രണ്ടാം ഏകദിനം: ഓസീസിനെതിരെ ഇന്ത്യൻ വനിതകൾക്ക് 259 റൺസ് വിജയലക്ഷ്യം

മുംബൈ: രണ്ടാം ഏകദിനത്തിൽ ഇന്ത്യയ്ക്ക് മുന്നിൽ 259 റൺസ് വിജയലക്ഷ്യവുമായി ആസ്‌ത്രേലിയൻ വനിതകൾ. മുംബൈ വാംഗഡെ സ്‌റ്റേഡിയത്തിൽ നടക്കുന്ന മത്സരത്തിൽ ടോസ് നേടി ഓസീസ് ബാറ്റിങ് തിരഞ്ഞെടുക്കുകയായിരുന്നു. നിശ്ചിത 50 ഓവറിൽ എട്ട് വിക്കറ്റ് നഷ്ടത്തിൽ കംഗാരുപ്പട 258 റൺസെടുത്തു.

ഓപണർ ഫോബെ ലിച്ച്ഫീൽഡ് (63), എലിസെ പെറി (50) എന്നിവരുടെ അർധ സെഞ്ച്വറികളാണ് ഓസീസിന് പൊരുതാവുന്ന സ്‌കോർ സമ്മാനിച്ചത്. തെഹ്ല മഗ്രാത്ത് 24 റൺസ് നേടി. ഇന്ത്യയ്ക്ക് വേണ്ടി ദീപ്തി ശർമ്മ അഞ്ച് വിക്കറ്റ് സ്വന്തമാക്കി. ആദ്യ ഏകദിനത്തിൽ തോൽവി നേരിട്ട ആതിഥേയർക്ക് ടൂർണമെന്റിൽ തിരിച്ചുവരാൻ ഇന്ന് ജയം അനിവാര്യമാണ്.

ആ​ദ്യ ക​ളി​യി​ൽ ഭേ​ദ​പ്പെ​ട്ട സ്കോ​ർ നേ​ടി​യി​ട്ടും ഇന്ത്യ ആ​റ് വി​ക്ക​റ്റ് തോ​ൽ​വി​ വഴങ്ങിയിരുന്നു. 282 റ​ൺ​സ് പ്ര​തി​രോ​ധി​ക്കു​ന്ന​തി​ൽ ആ​തി​ഥേ​യ ബൗ​ള​ർ​മാ​ർ പ​രാ​ജ​യ​പ്പെ​ട്ടു. ഇം​ഗ്ല​ണ്ടി​നെ​യും ആ​സ്ട്രേ​ലി​യ​യെ​യും ടെ​സ്റ്റ് മ​ത്സ​ര​ങ്ങ​ളി​ൽ തോ​ൽ​പി​ച്ച് ച​രി​ത്രം കു​റി​ച്ചാ​യിരുന്നു ഇ​ന്ത്യ ഏ​ക​ദി​ന പ​ര​മ്പ​ര​ക്ക് ഇ​റ​ങ്ങി​യ​ത്. മൂ​ന്നാം ഏ​ക​ദി​നം ചൊ​വ്വാ​ഴ്ച ന​ട​ക്കും. അ​തി​ന് ശേ​ഷം ട്വ​ന്റി20 പ​ര​മ്പ​ര​യു​മു​ണ്ട്.

ടീം ​ഇ​വ​രി​ൽ​നി​ന്ന്

ഇ​ന്ത്യ: ഹ​ർ​മ​ൻ​പ്രീ​ത് കൗ​ർ (ക്യാ​പ്റ്റ​ൻ), സ്മൃ​തി മ​ന്ദാ​ന, ജെ​മീ​മ റോ​ഡ്രി​ഗ​സ്, ഷ​ഫാ​ലി വ​ർ​മ, ദീ​പ്തി ശ​ർ​മ, യാ​സ്തി​ക ഭാ​ട്യ, റി​ച്ച ഘോ​ഷ്, അ​മ​ൻ​ജോ​ത് കൗ​ർ, ശ്രേ​യ​ങ്ക പാ​ട്ടീ​ൽ, മ​ന്ന​ത്ത് ക​ശ്യ​പ്, സെ​യ്ക ഇ​സ്ഹാ​ഖ്, രേ​ണു​ക സി​ങ് താ​ക്കൂ​ർ, ടി​റ്റാ​സ് സാ​ധു, പൂ​ജ വ​സ്ത്ര​കാ​ർ, സ്നേ​ഹ് റാ​ണ, ഹ​ർ​ലീ​ൻ ഡി​യോ​ൾ.

ആ​സ്‌​ട്രേ​ലി​യ: അ​ലീ​സ ഹീ​ലി (ക്യാ​പ്റ്റ​ൻ), ഡാ​ർ​സി ബ്രൗ​ൺ, ഹീ​ത​ർ ഗ്ര​ഹാം, ആ​ഷ്‌​ലി ഗാ​ർ​ഡ്‌​ന​ർ, കിം ​ഗാ​ർ​ട്ട്, ജെ​സ് ജോ​നാ​സെ​ൻ, അ​ലാ​ന കി​ങ്, ഫോ​ബ് ലി​ച്ച്‌​ഫീ​ൽ​ഡ്, ത​ഹ് ലി​യ മ​ക്ഗ്രാ​ത്ത്, ബെ​ത്ത് മൂ​ണി, എ​ല്ലി​സ് പെ​റി, മേ​ഗ​ൻ ഷ​ട്ട്, അ​ന്നാ​ബെ​ൽ സ​ത​ർ​ലാ​ൻ​ഡ്, ജോ​ർ​ജി​യ വെ​യ​ർ​ഹാം.