Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightCricketchevron_rightഇനി നിങ്ങൾ നയിക്കൂ;...

'ഇനി നിങ്ങൾ നയിക്കൂ'; കൊൽകത്തയുടെ ക്യാപ്​റ്റൻ സ്ഥാനം മോർഗന്​ കൈമാറി കാർത്തിക്​

text_fields
bookmark_border
ഇനി നിങ്ങൾ നയിക്കൂ; കൊൽകത്തയുടെ ക്യാപ്​റ്റൻ സ്ഥാനം മോർഗന്​ കൈമാറി കാർത്തിക്​
cancel

ദുബൈ: കൊൽകത്ത നൈറ്റ്​റൈഡേഴ്​സി​െൻറ നായകസ്ഥാനം ദിനേശ്​ കാർത്തിക് ഒഴിഞ്ഞു. പകരക്കാരനായി ഇയാൻ മോർഗനെ തീരുമാനിച്ചാണ്​ കാർത്തികി​െൻറ തീരുമാനം മുംബൈ ഇന്ത്യൻസുമായുള്ള മത്സരത്തിന്​ തൊട്ടുമുമ്പുള്ള കാർത്തികി​െൻറ നീക്കം ക്രിക്കറ്റ്​ കേ​ന്ദ്രങ്ങളിൽ വലിയ ചർച്ചയായിട്ടുണ്ട്​.

ഇംഗ്ലണ്ടിനായി ഏകദിന ലോകകപ്പ്​ നേടിക്കൊടുത്ത ഇയാൻ മോർഗൻ ടീമിലുള്ളപ്പോൾ ദിനേശ്​ കാർത്തികിന്​ നായക പദവി കൊടുത്തതിനെതിരെ നേരത്തേ വിമർശനങ്ങളുയർന്നിരുന്നു. എന്നാൽ തുടർജയങ്ങളിലൂടെ താൻ മോശക്കാരനല്ലെന്ന്​ കാർത്തിക്​ തെളിയിച്ചിരുന്നെങ്കിലും കഴിഞ്ഞ മത്സരത്തിൽ റോയൽ ചാലഞ്ചേഴ്​സ്​ ബാംഗ്ലൂരിനോട്​ 82 റൺസി​െൻറ വമ്പൻ തോൽവി കൊൽകത്ത ഏറ്റുവാങ്ങിയിരുന്നു.


''ഇതുപോലുള്ള തീരുമാനമെടുക്കാൻ വലിയ ധൈര്യം വേണം. ഞങ്ങൾ അദ്ദേഹത്തി​െൻറ തീരുമാനത്തിൽ അത്​ഭുതപ്പെട്ടിരിക്കുന്നു. ഇയാൻമോർഗനെപ്പോലെ ലോകകപ്പ്​ നേടിയ ക്യാപ്​റ്റൻ ടീമിലുള്ളതിൽ ഞങ്ങൾ ഭാഗ്യവാൻമാരാണ്​. ദിനേശ്​ കാർത്തിക്​ ഉപനായകനായി തുടരാൻ സന്നദ്ധനാണ്​'' -കൊൽകത്ത നൈറ്റ്​ റൈഡേഴ്​സ്​ സി.ഇ.ഒ വെങ്കി മൈസൂർ അറിയിച്ചു.

ക്യാപ്​റ്റനായി കാർത്തിക്​ തുടരു​േമ്പാഴും നിർണായക തീരുമാനങ്ങളെടുക്കുന്ന 'സൂപ്പർ ക്യാപ്​റ്റൻ' മോർഗനാണെന്ന ആരോപണം അന്തരീക്ഷത്തിലുണ്ടായിരുന്നു. ഏഴുമത്സരങ്ങളിൽ നിന്നും നാല്​ ജയവും മൂന്ന്​ തോൽവിയുമടക്കം എട്ട്​ പോയൻറുമായി നാലാമതാണ്​ കൊൽകത്തയിപ്പോൾ.

Show Full Article
TAGS:IPL 2020 Dinesh Karthik Eoin Morgan 
Next Story