വീണ്ടും കാ​ർ​ത്തി​ക് വെ​ടി​ക്കെ​ട്ട്; ബാംഗ്ലൂരിന് 16 റൺസ് ജയം

മും​ബൈ: പ്രാ​യം വെ​റു​മൊ​രു ന​മ്പ​റാ​ണ് ദി​നേ​ശ് കാ​ർ​ത്തി​ക്കി​ന്. 37ാം വ​യ​സ്സി​ൽ പു​ഷ്പം പോ​ലെ സി​ക്സ​റും ബൗ​ണ്ട​റി​ക​ളു​മാ​യി ആഞ്ഞടിച്ച ഡി.​കെയുടെ വെടിക്കെട്ടിന്റെ കരുത്തിൽ ഡൽഹി കാപിറ്റൽസിനെതിരെ റോയൽ ചാല​ഞ്ചേഴ്സ് ബാം​ഗ്ലൂ​രിന് 16 റൺസിന്റെ മിന്നുന്ന ജയം. തുടക്കത്തിലെ തകർച്ചക്കു ശേഷം ഗ്ലെ​ൻ മാ​ക്സ് വെ​ല്ലും ഷ​ഹ​ബാ​സ് അ​ഹ​മ്മ​ദും ദി​നേ​ഷ് കാ​ർ​ത്തി​കും ചേർന്ന് ബാംഗ്ലുരിനായി കരുപ്പിടിപ്പിച്ച 190 റൺസ് വിജയലക്ഷ്യത്തിനരികെ ഡൽഹി കുഴഞ്ഞു വീണു.

ഓപണർ ഡേവിഡ് വാർണറും (38 പന്തിൽ 66 റൺസ്) ക്യാപ്റ്റൻ ഋഷഭ് പന്തും (17 പന്തിൽ 34 റൺസ്) ആഞ്ഞടിച്ചെങ്കിലും ജോഷ് ഹേസൽവുഡും മുഹമ്മദ് സിറാജും ചേർന്ന് ഡൽഹിയെ പിടിച്ചുകെട്ടുകയായിരുന്നു. ഹേസൽ വുഡ് മൂന്നു വിക്കറ്റും സിറാജ് രണ്ടു വിക്കറ്റും വീഴ്ത്തി.

ടോസ് നേടിയ ഡൽഹി ബാറ്റിങ്ങിനിറക്കിയ ബാംഗ്ലൂരിന്റെ തുടക്കം മോശമായിരുന്നു. ഫോം ​ക​ണ്ടെ​ത്താ​ൻ വി​ഷ​മി​ക്കു​ന്ന ക്യാ​പ്റ്റ​ൻ ഫാ​ഫ് ഡു​​പ്ല​സി​സും വി​രാ​ട് കോ​ഹ്‍ലി​യും ഓ​പ​ണ​ർ അ​ഞ്ജു റാ​വ​ത്തും ​പെ​ട്ടെ​ന്ന് പു​റ​ത്താ​യ ശേ​ഷം ഗ്ലെ​ൻ മാ​ക്സ് വെ​ല്ലും ഷ​ഹ​ബാ​സ് അ​ഹ​മ്മ​ദും ദി​നേ​ഷ് കാ​ർ​ത്തി​കും ചേ​ർ​ന്നാ​ണ് ബാം​ഗ്ലൂ​രി​നെ പൊ​രു​താ​വു​ന്ന നി​ല​യി​ലെ​ത്തി​ച്ച​ത്. 40 റ​ൺ​സി​ന് മൂ​ന്നു വി​ക്ക​റ്റ് ന​ഷ്ട​മാ​യ ശേ​ഷ​മാ​യി​രു​ന്നു മാ​ക്സ് വെ​ൽ ​ഷോ. 34 ​പ​ന്തി​ൽ ഏ​ഴ് ബൗ​ണ്ട​റി​യും ര​ണ്ട് സി​ക്സ​റു​മാ​യി മാ​ക്സ് വെ​ൽ 55 റ​ൺ​സെ​ടു​ത്തു. ആ​റാം വി​ക്ക​റ്റി​ലാ​യി​രു​ന്നു ബാം​ഗ്ലൂ​ർ കൊ​തി​ച്ച കൂ​ട്ടു​കെ​ട്ട് പി​റ​ന്ന​ത്. ഷ​ഹ​ബാ​സ് അ​ഹ​മ​ദി​ന് കൂ​ട്ടാ​യി വ​ന്ന ദി​നേ​ഷ് കാ​ർ​ത്തി​ക് ആ​ഞ്ഞ​ടി​ച്ചു. 18ാമ​ത്തെ ഓ​വ​ർ എ​റി​ഞ്ഞ മു​സ്ത​ഫി​സു​ർ റ​ഹ്മാ​ൻ ശ​രി​ക്കും വി​ശ​ന്നു​വ​ല​ഞ്ഞ ക​ടു​വ​യു​ടെ മു​ന്നി​ൽ​പെ​ട്ട പോ​ലെ​യാ​യി. ആ​ദ്യ​ത്തെ മൂ​ന്നു പ​ന്തും ബൗ​ണ്ട​റി. അ​ടു​ത്ത ര​ണ്ടു പ​ന്തും സി​ക്സ​ർ. അ​വ​സാ​ന പ​ന്ത് പി​ന്നെ​യും ബൗ​ണ്ട​റി. ഒ​രോ​വ​റി​ൽ 28 റ​ൺ​സ്. 34 പ​ന്തി​ൽ 66 റ​ൺ​സ്. 21 പ​ന്തി​ൽ 32 റ​ൺ​സു​മാ​യി ഷ​ഹ​ബാ​സ് അ​ഹ​മ​ദും കാ​ർ​ത്തി​കി​നൊ​പ്പം പു​റ​ത്താ​കാ​തെ നി​ന്നു. 97 റ​ൺ​സാ​ണ് ഇ​രു​വ​രും ചേ​ർ​ന്ന് ആ​റാം​വി​ക്ക​റ്റി​ൽ അ​ടി​ച്ചു​യ​ർ​ത്തി​യ​ത്.