ഇന്ത്യ-വിൻഡീസ് അവസാന ഏകദിനം ഇന്ന്; പ​ര​മ്പ​ര തൂ​ത്തു​വാ​രാ​ൻ രോ​ഹി​തും സം​ഘ​വും

അ​ഹ്മ​ദാ​ബാ​ദ്: മു​ഴു​വ​ൻ സ​മ​യ നാ​യ​ക​നാ​യ ആ​ദ്യ പ​ര​മ്പ​ര ത​ന്നെ തൂ​ത്തു​വാ​രു​ക എ​ന്ന ല​ക്ഷ്യ​വു​മാ​യി രോ​ഹി​ത് ശ​ർ​മ ഇ​ന്നി​റ​ങ്ങു​ന്നു. വെ​സ്റ്റി​ൻ​ഡീ​സി​നെ​തി​രാ​യ ഏ​ക​ദി​ന പ​ര​മ്പ​ര​യി​ലെ ആ​ദ്യ ര​ണ്ടു മ​ത്സ​ര​ങ്ങ​ളും ആ​ധി​കാ​രി​ക​മാ​യി ജ​യി​ച്ച ഇ​ന്ത്യ അ​വ​സാ​ന ക​ളി​യും കൈ​ക്ക​ലാ​ക്കി ആ​ധി​പ​ത്യ​മു​റ​പ്പി​ക്കാ​നാ​ണ് ഉ​ന്ന​മി​ടു​ന്ന​ത്.

കോ​വി​ഡ് മാ​റി തി​രി​ച്ചെ​ത്തു​ന്ന ഓ​പ​ണ​ർ ശി​ഖ​ർ ധ​വാ​ൻ ക​ളി​ക്കു​മെ​ന്ന് രോ​ഹി​ത് വ്യ​ക്ത​മാ​ക്കി​യി​ട്ടു​ണ്ട്. അ​ങ്ങ​നെ​യെ​ങ്കി​ൽ ക​ഴി​ഞ്ഞ ക​ളി​യി​ൽ രോ​ഹി​തി​നൊ​പ്പം ഓ​പ​ൺ ചെ​യ്ത ഋ​ഷ​ഭ് പ​ന്ത് മ​ധ്യ​നി​ര​യി​ലേ​ക്ക് തി​രി​ച്ചു​പോ​കും. ആ​ദ്യ ര​ണ്ടു മ​ത്സ​ര​ങ്ങ​ളി​ലും ക​ളി​ച്ച ദീ​പ​ക് ഹൂ​ഡ​യാ​യി​രി​ക്കും പു​റ​ത്തി​രി​ക്കേ​ണ്ടി​വ​രി​ക. ശേ​യ്ര​സ് അ​യ്യ​രും കോ​വി​ഡി​ൽ​നി​ന്ന് മു​ക്ത​നാ​യി​ട്ടു​ണ്ടെ​ങ്കി​ലും ക​ളി​ക്കു​മോ എ​ന്ന കാ​ര്യ​മു​റ​പ്പി​ല്ല. വി​രാ​ട് കോ​ഹ്‍ലി, ലോ​കേ​ഷ് രാ​ഹു​ൽ, പ​ന്ത്, സൂ​ര്യ​കു​മാ​ർ യാ​ദ​വ് എ​ന്നി​വ​ര​ട​ങ്ങി​യ മ​ധ്യ​നി​ര​യി​ൽ ഒ​രാ​ളെ ഒ​ഴി​വാ​ക്കി​യാ​ലേ ശ്രേ​യ​സി​ന് അ​വ​സ​രം ന​ൽ​കാ​നാ​വൂ.

ആ​ദ്യ ര​ണ്ടു ക​ളി​യി​ലും തി​ള​ങ്ങി​യ ബൗ​ളി​ങ് ലൈ​ന​പ്പി​ലും ചെ​റി​യ മാ​റ്റ​ത്തി​ന് സാ​ധ്യ​ത​യു​ണ്ട്. കു​ൽ​ദീ​പ് യാ​ദ​വി​നോ പു​തു​മു​ഖം ര​വി ബി​ഷ്‍ണോ​യി​ക്കോ അ​വ​സ​രം ന​ൽ​കു​ക​യാ​ണെ​ങ്കി​ൽ യു​സ്വേ​ന്ദ്ര ച​ഹ​ൽ, വാ​ഷി​ങ്ട​ൺ സു​ന്ദ​ർ എ​ന്നി​വ​രി​ലൊ​രാ​ൾ പു​റ​ത്തി​രി​ക്കും. പേ​സ് ബൗ​ളി​ങ്ങി​ൽ മു​ഹ​മ്മ​ദ് സി​റാ​ജി​ന് പ​ക​രം ആ​വേ​ശ് ഖാ​നെ ക​ളി​പ്പി​ക്കാ​നും സാ​ധ്യ​ത​യു​ണ്ട്.