Begin typing your search above and press return to search.
proflie-avatar
Login
exit_to_app
exit_to_app
തുടക്കം ഗംഭീരം, ഒടുക്കം ദുരന്തം; ബാംഗ്ലൂരിനെ 156 റൺസിലൊതുക്കി ചെന്നൈ
cancel
Homechevron_rightSportschevron_rightCricketchevron_rightതുടക്കം ഗംഭീരം,...

തുടക്കം ഗംഭീരം, ഒടുക്കം ദുരന്തം; ബാംഗ്ലൂരിനെ 156 റൺസിലൊതുക്കി ചെന്നൈ

text_fields
bookmark_border

ഷാർജ: ഐ.പി.എല്ലിൽ അവസാന ഓവറുക​ൾ എപ്പോഴും ആവേശഭരിതമാണ്​. തലങ്ങും വിലങ്ങും വരുന്ന സിക്​സറുകളും ബൗണ്ടറിയുമെല്ലാം ആരെയും ത്രസിപ്പിക്കും. പ്രത്യേകിച്ച്​ ഡിവില്ലേഴ്​സ്​, മാക്​സ്​വെൽ പോലുള്ള താരങ്ങൾ ക്രീസിലുണ്ടെങ്കിൽ പിന്നെ പറയുകയും വേണ്ട.

എന്നാൽ, റോയൽ ചലഞ്ചേഴ്​സ്​ ബാംഗ്ലൂർ - ​ചെന്നൈ സൂപ്പർ കിങ്​സ്​ മത്സരത്തിൽ ഈ രണ്ട്​ താരങ്ങളിൽനിന്ന്​ വെടിക്കെട്ട്​ പ്രതീക്ഷിച്ച ആരാധകർക്ക്​ നിരാശയായിരുന്നു ഫലം. ധോണിയെന്ന നായകന്‍റെ തന്ത്രങ്ങൾക്ക്​ മുന്നിൽ ബാംഗ്ലൂരിന്‍റെ ബാറ്റ്​സ്​മാൻമാർ ഒന്നൊന്നായി കൂടാരം കയറുകയായിരുന്നു.

ഓപ്പണർമാരായ ക്യാപ്​റ്റൻ വിരാട്​ കോഹ്​ലിയും മലയാളി താരം ദേവ്​ദത്ത്​ പടിക്കലും ചേർന്ന്​ മികച്ച തുടക്കം നൽകിയെങ്കിലും കരുത്തറ്റ ബാംഗ്ലൂർ ബാറ്റിങ്​ നിരക്ക് ചെന്നൈക്കെതിരെ ആറ്​ വിക്കറ്റ്​ നഷ്​ടത്തിൽ​ 156 റൺസെടുക്കാനെ സാധിച്ചുള്ളൂ.

​പടിക്കൽ 50 പന്തിൽ 70ഉം കോഹ്​ലി 41 പന്തിൽ 53 റൺസുമാണ്​ നേടിയത്​. മൂന്ന്​ സിക്​സും അഞ്ച്​ ബൗണ്ടറിയുമടങ്ങുന്നതാണ്​ പടിക്കലിന്‍റെ ഇന്നിങ്​സ്​.

ടോസ്​ നേടിയ ചെന്നൈ ക്യാപ്​റ്റൻ ധോണി ബൗളിങ്​ തെരഞ്ഞെടുക്കുകയായിരുന്നു. ആദ്യ ഓവറുകളിൽ തന്നെ അടിച്ചുകളിച്ച കോഹ്​ലിയും പടിക്കലും ബാംഗ്ലൂരിനെ 200 റൺസ്​ കടത്തിക്കുമെന്ന്​​ തോന്നിപ്പിച്ചു. ഇരുവരും ചേർന്ന്​ 111 റൺസിന്‍റെ കൂട്ടുകെട്ടാണ്​ തീർത്തത്​.

14ാമത്തെ ഓവറിൽ​ കോഹ്​ലി പുറത്തായതോടെ ബാംഗ്ലൂരിന്‍റെ തകർച്ച തുടങ്ങി. ബ്രാവോക്കായിരുന്നു വിക്കറ്റ്​. ഇതിനുശേഷം വന്ന ഡിവില്ലേഴ്​സ്​ 12 റൺസെടുത്ത്​ പുറത്തായി. അടുത്ത പന്തിൽ പടിക്കലും മടങ്ങി. ഷർദുൽ താക്കൂറിനാണ് രണ്ടുപേരുടെയും വിക്കറ്റ്​​.

മാക്​സ്​വെൽ (11), ടിം ഡേവിഡ് (1)​, ഹർഷൽ പ​േട്ടൽ (3), എന്നിങ്ങനെയാണ്​ പുറത്തായ മറ്റു ബാറ്റ്​സ്​മാൻമാർ. വാനിന്ദു ഹസാരംഗ ഒരു റൺസെടുത്ത്​ പുറത്താകാതെ നിന്നു. ചെന്നൈക്ക്​ വേണ്ടി ബ്രാവോ മൂന്ന്​ വിക്കറ്റ്​ വീഴ്​ത്തിയപ്പോൾ ദീപക്​ ചഹാറിനാണ്​ ഒരു വിക്കറ്റ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:ipl2021
News Summary - ipl match between Chennai and Bangalore
Next Story