ചെന്നൈക്ക് ‘സൂപ്പർ’ ജയം; സൺറൈസേഴ്സിനെ തകർത്തത് ഏഴ് വിക്കറ്റിന്

ചെ​ന്നൈ: സ​ൺ​റൈ​സേ​ഴ്സ് ഹൈ​ദ​രാ​ബാ​ദി​നെ​തി​രെ സൂപ്പർ ജയവുമായി ചെ​ന്നൈ സൂ​പ്പ​ർ കി​ങ്സ്. ബാറ്റിങ്ങിലും ബൗളിങ്ങിലും താരങ്ങൾ തിളങ്ങിയതോടെ ധോണിപ്പട എളുപ്പം വിജയം എത്തിപ്പിടിച്ചു. ആദ്യം ബാറ്റ് ചെയ്ത സൺറൈസേഴ്സിന് 20 ഓവറിൽ ഏഴ് വിക്കറ്റ് നഷ്ടത്തിൽ 134 റൺസ് മാത്രമാണ് എടുക്കാനായത്. മറുപടി ബാറ്റിങ്ങിൽ ചെന്നൈ ഏഴ് വിക്കറ്റുകളും എട്ട് പന്തുകളും ബാക്കി നിൽക്കെ ലക്ഷ്യം കാണുകയായിരുന്നു.

അർധ സെഞ്ച്വറിയടിച്ച ഡിവോൺ കോൺവേയാണ് ​ചെന്നൈക്ക് വിജയം സമ്മാനിച്ചത്. താരം 57 പന്തുകളിൽ 12 ഫോറുകളും ഒരു സിക്സും സഹിതം 77 റൺസ് എടുത്തു.

ചെന്നൈക്ക് വേണ്ടി ഓപണർമാരായ റുതുരാജ് ഗെയ്ക്‍വാദും ഡിവോൺ കോൺവേയും ഗംഭീര തുടക്കമായിരുന്നു നൽകിയത്. 11-ാം ഓവറിൽ റുതുരാജ് പുറത്താകുമ്പോൾ ചെന്നൈയുടെ അക്കൗണ്ടിൽ 87 റൺസ് ഉണ്ടായിരുന്നു. 30 പന്തുകളിൽ 35 റൺസായിരുന്നു താരത്തിന്റെ സമ്പാദ്യം. തുടർന്നെത്തിയ അജിൻക്യ രഹാനെ (9) കാര്യമായി ഒന്നും ചെയ്യാ​തെ മടങ്ങി.

ആ​ദ്യം ബാ​റ്റു​ചെ​യ്ത ഹൈ​ദ​രാ​ബാ​ദി​നെ ചെ​ന്നൈ ബൗ​ള​ർ​മാ​ർ 20 ഓ​വ​റി​ൽ ഏ​ഴു വി​ക്ക​റ്റി​ന് 134ലൊ​തു​ക്കിയിരുന്നു. നാ​ലു ഓ​വ​റി​ൽ 22 റ​ൺ​സ് മാ​ത്രം വ​ഴ​ങ്ങി മൂ​ന്നു വി​ക്ക​റ്റെ​ടു​ത്ത ഇ​ടം​കൈ​യ്യ​ൻ സ്പി​ന്ന​ർ ര​വീ​ന്ദ്ര ജ​ദേ​ജ​യാ​യിരുന്നു ഹൈ​ദ​രാ​ബാ​ദി​ന്റെ ന​ട്ടെ​ല്ലൊ​ടി​ച്ച​ത്. ഓ​രേ വി​ക്ക​റ്റ് വീ​ത​വു​മാ​യി ആ​കാ​ശ് സി​ങ്, മ​ഹീ​ഷ് തീ​ക്ഷ​ണ, മ​തീ​ഷ പ​തി​രാ​ന എ​ന്നി​വ​ർ പി​ന്തു​ണ ന​ൽ​കി.

ആ​രും അ​ർ​ധ സെ​ഞ്ച്വ​റി തി​ക​ക്കാ​ത്ത ഹൈ​ദ​രാ​ബാ​ദ് ഇ​ന്നി​ങ്സി​ൽ 34 റ​ൺ​സെ​ടു​ത്ത അ​ഭി​ഷേ​ക് ശ​ർ​മ​യാ​ണ് ടോ​പ്സ്കോ​റ​ർ. 26 പ​ന്തി​ൽ ഒ​രു സി​ക്സും മൂ​ന്നു ബൗ​ണ്ട​റി​യു​മ​ട​ങ്ങി​യ​താ​യി​രു​ന്നു ഇ​ടം​കൈ​യ്യ​ന്റെ ഇ​ന്നി​ങ്സ്. ഹാ​രി ബ്രൂ​ക് (18), രാ​ഹു​ൽ ത്രി​പ​തി (21), നാ​യ​ക​ൻ എ​യ്ഡ​ൻ മാ​ർ​ക്രം (12), ഹെ​ന്റി​ച് ക്ലാ​സ​ൻ (17), മാ​ർ​കോ യാ​ൻ​സ​ൻ (17) എ​ന്നി​വ​ർ​ക്കെ​ല്ലാം മി​ക​ച്ച തു​ട​ക്കം ല​ഭി​ച്ചെ​ങ്കി​ലും മു​ത​ലാ​ക്കാ​നാ​യി​ല്ല. ബാ​റ്റി​ങ് ഓ​ർ​ഡ​റി​ൽ താ​ഴോ​ട്ടി​റ​ങ്ങേ​ണ്ടി​വ​ന്ന മാ​യ​ങ്ക് അ​ഗ​ർ​വാ​ളി​നും (2) തി​ള​ങ്ങാ​നാ​യി​ല്ല.