Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightCricketchevron_rightലോകകപ്പിനെയും...

ലോകകപ്പിനെയും മറികടന്നു; ഇന്ത്യയിൽ ഏറ്റവും കൂടുതൽ പേർ കണ്ട കായിക ടൂർണമെ​ൻറ്​ ഇനി ഐ.പി.എൽ 2020

text_fields
bookmark_border
ലോകകപ്പിനെയും മറികടന്നു; ഇന്ത്യയിൽ ഏറ്റവും കൂടുതൽ പേർ കണ്ട കായിക ടൂർണമെ​ൻറ്​ ഇനി ഐ.പി.എൽ 2020
cancel

ദുബൈ: ഇന്ത്യയിൽ ഏറ്റവും കൂടുതൽ പേർ കണ്ട കായിക ടൂർണമെ​െൻറന്ന ഖ്യാതി ഇനി ഐ.പി.എൽ 2020ന്​ സ്വന്തം. ​ബ്രോഡ്​കാസ്​റ്റ്​ ഓഡിയൻസ്​ റിസർച്​ കൗൺസിൽ ഓഫ്​ ഇന്ത്യയുടെ (ബാർക്​) കണക്കുകൾ പ്രകാരം 400 ബില്യൺ വ്യൂവിങ്​ മിനുറ്റുകളാണ്​ ടെലിവിഷൻ പ്രേക്ഷകർക്കിടയിൽ രേഖപ്പെടുത്തിയത്​. ഒരു ബില്യൺ 100 കോടിയാണെന്നോർക്കണം.

കഴിഞ്ഞ വർഷത്തെ ഐ.പി.എൽ 326 ബല്യൺ വ്യൂവിങ്​ മിനുറ്റുകളാണ്​ രേഖപ്പെടുത്തിയിരുന്നത്​​. പ്രേക്ഷകരുടെ എണ്ണത്തിൽ 23 ശതമാനം അധിക വളർച്ചയാണ്​ ​ഈ വർഷമുണ്ടായത്​. 344 ബല്യൺ വ്യൂവിങ്​ മിനുറ്റുകളുള്ള 2019 ലെ ഏകദിന ലോകകപ്പി​െൻറ പേരിലായിരുന്നു ഇന്ത്യയിലെ റെക്കോർഡ്​ ഉണ്ടായിരുന്നത്​.

ഹിന്ദി, ബംഗാളി,​ തെലുങ്ക്​, തമിഴ്​, കന്നട ഭാഷകളിലും ഐ.പി.എൽ ​സംപ്രേക്ഷണം ചെയ്​തത്​ ഗുണകരമായെന്ന്​ സ്​റ്റാർസ്​ സ്​പോർട്​സ്​ ഇന്ത്യ തലവൻ സജ്ഞോങ്​ ഗുപ്​ത പ്രതികരിച്ചു. ഫെസ്​റ്റിവൻ സീസണുകളിൽ ആളുകൾ വീട്ടിലിരുന്നതും സ്​ത്രീകളും കുട്ടികളുമടക്കമുള്ളവർ മത്സരം കണ്ടതുമെല്ലാം ഗുണകരമായെന്നും അദ്ദേഹം കൂട്ടിച്ചേർത്തു. പരസ്യ വരുമാനത്തിലും വലിയ കുതിച്ചുചാട്ടമുണ്ടായിട്ടുണ്ട്​.

സെപ്​റ്റംബർ 19 മുതൽ നവംബർ വരെ യു.എ.ഇയിൽ അരങ്ങേറിയ ടൂർണമെൻറിൽ തുടർച്ചയായ രണ്ടാം തവണയും മുംബൈ ഇന്ത്യൻസ്​ ജേതാക്കളായിരുന്നു.

Show Full Article
TAGS:IPL 2020 BARC 
Web Title - IPL 2020 viewership up by 28% compared to last year: BARC report
Next Story