ട്വന്‍റി20 ലോകകപ്പ്​: ഇന്ത്യൻ ടീമിനെ പ്രഖ്യാപിച്ചു, സഞ്​ജു പുറത്ത്​

ന്യൂഡൽഹി: ട്വന്‍റി20 ലോകകപ്പിനുള്ള ഇന്ത്യൻ ടീമിനെ പ്രഖ്യാപിച്ചു. മലയാളി താരം സഞ്​ജു വി സാംസണിന്​ ടീമിലിടം ലഭിക്കുമെന്ന്​ പ്രതീക്ഷിച്ചിരുന്നെങ്കിലും താരത്തെ പരിഗണിച്ചില്ല. 15 അംഗ ടീമിനെയും മൂന്ന്​ അംഗ റിസർവ്​ ടീമിനെയുമാണ്​ പ്രഖ്യാപിച്ചത്​. വിരാട്​ കോഹ്​ലി​ ക്യാപ്​റ്റനും രോഹിത്​ ശർമ വൈസ്​ ക്യാപ്​റ്റനുമായി തുടരും. മുൻ നായകൻ മഹേന്ദ്ര സിങ്​ ധോണിയെ ടീമിന്‍റെ ഉപദേശകനായും നിയമിച്ചു. നിശ്ചിത ഓവര്‍ ടീമിന് ഏറെ നാളായി പുറത്തുള്ള ആര്‍. അശ്വിന്‍ ട്വന്‍റി20 ടീമിൽ ഇടംപിടിച്ചു.

ടീം: വിരാട്​ കോഹ്​ലി (ക്യാപ്​റ്റൻ), രോഹിത്​ ശർമ, ലോകേഷ്​ രാഹുൽ, സൂര്യകുമാർ യാദവ്​, ഋഷഭ്​ പന്ത്​, ഇഷാൻ കിഷൻ, ഹാർദിക്​ പാണ്ഡ്യ, രവീന്ദ്ര ജഡേജ, രാഹുൽ ചഹർ, രവിചന്ദ്ര അശ്വിൻ, അക്​സർ പ​േട്ടൽ, വരുൺ ചൺക്രവർത്തി, ജസ്​പ്രീത്​ ബുംറ, ഭുവനേശ്വർ കുമാർ, മുഹമ്മദ്​ ഷമി.

റിസർവ്​ ടീം: ശ്രേയസ്​ അയ്യർ, ശർദുൽ ഠാക്കൂർ, ദീപക്​ ചഹർ.

അതേസമയം, സ്​പിന്നർമാരായ കുൽദീപ്​ യാദവിനും യുസ്​​േവന്ദ്ര ചഹലിനും ടീമിൽ ഇടംലഭിച്ചില്ല. ശ്രീലങ്കൻ പര്യടനത്തിലെ മോശം പ്രകടനമാണ്​ മലയാളി താരം സഞ്​ജു വി സാംസണ്​ തിരിച്ചടിയായത്​. ശ്രീലങ്കൻ പര്യടനത്തിൽ ഇന്ത്യയെ നയിച്ച ശിഖർ ധവാനും ടീമിൽ ഇല്ല. ഒക്​ടോബർ 17 മുതൽ​ യു.എ.ഇലാണ്​ ലോകകപ്പ്​ പോരാട്ടങ്ങൾ.

ഇന്ത്യയുടെ ആദ്യ മത്സരം ഒക്ടോബർ 24ന് പാക്കിസ്ഥാനെതിരെയാണ്. 31ന് ന്യൂസീലൻഡ്, നവംബർ മൂന്നിന് അഫ്ഗാനിസ്ഥാൻ എന്നിങ്ങനെയാണ് ഇന്ത്യയുടെ ഗ്രൂപ്​ റൗണ്ട്​ മത്സരക്രമം. നവംബർ പത്തിന് സെമി ഫൈനലുകളും നവംബർ 14ന് ഫൈനലും നടക്കും.