പ്ര​താ​പം വീ​ണ്ടെ​ടു​ക്കാ​ൻ നൈറ്റ് റൈഡേഴ്സ്; കോ​ഹ്‌​ലിയുടെ കരുത്തിൽ റോ​യ​ൽ ച​ല​ഞ്ചേ​ഴ്സ്

കൊ​ൽ​ക്ക​ത്ത നൈ​റ്റ് റൈ​ഡേ​ഴ്സ്

2012ലും 2014​ലും ഐ.​പി.​എ​ൽ കി​രീ​ടം സ്വ​ന്തം പേ​രി​ലാ​ക്കി​യ കൊ​ൽ​ക്ക​ത്ത നൈ​റ്റ് റൈ​ഡേ​ഴ്സ് ഈ ​സീ​സ​ണി​ൽ ആ ​പ​ഴ​യ പ്ര​താ​പം വീ​ണ്ടെ​ടു​ക്കാ​നു​ള്ള ഒ​രു​ക്ക​ത്തി​ലാ​ണ്. ഇ​ന്ത്യ​ൻ മ​ധ്യ​നി​ര താ​രം ശ്രേ​യ​സ് അ​യ്യ​രു​ടെ നേ​തൃ​ത്വ​ത്തി​ൽ നി​ര​വ​ധി മാ​റ്റ​ങ്ങ​ളു​മാ​യി പു​തി​യ ടീ​മി​നെ സെ​റ്റാ​ക്കി​യി​രി​ക്കു​ക​യാ​ണ് നൈ​റ്റ് റൈ​ഡേ​ഴ്സ്. ക​ഴി​ഞ്ഞ സീ​സ​ണി​ൽ പ്ലേ​ഓ​ഫ് കാ​ണാ​തെ പു​റ​ത്താ​യ കൊ​ൽ​ക്ക​ത്ത ഏ​ഴാം സ്ഥാ​ന​ത്താ​യി​രു​ന്നു ഫി​നി​ഷ് ചെ​യ്ത​ത്. ടീ​മി​ന്‍റെ മെ​ന്‍റ​ർ ഗൗ​തം ഗം​ഭീ​ർ തി​രി​ച്ചു​വ​ന്ന​ത് കൊ​ൽ​ക്ക​ത്ത​ൻ ടീ​മി​ന് വ​ലി​യ ഊ​ർ​ജ​മാ​വും.

അ​യ്യ​രും കൂ​ട്ട​രും

ശ്രേ​യ​സ് അ​യ്യ​രും റി​ങ്കു സി​ങ്ങും ആ​ന്ദ്രേ റ​സ​ലു​മ​ട​ങ്ങു​ന്ന ബാ​റ്റി​ങ് വി​സ്ഫോ​ട​ന​ത്തെ ത​ള​ക്കാ​ൻ എ​തി​ർ ബൗ​ളി​ങ്നി​ര കൂ​ടു​ത​ൽ അ​ധ്വാ​നി​ക്കേ​ണ്ടി​വ​രും. മി​ക​ച്ച റ​ൺ​റേ​റ്റി​ൽ ക്ലാ​സി​ക് പ്ര​ക​ട​നം പു​റ​ത്തെ​ടു​ക്കു​ന്ന ശ്രേ​യ​സ് അ​യ്യ​രു​ടെ വി​ക്ക​റ്റ് ത​ന്നെ​യാ​കും കൊ​ൽ​ക്ക​ത്ത​യു​ടെ ബാ​റ്റി​ങ്ങി​ൽ നി​ർ​ണാ​യ​കം. സ​മീ​പ​കാ​ല​ത്തെ മി​ന്നും​ഫോ​മി​ൽ ഇ​ന്ത്യ​ൻ ടീ​മി​ൽ സ്ഥി​രം സാ​ന്നി​ധ്യ​മാ​യ റി​ങ്കു സി​ങ് ടീ​മി​ന് ന​ൽ​കു​ന്ന ആ​ത്മ​വി​ശ്വാ​സ​വും ചെ​റു​ത​ല്ല. അ​വ​സാ​ന ഓ​വ​റു​ക​ളി​ൽ റി​ങ്കു ന​ട​ത്തു​ന്ന മാ​സ്മ​രി​ക പ്ര​ക​ട​നം ഇ​ക്കു​റി​യും നി​ല​നി​ർ​ത്തി​യാ​ൽ കൊ​ൽ​ക്ക​ത്ത​ക്ക് കാ​ര്യ​ങ്ങ​ൾ എ​ളു​പ്പ​മാ​വും. ഐ.​പി.​എ​ൽ ച​രി​ത്ര​ത്തി​ലെ ഏ​റ്റ​വും ഉ​യ​ർ​ന്ന വി​ല​ക്ക് കൊ​ൽ​ക്ക​ത്ത സ്വ​ന്ത​മാ​ക്കി​യ ആ​സ്ട്രേ​ലി​യ​ൻ പേ​സ​ർ മി​ച്ച​ൽ സ്റ്റാ​ർ​ക്കാ​യി​രി​ക്കും ടീ​മി​ന്‍റെ ഹൈ​ലൈ​റ്റ് താ​രം. നി​ല​വി​ലെ താ​ര​ങ്ങ​ളെ റി​ലീ​സ് ചെ​യ്താ​ണ് കൊ​ൽ​ക്ക​ത്ത ര​ണ്ടും ക​ൽ​പി​ച്ച് സ്റ്റാ​ർ​ക്കി​നെ സ്വ​ന്ത​മാ​ക്കി​യ​ത്.

സ്പി​ൻ റൈ​ഡ്

ഈ ​സീ​സ​ണി​ലെ മി​ക​ച്ച സ്പി​ൻ ബൗ​ളി​ങ് നി​ര​യു​മാ​യാ​ണ് കൊ​ൽ​ക്ക​ത്ത​യു​ടെ വ​ര​വ്. സു​നി​ൽ ന​രേ​യ്ൻ, വ​രു​ൺ ച​ക്ര​വ​ർ​ത്തി, യു​വ​താ​രം സു​യാ​ഷ് ശ​ർ​മ, അ​ഫ്ഗാ​ൻ താ​രം മു​ജീ​ബു​ർ റ​ഹ്മാ​ൻ എ​ന്നി​വ​രാ​ണ് നൈ​റ്റ് റൈ​ഡേ​ഴ്സി​ന്‍റെ സ്പി​ൻ ക​രു​ത്ത്. വ​ർ​ഷ​ങ്ങ​ളാ​യി കൊ​ൽ​ക്ക​ത്ത​യു​ടെ ഒ​പ്പം സ​ഞ്ച​രി​ക്കു​ന്ന സു​നി​ൽ ന​രേ​യ്ൻ ബാ​റ്റി​ങ്ങി​ലും ടീ​മി​ന് മു​ത​ൽ​ക്കൂ​ട്ടാ​ണ്. ക​ഴി​ഞ്ഞ സീ​സ​ണി​ൽ 20 വി​ക്ക​റ്റു​ക​ളെ​ടു​ത്ത താ​ര​മാ​ണ് വ​രു​ൺ. സു​യാ​ഷ് ശ​ർ​മ​യും ക​ഴി​ഞ്ഞ ത​വ​ണ ടീ​മി​നാ​യി ശ്ര​ദ്ധേ​യ പ്ര​ക​ട​ന​ങ്ങ​ൾ കാ​ഴ്ച​വെ​ച്ചി​ട്ടു​ണ്ട്. സ്റ്റാ​ർ​ക്കി​നാ​യി​രി​ക്കും ബൗ​ളി​ങ്നി​ര​യി​ൽ കൂ​ടു​ത​ൽ ഉ​ത്ത​ര​വാ​ദി​ത്തം. സ്റ്റാ​ർ​ക്കി​നൊ​പ്പം സ്പി​ൻ ക​രു​ത്തി​ൽ എ​തി​ർ​ടീ​മി​നെ വ​രു​തി​യി​ലാ​ക്കി കി​രീ​ട​മോ​ഹ​ത്തി​ലേ​ക്ക് അ​ടു​ക്കാ​നു​ള്ള ത​യാ​റെ​ടു​പ്പി​ൽ​ത​ന്നെ​യാ​ണ് റൈ​ഡേ​ഴ്സ്. മാ​ർ​ച്ച് 23ന് ​സ​ൺ​റൈ​സേ​ഴ്സ് ഹൈ​ദ​രാ​ബാ​ദു​മാ​യാ​ണ് കൊ​ൽ​ക്ക​ത്ത​യു​ടെ ആ​ദ്യ മ​ത്സ​രം.

സ്ക്വാ​ഡ്

ശ്രേ​യ​സ് അ​യ്യ​ർ (ക്യാ​പ്റ്റ​ൻ), നി​തീ​ഷ് റാ​ണ, റി​ങ്കു സി​ങ്, റ​ഹ്മാ​നു​ല്ല ഗു​ർ​ബാ​സ്, ഫി​ൽ സാ​ൾ​ട്ട്, സു​നി​ൽ ന​രേ​യ്ൻ, മി​ച്ച​ൽ സ്റ്റാ​ർ​ക്, സു​യാ​ഷ് ശ​ർ​മ, അ​നു​കൂ​ൽ റോ​യ്, ആ​ന്ദ്രെ റ​സ​ൽ, വെ​ങ്കി​ടേ​ഷ് അ​യ്യ​ർ, ഹ​ർ​ഷി​ത് റാ​ണ, വൈ​ഭ​വ് അ​റോ​റ, വ​രു​ൺ ച​ക്ര​വ​ർ​ത്തി, കെ.​എ​സ്. ഭ​ര​ത്, ചേ​ത​ൻ സ​ക്ക​റി​യ, അ​ൻ​ഷി​ക് സ​ക്ക​റി​യ, ര​മ​ൺ​ദീ​പ് സി​ങ്, ഷെ​ർ​ഫാ​ൻ റ​ഥ​ർ​ഫോ​ർ​ഡ്, മ​നീ​ഷ് പാ​ണ്ഡെ, മു​ജീ​ബു​ർ റ​ഹ്മാ​ൻ, ദു​ഷ്മ​ന്ത ച​മീ​ര, ശാ​കി​ബ് ഹു​സൈ​ൻ.

ബാം​ഗ്ലൂ​ർ റോ​യ​ൽ ച​ല​ഞ്ചേ​ഴ്സ്

ഐ.​പി.​എ​ല്ലി​ലെ ഗ്ലാ​മ​ർ ടീ​മെ​ന്ന പ​രി​വേ​ഷ​വു​മാ​യി എ​ത്തു​ന്ന ബാം​ഗ്ലൂ​ർ റോ​യ​ൽ ച​ല​ഞ്ചേ​ഴ്സി​നു കി​രീ​ട​മെ​ന്ന സ്വ​പ്നം ഇ​നി​യും ബാ​ക്കി​യാ​ണ്. ഇ​ന്ത്യ​ൻ സ്റ്റാ​ർ ബാ​റ്റ്സ്മാ​ൻ വി​രാ​ട് കോ​ഹ്‌​ലി​യു​ടെ മി​ന്നും​പ്ര​ക​ട​ന​മൊ​ന്നും ടീ​മി​നെ ഐ.​പി.​എ​ൽ കി​രീ​ട​ത്തി​ലേ​ക്ക് എ​ത്തി​ച്ചി​ട്ടി​ല്ല. ഇ​ക്കു​റി ലേ​ല​ത്തി​ലൂ​ടെ​യും ട്രേ​ഡി​ലൂ​ടെ​യും ചി​ല മാ​റ്റ​ങ്ങ​ളു​മാ​യി ച​ല​ഞ്ചേ​ഴ്സ് പു​തി​യ ടീ​മാ​യി ഒ​രു​ങ്ങി​ക്ക​ഴി​ഞ്ഞു. ക്യാ​പ്റ്റ​ൻ ഫാ​ഫ് ഡു ​പ്ലെ​സി​സും വി​രാ​ട് കോ​ഹ്‌​ലി​യും അ​ട​ങ്ങു​ന്ന ബാ​റ്റി​ങ്നി​ര ക​രു​ത്ത​രാ​ണെ​ങ്കി​ലും ബൗ​ളി​ങ്ങി​ൽ അ​ത്ര മി​ക​ച്ച താ​ര​ങ്ങ​ൾ ടീ​മി​നൊ​പ്പം ഉ​ണ്ടെ​ന്ന് പ​റ​യാ​നാ​വി​ല്ല.

കോ​ഹ്‌​ലി ‘മാ​ക്സി​മം’

റോ​യ​ൽ ച​ല​ഞ്ചേ​ഴ്സി​ന്‍റെ എ​ക്കാ​ല​ത്തെ​യും ക​രു​ത്ത് വി​രാ​ട് കോ​ഹ്‌​ലി​യെ​ന്ന ഊ​ർ​ജ​സ്വ​ല​നാ​യ ക​ളി​ക്കാ​ര​നാ​ണ്. ദീ​ർ​ഘ​കാ​ലം ധ​രി​ച്ച നാ​യ​ക​കു​പ്പാ​യം ഊ​രി​വെ​ച്ച് പു​തി​യ ക്യാ​പ്റ്റ​ന്‍റെ കീ​ഴി​ൽ ടീ​മി​നാ​യി ക​ളി​ക്കു​മ്പേ​ഴും മ​റ്റു ക​ളി​ക്കാ​ർ​ക്ക് വി​രാ​ട് എ​ന്നും ആ​ത്മ​വി​ശ്വാ​സ​മാ​ണ്. ഓ​പ​ണി​ങ്ങി​ൽ ക്യാ​പ്റ്റ​ൻ പ്ലെ​സി​സ് തു​ട​ങ്ങി​വെ​ക്കു​ന്ന വെ​ടി​ക്കെ​ട്ടും പി​ന്നാ​ലെ കോ​ഹ്‌​ലി​യു​ടെ ക്ലാ​സ് ബാ​റ്റി​ങ്ങും ഗ്ലെ​ൻ മാ​ക്‌​സ്‌​വെ​ല്ലി​ന്‍റെ ഫി​നി​ഷി​ങ്ങും സെ​റ്റാ​യാ​ൽ പി​ന്നെ ബാം​ഗ്ലൂ​ർ ടീ​മി​നെ പി​ടി​ച്ചു​കെ​ട്ടാ​ൻ പ്ര​യാ​സ​മാ​വും. ഈ ​മൂ​ന്നു താ​ര​ങ്ങ​ളി​ൽ ആ​രെ​ങ്കി​ലും ഫോ​മി​ലെ​ത്തി​യാ​ൽ മി​ക​ച്ച ടോ​ട്ട​ൽ ടീം ​നേ​ടി​യ ച​രി​ത്ര​മാ​ണു​ള്ള​ത്. തോ​ൽ​വി​യെ​ന്ന് ഉ​റ​പ്പി​ച്ച പ​ല നി​ർ​ണാ​യ​ക ഘ​ട്ട​ങ്ങ​ളി​ലും ടീ​മി​നെ കൈ​പി​ടി​ച്ചു​യ​ർ​ത്തി​യ പാ​ര​മ്പ​ര്യ​മു​ണ്ട് മാ​ക്‌​സ്‌​വെ​ല്ലി​ന്. ആ ​പ്ര​തീ​ക്ഷ പു​തി​യ സീ​സ​ണി​ലും നി​ല​നി​ർ​ത്തി​യാ​ൽ ബാം​ഗ്ലൂ​ർ ബാ​റ്റി​ങ് നി​ര​യെ മെ​രു​ക്കാ​ൻ എ​തി​ർ ബൗ​ള​ർ​മാ​ർ വി​യ​ർ​ക്കും.

ബൗ​ളി​ങ് ടേ​ൺ

ബാ​റ്റി​ങ്ങി​ൽ ക​രു​ത്ത​രാ​ണെ​ങ്കി​ലും മ​റ്റു ടീ​മു​ക​ളെ അ​പേ​ക്ഷി​ച്ച് ബൗ​ളി​ങ്നി​ര ബാം​ഗ്ലൂ​രു​വി​ന് ഒ​രു ച​ല​ഞ്ചാ​യി​രി​ക്കും. ഇ​ന്ത്യ​ൻ പേ​സ​ർ മു​ഹ​മ്മ​ദ് സി​റാ​ജി​നെ മാ​റ്റി​നി​ർ​ത്തി​യാ​ൽ എ​ടു​ത്തു​പ​റ​യാ​വു​ന്ന പ്ര​ക​ട​നം കാ​ഴ്ച​വെ​ക്കു​ന്ന ബൗ​ള​ർ​മാ​രു​ടെ അ​ഭാ​വം ടീ​മി​ന് വെ​ല്ലു​വി​ളി ഉ​യ​ർ​ത്തി​യേ​ക്കാം. ആ​കാ​ശ് ദീ​പ്, ലോ​കി ഫെ​ർ​ഗൂ​സ​ൺ, അ​ൽ​സാ​രി ജോ​സ​ഫ് അ​ട​ങ്ങു​ന്ന ബൗ​ളി​ങ്നി​ര പ്ര​തീ​ക്ഷ​ക്കൊ​ത്ത് ഉ​യ​രു​മെ​ന്നാ​ണ് ടീ​മി​ന്‍റെ ക​ണ​ക്കു​കൂ​ട്ട​ൽ. സ്പി​ൻ ബൗ​ളി​ങ്ങി​ൽ ടീം ​ശ​രാ​ശ​രി​ക്ക് താ​ഴെ​യാ​ണെ​ന്നാ​ണ് വി​ല​യി​രു​ത്ത​ൽ. കാ​മ​റൂ​ൺ ഗ്രീ​നി​ൽ വ​ലി​യ പ്ര​തീ​ക്ഷ​വെ​ക്കു​ന്നു​ണ്ടെ​ങ്കി​ലും ട്വ​ന്‍റി20​യി​ൽ പ്ര​ധാ​ന ഇം​പാ​ക്ട് ഉ​ണ്ടാ​ക്കു​ന്ന ഓ​ൾ​റൗ​ണ്ട​റു​ടെ കു​റ​വും റോ​യ​ൽ ച​ല​ഞ്ചേ​ഴ്സി​ന് ക്ഷീ​ണ​മാ​കും. ഐ.​പി.​എ​ൽ ആ​രം​ഭി​ക്കു​ന്ന മാ​ർ​ച്ച് 22ന് ​നി​ല​വി​ലെ ചാ​മ്പ്യ​ന്മാ​രാ​യ ചെ​ന്നൈ സൂ​പ്പ​ർ കി​ങ്സു​മാ​യാ​ണ് റോ​യ​ൽ ച​ല​ഞ്ചേ​ഴ്സി​ന്‍റെ ആ​ദ്യ മ​ത്സ​രം.

സ്ക്വാ​ഡ്

ഫാ​ഫ് ഡു ​പ്ലെ​സി​സ് (ക്യാ​പ്റ്റ​ൻ), ഗ്ലെ​ൻ മാ​ക്‌​സ്‌​വെ​ൽ, വി​രാ​ട് കോ​ഹ്‌​ലി, ര​ജ​ത് പാ​ട്ടീ​ദാ​ർ, അ​നൂ​ജ് റാ​വ​ത്ത്, ദി​നേ​ശ് കാ​ർ​ത്തി​ക്, സു​യാ​ഷ് പ്ര​ഭു​ദേ​ശാ​യി, വി​ൽ ജാ​ക്സ്, മ​ഹി​പാ​ൽ ലോം​റോ​ർ, ക​ര​ൺ ശ​ർ​മ, മ​നോ​ജ് ഭ​ണ്ഡാ​ഗെ, മാ​യ​ങ്ക് ദാ​ഗ​ർ, വൈ​ശാ​ഖ് വി​ജ​യ​കു​മാ​ർ, ആ​കാ​ശ് ദീ​പ്, മു​ഹ​മ്മ​ദ് സി​റാ​ജ്, റീ​സ് ടോ​പ് ലി, ​ഹി​മാ​ൻ​ഷു ശ​ർ​മ, രാ​ജ​ൻ കു​മാ​ർ, കാ​മ​റൂ​ൺ ഗ്രീ​ൻ, അ​ൽ​സാ​രി ജോ​സ​ഫ്, യാ​ഷ് ദ​യാ​ൽ, ടോം ​ക​റ​ൻ, ലോ​കി ഫെ​ർ​ഗൂ​സ​ൺ, സ്വ​പ്നി​ൽ സി​ങ്, സൗ​ര​വ് ചൗ​ഹാ​ൻ.