ഐ.പി.എൽ ലേലം നിയ​ന്ത്രിക്കുന്ന ഹ്യൂ എഡ്മിഡ്സ് കുഴഞ്ഞു​വീണു; ലേലം നിർത്തിവെച്ചു

ബംഗളൂരു: 2022 ഐ.പി.എൽ താര ലേലം നിയന്ത്രിക്കുന്ന ഹ്യൂ എഡ്മിഡ്സ് കുഴഞ്ഞുവീണതിനെ തുടർന്ന് ലേലം താത്കാലികമായി നിർത്തിവെച്ചു. ലേലത്തിന്റെ രണ്ടാം സെഷനിൽ എഡ്മിഡ്സ് കുഴഞ്ഞുവീഴുകയും ടീമുടമകളും മറ്റ് സ്റ്റാഫുകളും ഉടനടി ലേലഹാളിലേക്ക് വൈദ്യസഹായമെത്തിക്കുകയുമായിരുന്നു.

എഡ്മിഡ്സിന്റെ ആരോഗ്യനില തൃപ്തികരമാണെന്ന് ബി.സി.സി.ഐ അറിയിച്ചു. ലേലം ഉച്ചഭക്ഷണത്തിനായി നിർത്തിവെച്ചിരിക്കുന്നു എന്നാണ് അറിയിച്ചിരിക്കുന്നത്. മൂന്നരക്ക് ശേഷം ലേലം പുനരാരംഭിക്കും. ചാരു ശർമ്മ ലേലം നിയന്ത്രിക്കും.