ​ക്കി​ങ് എ​ൻ​ഡി​ലു​ണ്ടാ​യി​രു​ന്ന ഉ​മേ​ഷ് സിം​ഗി​ളെ​ടു​ത്ത് റി​ങ്കു​വി​ന് ദൗ​ത്യം കൈ​മാ​റു​ക​യാ​യി​രു​ന്നു. യാ​ഷ് ദ​യാ​ലാ​യി​രു​ന്നു റി​ങ്കു​വി​ന്റെ ബാ​റ്റി​ന്റെ ചൂ​ട​റി​ഞ്ഞ നി​ർ​ഭാ​ഗ്യ​വാ​നാ​യ ബൗ​ള​ർ. നാ​ല് ഓ​വ​റി​ൽ 37 റ​ൺ​സ് വ​ഴ​ങ്ങി​യാ​ണ് റാ​ഷി​ദ് മൂ​ന്നു​പേ​രെ മ​ട​ക്കി​യ​ത്.

നേ​ര​ത്തേ, ഗു​ജ​റാ​ത്തി​നാ​യി ഓ​പ​ണ​ർ​മാ​രാ​യ വൃ​ദ്ധി​മാ​ൻ സാ​ഹ​യും (17 പ​ന്തി​ൽ 17) ശു​ഭ്മ​ൻ ഗി​ല്ലും (31 പ​ന്തി​ൽ 39) ത​ര​ക്കേ​ടി​ല്ലാ​ത്ത തു​ട​ക്കം ന​ൽ​കി. ഗി​ൽ-​സു​ദ​ർ​ശ​ൻ സ​ഖ്യ​മാ​ണ് ടീ​മി​നെ മൂ​ന്ന​ക്കം ക​ട​ത്തി​യ​ത്.