ഡൽഹി: ഡൽഹി ക്യാപിറ്റൽസിന് കനത്ത തിരിച്ചടിയായി ടീമിന്‍റെ ബൗളിങ് കുന്തമുനയായ ദക്ഷിണാഫ്രിക്കൻ ഫാസ്റ്റ് ബൗളർ ആന്‍റിച് നോർജെക്ക് കോവിഡ്. ആദ്യ പരിശോധനയിൽ നെഗറ്റീവായ താരം രണ്ടാം പരിശോധനയിലാണ് പോസിറ്റീവായത്. ഇതോടെ ഹോട്ടലിൽ ക്വാറന്‍റീനിലായി. നേരത്തെ അക്സർ പേട്ടലിനും കോവിഡ് സ്ഥിരീകരിച്ചിരുന്നു. കഴിഞ്ഞയാഴ്ചയാണ് നോർജെ ദക്ഷിണാഫ്രിക്കയിൽനിന്നെത്തി ടീമിനൊപ്പം ചേർന്നത്.
ആദ്യ മത്സരത്തിൽ ഡൽഹി ചെന്നൈയെ തോൽപിച്ചിരുന്നു.