Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightശിഖ പാണ്ഡേയുടെ...

ശിഖ പാണ്ഡേയുടെ 'നൂറ്റാണ്ടി​െൻറ പന്ത്'; അലീസ ഹീലിലെ ബൗൾഡാക്കിയ ഇൻസ്വിങ്ങർ കണ്ട്​ അന്തം വിട്ട്​ ക്രിക്കറ്റ്​ലോകം​

text_fields
bookmark_border
Shikha Pandey Ball of the century
cancel

ഗോൾഡ്​കോസ്​റ്റ്​: ക്രിക്കറ്റ്​ ലോകം ഇന്ന്​ ചർച്ച ചെയ്യുന്നത്​ ഇന്ത്യയുടെ വലംകൈയ്യൻ പേസർ ശിഖ പാണ്ഡേയുടെ ഒരു മാന്ത്രിക ബോളിനെ കുറിച്ചാണ്​. ആസ്​ട്രേലിയൻ ബാറ്റർ അലീസ ഹീലിയുടെ കുറ്റി തെറുപ്പിച്ച ശിഖയുടെ പന്തിനെ നൂറ്റാണ്ടി​െൻറ പന്തെന്നാണ്​ വാഴ്​ത്തുന്നത്​.

ആസ്​ട്രേലിയക്കെതിരായ രണ്ടാം ട്വൻറി 20 മത്സരത്തിനിടെയായിരുന്നു ശിഖയുടെ വേഗതയും സ്വിങും സമന്വയിപ്പിച്ച മാന്ത്രിക പ്രകടനം. ഇന്ത്യയുടെ 119 റൺസ്​ വിജയലക്ഷ്യം പിന്തുടർന്നിറങ്ങിയ ഓസീസിനായിആദ്യ പന്ത്​ ഹീലി ബൗണ്ടറി കടത്തി. രണ്ടാമത്തെ പന്ത്​ കണ്ടാണ്​ ക്രിക്കറ്റ്​ ലോകം ഇന്ന്​ അമ്പരന്നിരിക്കുന്നത്​.

111 കി.മീ വേഗത്തിലെത്തിയ പന്ത് ഓഫ്സ്റ്റമ്പിന് പുറത്ത് പിച്ച് ചെയ്തപ്പോള്‍ ഹീലി അപകടമൊന്നും മണത്തിരുന്നില്ല. എന്നാല്‍ സ്വിങ്​ ചെയ്​ത പന്ത്​ ഓഫ്​ സ്​റ്റംപി​െൻറ​ ബെയ്​ൽസ്​ ഇളക്കിയപ്പോൾ നോക്കിനിൽക്കാ​നേ ഓസീസ്​ വിക്കറ്റ്​ കീപ്പർക്ക്​ സാധിച്ചുള്ളൂ. പണ്ഡേയുടെ പ്രകടനം കണ്ട്​ ടീം അംഗങ്ങൾ മാത്രമല്ല കമ​േൻററ്റേഴ്​സും ഒരു നിമിഷം ഞെട്ടി.

വനിതാ ക്രിക്കറ്റിലെ നൂറ്റാണ്ടിലെ ഏറ്റവും മികച്ച പന്തെന്നാണ് മുൻ ഇന്ത്യൻ താരം വസിം ജാഫർ ഈ പ്രകടനത്തെ വിശേഷിപ്പിച്ചത്. ക്രിക്കറ്റ് ചരിത്രത്തിലെ മികച്ച പന്തിലൊന്നാണ്​ ഇതെന്നാണ്​ ആരാധകരും ക്രിക്കറ്റ് പണ്ഡിറ്റുകളും വിലയിരുത്തുന്നത്​. വിഡിയോ സോഷ്യൽ മീഡിയയിൽ വൈറലായി.

എന്നിരുന്നാലും മത്സരത്തിൽ തോൽവി വഴങ്ങാനായിരുന്നു ഇന്ത്യയുടെ വിധി. പൂജ വസ്ത്രാകർ (26 പന്തിൽ 37 റൺസ്), ക്യാപ്റ്റൻ ഹർമൻപ്രീത് കൌർ (20 പന്തിൽ നിന്ന് 28 റൺസ്) എന്നിവരുടെ മികവിൽ​ ഇന്ത്യ 20 ഓവറിൽ 9 വിക്കറ്റ് നഷ്ടത്തിൽ 118 റൺസെടുത്തു. ടാഹ്ലിയ മഗ്രാത്ത് ( 33 പന്തിൽ നിന്ന് 42 നോട്ടൗട്ട്​) ബെത്ത് മൂണി (36 പന്തിൽ 34 റൺസ്), ക്യാപ്റ്റൻ മെഗ് ലാനിങ് (20 പന്തിൽ 15 റൺസ്) എന്നീ താരങ്ങളുടെ മികവിൽ ആതിഥേയർ അനായാസം ജയം സ്വന്തമാക്കി.

അഞ്ച്​ പന്തുകൾ ബാക്കി നിൽ​ക്കേ നാലുവിക്കറ്റിനായിരുന്നു ഓസീസ്​ വിജയം. പരമ്പരയിലെ ആദ്യ മത്സരം മഴ മൂലം ഉപേക്ഷിച്ചിരുന്നു. അവസാന മത്സരം ഞായറാഴ്​ച നടക്കും.

Show Full Article
TAGS:Shikha Pandey ball of the century viral video 
News Summary - India's Shikha Pandey Delivers 'Ball of The Century' Video went Viral
Next Story