ഇന്ത്യക്ക് കൂറ്റൻ സ്കോർ; സഞ്ജുവിന് അർധ സെഞ്ച്വറി

ട​റൂ​ബ: വെ​സ്റ്റി​ൻ​ഡീ​സി​നെ​തി​രാ​യ മൂ​ന്നാ​മ​ത്തെ​യും അ​വ​സാ​ന​ത്തെ‍യും ഏ​ക​ദി​ന​ത്തി​ൽ ഇന്ത്യക്ക് മികച്ച സ്കോർ. ടോ​സ് ന​ഷ്ട​പ്പെ​ട്ട് ആ​ദ്യം ബാ​റ്റി​ങ്ങി​നി​റ​ങ്ങി​യ ഇന്ത്യ നിശ്ചിത 50 ഓവറിൽ അഞ്ച് വിക്കറ്റ് നഷ്ടത്തിൽ 351 റൺ​സെടുത്തു. ഓ​പ​ണ​ർ​മാ​രാ​യ ശു​ഭ്മ​ൻ ഗി​ൽ, ഇ​ഷാ​ൻ കി​ഷ​ൻ, മ​ല​യാ​ളി താ​രം സ​ഞ്ജു സാം​സ​ൺ, ഹാർദിക് പാണ്ഡ്യ എ​ന്നി​വ​രു​ടെ അ​ർ​ധ ശ​ത​ക​ങ്ങ​ളാ​ണ് ഇ​ന്ത്യ​ക്ക് ക​രു​ത്താ​യ​ത്. ഗി​ൽ 92 പ​ന്തി​ൽ 85ഉം ​ഇ​ഷാ​ൻ 64 പ​ന്തി​ൽ 77ഉം ​റ​ൺ​സെ​ടു​ത്ത് മ​ട​ങ്ങി. 41 പ​ന്തി​ൽ ര​ണ്ട് ഫോ​റും നാ​ല് സി​ക്സു​മ​ട​ക്കം 51 റ​ൺ​സ​ടി​ച്ചാ​ണ് സ​ഞ്ജു പു​റ​ത്താ​യ​ത്.

ക്യാ​പ്റ്റ​ൻ രോ​ഹി​ത് ശ​ർ​മ​ക്കും സീ​നി‍യ​ർ ബാ​റ്റ​ർ വി​രാ​ട് കോ​ഹ്ലി​ക്കും ഒ​രി​ക്ക​ൽ​ക്കൂ​ടി ഇ​ന്ത്യ വി​ശ്ര​മം ന​ൽ​കി​യ​പ്പോ​ൾ പാ​ണ്ഡ്യ​ത​ന്നെ ടീ​മി​നെ ന​യി​ച്ചു. ഓ​ൾ റൗ​ണ്ട​ർ അ​ക്സ​ർ പ​ട്ടേ​ലി​ന് പ​ക​രം മു​ൻ​നി​ര ബാ​റ്റ​റാ​യ ഋ​തു​രാ​ജ് ഗെ​യ്ക് വാ​ദി​നെ​യും പേ​സ​ർ ഉ​മ്രാ​ൻ മാ​ലി​ക്കി​നെ ക​ര​ക്കി​രു​ത്തി ജ​യ​ദേ​വ് ഉ​ന​ദ്ക​ടി​നെ​യും ഇ​റ​ക്കി. ജെ​യ്ഡ​ൻ സീ​ൽ​സ് എ​റി​ഞ്ഞ ആ​ദ്യ ഓ​വ​റി​ൽ​ത്ത​ന്നെ ഇ​ഷാ​ൻ നി​ല​പാ​ട​റി​യി​ച്ചു.

അ​ടു​ത്ത മൂ​ന്ന് ഓ​വ​റു​ക​ളി​ൽ പ​ക്ഷേ, ഗി​ല്ലും ഇ​ഷാ​നും പ​തു​ക്കെ​യാ​യി. പ​തി​യെ ഇ​രു​വ​രും താ​ളം വീ​ണ്ടെ​ടു​ത്ത​തോ​ടെ റ​ണ്ണൊ​ഴു​കി. വി​ൻ​ഡീ​സ് ബൗ​ള​ർ​മാ​രെ ബൗ​ണ്ട​റി​യി​ലേ​ക്ക് പ​റ​ത്തി​ക്കൊ​ണ്ടി​രു​ന്ന ഓ​പ​ണ​ർ​മാ​ർ ആ​ദ്യ പ​ത്ത് ഓ​വ​റി​ൽ 73 റ​ൺ​സ് ചേ​ർ​ത്തു. 11ാം ഓ​വ​റി​ൽ അ​ൽ​സാ​രി ജോ​സ​ഫി​നെ ഡീ​പ് സ്ക്വ​യ​റി​ൽ സി​ക്സ​റ​ടി​ച്ച ഇ​ഷാ​ൻ, തു​ട​ർ​ച്ച​യാ​യ മൂ​ന്നാം മ​ത്സ​ര​ത്തി​ലും ത​ക​ർ​ത്താ​ടി. 14ാം ഓ​വ​റി​ൽ ര​ണ്ടാം പ​ന്തി​ൽ ഗു​ഡ​കേ​ഷ് മോ​ട്ടീ​യെ സിം​ഗ്ളെ​ടു​ത്ത് ഇ​ഷാ​ന്റെ ഹാ​ട്രി​ക് ഫി​ഫ്റ്റി. ഇ​ക്കു​റി 43ാം പ​ന്തി​ലാ​യി​രു​ന്നു അ​ർ​ധ ശ​ത​കം.

ഇ​ഷാ​ന്റെ 50ഉം ​ഇ​ന്ത്യ​യു​ടെ 100ഉം ​പി​റ​ന്ന​ത് ഒ​രു​മി​ച്ച്. 15 ഓ​വ​റി​ൽ സ്കോ​ർ 110. മ​റു​ഭാ​ഗ​ത്ത് ഗി​ല്ലും അ​ർ​ധ ശ​ത​ക​ത്തി​ലേ​ക്കു​ള്ള പ്ര​യാ​ണ​ത്തി​ലാ​യി​രു​ന്നു. 52 പ​ന്തി​ൽ ഓ​പ​ണ​ർ 50ലെ​ത്തി. ആ​ഞ്ഞ​ടി​ച്ചു​കൊ​ണ്ടി​രു​ന്ന ഇ​ഷാ​ന്റെ പോ​രാ​ട്ടം 20ാം ഓ​വ​റി​ൽ അ​വ​സാ​നി​ച്ചു. യാ​നി​ക ക​റി​യ​യു​ടെ ഓ​വ​റി​ലെ നാ​ലാം പ​ന്തി​ൽ വി​ക്ക​റ്റ് കീ​പ്പ​ർ ഷാ​യ് ഹോ​പ് സ്റ്റ​മ്പ് ചെ​യ്യു​ക​യാ​യി​രു​ന്നു. എ​ട്ട് ഫോ​റും മൂ​ന്ന് സി​ക്സു​മു​ൾ​പ്പെ​ട്ട ഇ​ന്നി​ങ്സ്. 143ൽ ​ആ​ദ്യ വി​ക്ക​റ്റ് വീ​ണു. മൂ​ന്നാ​മ​നാ​യെ​ത്തി​യ ഗെ​യ്ക് വാ​ദ് റ​ൺ ക​ണ്ടെ​ത്താ​ൻ വി​ഷ​മി​ച്ചു. അ​ൽ​സാ​രി ജോ​സ​ഫ് എ​റി​ഞ്ഞ 24ാം ഓ​വ​റി​ൽ ഗെ​യ്ക് വാ​ദി​നെ (14 പ​ന്തി​ൽ 8) ബ്രാ​ൻ​ഡ​ൻ കി​ങ് പി​ടി​ച്ചു.

154ൽ ​ര​ണ്ടാം വി​ക്ക​റ്റ് വീ​ണ ഇ​ന്ത്യ​യെ നാ​ലാ​മ​ൻ സ​ഞ്ജു തു​ട​ക്ക​ത്തി​ൽ​ത​ന്നെ വെ​ടി​ക്കെ​ട്ടു​തി​ർ​ത്ത് മു​ന്നോ​ട്ട് ന​യി​ച്ചു. നേ​രി​ട്ട ആ​ദ്യ ഓ​വ​റി​ൽ ക​റി​യ​ക്കെ​തി​രെ ര​ണ്ട് സി​ക്സ​റു​ക​ള​ടി​ച്ചു സ​ഞ്ജു. 25 ഓ​വ​റി​ൽ ടീം ​സ്കോ​ർ 175ലെ​ത്തി. സ​ഞ്ജു​വി​ന്റെ​യും ഗി​ല്ലി​ന്റെ​യും ബാ​റ്റു​ക​ളി​ൽ​നി​ന്ന് റ​ൺ​സ് പി​റ​ന്ന​പ്പോ​ൾ 29ാം ഓ​വ​റി​ൽ സ്കോ​ർ 200 പി​ന്നി​ട്ടു. സ്ട്രൈ​ക്ക് റേ​റ്റ് 100ന് ​മു​ക​ളി​ൽ തു​ട​ർ​ന്ന മ​ല​യാ​ളി താ​രം നേ​രി​ട്ട 39ാം പ​ന്തി​ൽ റൊ​മാ​രി​യോ ഷെ​പ്പേ​ർ​ഡി​നെ ഡ​ബ്ളെ​ടു​ത്ത് ഏ​ക​ദി​ന​ത്തി​ലെ മൂ​ന്നാം അ​ർ​ധ ശ​ത​കം തി​ക​ച്ചു. ഈ ​ഓ​വ​റി​ൽ​ത്ത​ന്നെ സ​ഞ്ജു​വി​നെ ഷെ​പ്പേ​ർ​ഡ് മ​ട​ക്കി. 32ാം ഓ​വ​റി​ലെ അ​ഞ്ചാം പ​ന്തി​ൽ സ​ഞ്ജു​വി​നെ ഷി​മ്രോ​ൺ ഹെ​റ്റ്മെ​യ​ർ ക്യാ​ച്ചെ​ടു​ത്തു. ഇ​ന്ത്യ മൂ​ന്നി​ന് 223.

പി​ന്നെ സ്കോ​റി​ങ്ങി​ന് വേ​ഗം കു​റ​ഞ്ഞു. ക്യാ​പ്റ്റ​ൻ പാ​ണ്ഡ്യ പ​തു​ക്കെ​യാ​യ​പ്പോ​ൾ മോ​ട്ടീ എ​റി​ഞ്ഞ 37ാം ഓ​വ​ർ മെ​യ്ഡ​നാ​ക്കി ഗി​ല്ലി​ന്റെ 'പി​ന്തു​ണ'. ര​ണ്ടു​പേ​രും ഒ​രു​പോ​ലെ ഇ​ഴ​യു​ന്ന​തി​നി​ടെ ഗി​ൽ പു​റ​ത്ത്. 39ാം ഓ​വ​റി​ലെ നാ​ലാം പ​ന്തി​ൽ ഓ​പ​ണ​റെ ക​റി​യ പി​ടി​കൂ​ടി. മോ​ട്ടീ​ക്കാ​യി​രു​ന്നു വി​ക്ക​റ്റ്. 11 ബൗ​ണ്ട​റി​ക​ള​ട​ങ്ങി​യ ഇ​ന്നി​ങ്സി​ന് ഇ​തോ​ടെ അ​ന്ത്യം. 35 റൺസുമായി സൂര്യകുമാർ മടങ്ങിയെങ്കിലും പാണ്ഡ്യ ഒരറ്റത്ത് ഉറച്ചു നിന്നതോടെ ഇന്ത്യ മികച്ച സ്കോർ കുറിച്ചു.