തീരുമാനമായി; ഐ.പി.എൽ സ്​പോൺസറായി വിവോയില്ല

മുംബൈ: ഐ.പി.എല്ലിൽ വിവോയുമായുള്ള കരാർ റദ്ദാക്കിയ വിവരം ഔദ്യോഗികമായി അറിയിച്ച്​ ബി.സി.സി.ഐ. വിവോയും ബി.സി.സി.ഐയും തമ്മിലുള്ള കരാർ 2020 സീസണിൽ റദ്ദാക്കുകയാണെന്ന്​ ക്രിക്കറ്റ്​ ബോർഡ്​ പുറത്തിറക്കിയ പ്രസ്​താവനയിൽ പറയുന്നു.

രാജ്യത്ത്​ ഉടലെടുത്ത ചൈന വിരുദ്ധ വികാരം ചൈനീസ്​ ആപ്പുകളും ഇലക്​ട്രോണിക്​ ഉപകരണങ്ങളും നിരോധിക്കുന്നതിലേക്ക്​ വരെ നയിച്ചിരുന്നു. ഇതിന്​ പിന്നാലെ ​െഎ.പി.എൽ സ്​പോൺസർഷിപ്പിൽ വിവോ തുടർന്നാൽ ടൂർണമെൻറ്​ ബഹിഷ്​കരിക്കണമെന്ന തരത്തിൽ സമൂഹ മാധ്യമങ്ങളിൽ ആഹ്വാനങ്ങൾ ഉയർന്നു. ഇതേതുടർന്ന്​ ഐ.പി.എല്ലി​െൻറ സ്​പോൺസർഷിപ്പിൽ നിന്ന്​ പിന്മാറുമെന്ന്​ വിവോ അറിയിച്ചതായുള്ള റിപ്പോർട്ടുകളും പുറത്ത്​ വന്നിരുന്നു.

അതേസമയം, ബി.സി.സി.​െഎയുമായി നിലവിൽ അഞ്ച്​ വർഷത്തേക്കുള്ള കരാറാണ്​ വിവോക്കുള്ളത്​. 2023 വരെയാണ്​ കരാർ കാലാവധി. അടുത്ത വർഷങ്ങളിലെ കരാറിൽ നിന്ന്​ പിന്മാറില്ലെന്നും വിവോ അറിയിച്ചിട്ടുണ്ട്​.