കടൽകടക്കാൻ ​െഎ.പി.എൽ

മുംബൈ: പാതിവഴിയിൽ നിർത്തിവെച്ച ​െഎ.പി.എൽ 14ാം സീസൺ പുനരാരംഭിക്കാൻ പുതുവഴികൾ തേടി ബി.സി.സി.​െഎ. കോവിഡ്​ രണ്ടാം തരംഗം രൂക്ഷമായി ബാധിച്ച ഇന്ത്യയിൽ ടൂർണമെൻറ്​ തുടരില്ലെന്ന്​ ഉറപ്പായ പശ്ചാത്തലത്തിൽ വിദേശത്തെ വേദികളിലേക്ക്​ മാറ്റാനാണ്​ ബി.സി.സി.​െഎ ശ്രമം.

കഴിഞ്ഞ സീസൺ നടത്തിയ യു.എ.ഇക്ക്​ പുറമെ പുതു വേദികളായി ഇംഗ്ലണ്ടും ആസ്​ത്രേലിയയും പരിഗണനയിലുള്ളതായി റിപ്പോർട്ട്​. സെപ്റ്റംബറിൽ യു.എ.ഇയിലെ കാലാവസ്​ഥ മത്സര നടത്തിപ്പിന്​ ബുദ്ധിമുട്ടാവുന്നതിനാലാണ്​ പുതിയ രണ്ടു​ വേദികളും പരിഗണനയിൽ വന്നത്​.

സെപ്​റ്റംബറിൽ ഇംഗ്ലണ്ടിലെ കാലാവസ്​ഥ കൂടുതൽ അനുകൂലമെന്നാണ്​ സൂചന. വേദിയൊരുക്കാനുള്ള സന്നദ്ധതയുമായി നാല്​ ഇംഗ്ലീഷ്​ കൗണ്ടി ടീമുകൾ രംഗത്തെത്തിയിട്ടുണ്ട്​.

മിഡ്​ൽസെക്​സ്​, സറി, വാർവിക്​ഷെയർ, ലങ്കാഷെയർ എന്നീ ടീമുകളാണ്​ ഇതുസംബന്ധിച്ച്​ താൽപര്യം അറിയിച്ചത്​. സെപ്​റ്റംബർ 14ന്​ അവസാനിക്കുന്ന ഇന്ത്യ -ഇംഗ്ലണ്ട്​ പരമ്പരക്കു പിന്നാലെ ​െഎ.പി.എൽ തുടരാനും ആഗ്രഹമുണ്ട്​.

മൂന്നാമത്തെ സാധ്യത എന്ന നിലയിലാണ്​ ആസ്​ത്രേലിയ പട്ടികയിലുള്ളത്​. ​െഎ.പി.എൽ പാതിവഴിയിൽ ഉപേക്ഷിച്ചത്​ കാരണം ബ്രോഡ്​കാസ്​റ്റ്​, സ്​പോൺസർഷിപ് വഴിയുള്ള വരുമാനത്തിൽ 2000 കോടിയുടെ നഷ്​ടം ബി.സി.സി.​െഎക്ക്​ ഉണ്ടായെന്നാണ്​ റിപ്പോർട്ട്​.