അസംഭവ്യമായിരുന്നത് ഇന്ത്യൻ വനിത ടീമിന് സാധിച്ചുതുടങ്ങി -സ്മൃതി
text_fieldsമുംബൈ: വലിയ സ്കോറുകൾ പിന്തുടർന്ന് വിജയത്തോളമെത്തുന്നത് ഒരുവർഷം മുമ്പ് ഇന്ത്യൻ വനിത ക്രിക്കറ്റ് ടീമിനെ സംബന്ധിച്ച് അസംഭവ്യമായിരുന്നുവെന്നും കഠിനാധ്വാനത്തിലൂടെ അത് സാധ്യമാണെന്ന് തെളിയിക്കുന്നതാണ് ആസ്ട്രേലിയക്കെതിരായ പ്രകടനമെന്നും വൈസ് ക്യാപ്റ്റൻ സ്മൃതി മന്ദാന.
ഓസീസിനെതിരായ രണ്ടാം ട്വന്റി20 മത്സരം സൂപ്പർ ഓവറിൽ ജയിച്ചതിനെക്കുറിച്ച് പ്രതികരിക്കുകയായിരുന്നു അവർ. ഓസീസിന്റെയും ഇന്ത്യയുടെയും ഇന്നിങ്സ് 187ൽ അവസാനിച്ചതിനെ തുടർന്നാണ് സൂപ്പർ ഓവർ കളിച്ചത്.
ഇതിൽ ഓസീസ് 16 റൺസെടുത്തപ്പോൾ ഇന്ത്യ 20 റൺസ് നേടി ജയിച്ചു. സ്മൃതി 49 പന്തിൽ 79 റൺസടിച്ചു. അഞ്ച് മത്സര പരമ്പര 1-1 സമനിലയിലാക്കാനും ഇന്ത്യക്ക് കഴിഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.