വെ​സ്റ്റി​ൻ​ഡീ​സി​നെതിരെ ഇന്ത്യയുടെ വിജയത്തുടക്കം

അ​ഹ്മ​ദാ​ബാ​ദ്: ബാ​റ്റും ബാ​ളും പി​ഴ​ക്കാ​തെ കൈ​യി​ലെ​ടു​ത്ത് രോ​ഹി​തും സം​ഘ​വും ന​ട​ത്തി​യ ഒ​ന്നാം യാ​ത്ര വി​ജ​യ​തീ​ര​ത്ത്. വി​ൻ​ഡീ​സി​നെ​തി​രാ​യ ഏ​ക​ദി​ന പ​ര​മ്പ​ര​യി​ലെ ആ​ദ്യ മ​ത്സ​ര​ത്തി​ൽ ഇ​ന്ത്യ വി​ജ​യം തൊ​ട്ട​ത് ആ​റു വി​ക്ക​റ്റി​ന്. പ്ര​മു​ഖ​രി​ൽ പ​ല​രും കോ​വി​ഡി​ൽ കു​രു​ങ്ങി പു​റ​ത്തി​രു​ന്നി​ട്ടും എ​തി​രാ​ളി​ക​ളെ ചി​ത്ര​ത്തി​നു പു​റ​ത്തു​നി​ർ​ത്തി​യാ​യി​രു​ന്നു ഇ​ന്ത്യ​ൻ തേ​രോ​ട്ടം. സ്കോ​ർ വെ​സ്റ്റി​ൻ​ഡീ​സ് 43.5 ഓ​വ​റി​ൽ 177ന് ​എ​ല്ലാ​വ​രും പു​റ​ത്ത്, ഇ​ന്ത്യ 28 ഓ​വ​റി​ൽ 178/4.

1000ാം ഏ​ക​ദി​ന​ത്തി​നി​റ​ങ്ങി​യ ആ​തി​ഥേ​യ​രു​ടെ ബൗ​ളി​ങ് ക​രു​ത്ത് അ​പ​ക​ടം വി​ത​ച്ച ദി​ന​ത്തി​ൽ അ​തി​വേ​ഗ​മാ​യി​രു​ന്നു വി​ൻ​ഡീ​സ് വി​ക്ക​റ്റു വീ​ഴ്ച. യു​സ്വേ​ന്ദ്ര ച​ഹ​ലും വാ​ഷി​ങ്ട​ൺ സു​ന്ദ​റും ന​യി​ച്ച സ്പി​ൻ ആ​ക്ര​മ​ണം തു​ട​ക്ക​ത്തി​ലേ വി​ൻ​ഡീ​സ് പ്ര​തീ​ക്ഷ​ക​ൾ​ക്കു മേ​ൽ താ​ണ്ഡ​വ​മാ​ടി. 9.5 ഓ​വ​ർ എ​റി​ഞ്ഞ ച​ഹ​ൽ 49 റ​ൺ​സ് വി​ട്ടു​കൊ​ടു​ത്ത് നാ​ലു വി​ക്ക​റ്റെ​ടു​ത്ത​പ്പോ​ൾ സു​ന്ദ​ർ ഒ​മ്പ​ത് ഓ​വ​റി​ൽ 30 റ​ൺ​സി​ന് മൂ​ന്നു വി​ക്ക​റ്റും വീ​ഴ്ത്തി. ജാ​സ​ൺ ഹോ​ൾ​ഡ​ർ (57 റ​ൺ​സ്) ഒ​ഴി​കെ സ​ന്ദ​ർ​ശ​ക നി​ര​യി​ൽ ആ​ർ​ക്കും മെ​ച്ച​പ്പെ​ട്ട സ്കോ​ർ ക​ണ്ടെ​ത്താ​നാ​യി​ല്ല.

എ​ട്ടു റ​ൺ​സ് മാ​ത്ര​മെ​ടു​ത്ത ഷാ​യ് ഹോ​പ്പി​നെ​യാ​ണ് ക​രീ​ബി​യ​ൻ പ​ട​ക്ക് ആ​ദ്യം ന​ഷ്ട​മാ​യ​ത്. മൂ​ന്നാം ഓ​വ​റി​ൽ ടീം ​സ്കോ​ർ 13ൽ ​നി​ൽ​ക്കെ മു​ഹ​മ്മ​ദ് സി​റാ​ജാ​യി​രു​ന്നു വി​ക്ക​റ്റ് വേ​ട്ട​ക്ക് തു​ട​ക്ക​മി​ട്ട​ത്. തു​ട​രെ ര​ണ്ടു ബൗ​ണ്ട​റി​ക​ൾ പാ​യി​ച്ച് സി​റാ​ജി​നെ ഞെ​ട്ടി​ച്ച ഹോ​പ് തൊ​ട്ട​ടു​ത്ത പ​ന്തി​ൽ ബൗ​ൾ​ഡാ​വു​ക​യാ​യി​രു​ന്നു. ബ്രാ​ൻ​ഡ​ൻ കി​ങ് (13), ഡാ​ര​ൻ ബ്രാ​വോ (18) എ​ന്നി​വ​രും വ​ലി​യ സ​മ്പാ​ദ്യ​മി​ല്ലാ​തെ മ​ട​ങ്ങി. ഒ​രു ഘ​ട്ട​ത്തി​ൽ 79 റ​ൺ​സ് ചേ​ർ​ക്കു​ന്ന​തി​നി​ടെ ഏ​ഴു വി​ക്ക​റ്റ് വീ​ണ് ദ​യ​നീ​യ നി​ല​യി​ലാ​യ സ​ന്ദ​ർ​ശ​ക​രെ കാ​ത്ത് ജാ​സ​ൺ ഹോ​ൾ​ഡ​റും അ​ല​നും ചേ​ർ​ന്ന് സ്കോ​ർ മു​ന്നോ​ട്ടു​ന​യി​ച്ചെ​ങ്കി​ലും സു​ന്ദ​റി​ന്റെ പ​ന്തി​ൽ അ​ല​ൻ മ​ട​ങ്ങി. ഇ​രു​വ​രും ചേ​ർ​ന്ന് ഉ​യ​ർ​ത്തി​യ 78 റ​ൺ​സ് കൂ​ട്ടു​കെ​ട്ടാ​യി​രു​ന്നു വ​ൻ ത​ക​ർ​ച്ച​യി​ൽ​നി​ന്ന് ടീ​മി​നെ ര​ക്ഷി​ച്ച​ത്. വാ​ല​റ്റ​ത്ത് അ​ൽ​സ​രി ജോ​സ​ഫി​നെ ച​ഹ​ൽ മ​ട​ക്കി​യ​തോ​ടെ 43.5 ഓ​വ​റി​ൽ വി​ൻ​ഡീ​സ് ഇ​ന്നി​ങ്സി​ന് തി​ര​ശ്ശീ​ല​യാ​യി.

മ​റു​പ​ടി ബാ​റ്റി​ങ്ങി​നി​റ​ങ്ങി​യ ഇ​ന്ത്യ രോ​ഹി​തി​​ന്റെ ത​ണ​ലി​ൽ അ​തി​വേ​ഗ​മാ​ണ് വി​ജ​യ​ത്തി​ലേ​ക്ക് കു​തി​ച്ച​ത്. ഒ​ട്ടും ത​ള​ർ​ച്ച കാ​ട്ടാ​തെ ബാ​റ്റു​വീ​ശി​യ നാ​യ​ക​ൻ 51 പ​ന്തി​ൽ 60 റ​ൺ​സെ​ടു​ത്ത് ഇ​ന്ത്യ​ൻ വി​ജ​യം നേ​ര​ത്തെ ഉ​റ​പ്പി​ച്ചാ​ണ് മ​ട​ങ്ങി​യ​ത്. അ​വ​സാ​നം ദീ​പ​ക് ഹൂ​ഡ​യും സൂ​ര്യ​കു​മാ​ർ യാ​ദ​വും ചേ​ർ​ന്ന് 28 ഓ​വ​ർ പൂ​ർ​ത്തി​യാ​ക്കു​ന്ന​തി​നി​ടെ 178 റ​ൺ​സ് അ​ടി​ച്ചെ​ടു​ത്ത് വി​ജ​യം പൂ​ർ​ത്തി​യാ​ക്കി. ഇ​തോ​ടെ പ​ര​മ്പ​ര​യി​ൽ ഇ​ന്ത്യ 1-0ന് ​മു​ന്നി​ലാ​ണ്. ബു​ധ​നാ​ഴ്ച​യാ​ണ് ര​ണ്ടാം ഏ​ക​ദി​നം.