Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_right'രക്ഷകനായി ചഹാർ';...

'രക്ഷകനായി ചഹാർ'; രണ്ടാം ഏകദിനത്തിലും ലങ്കയെ തകർത്ത്​ ഇന്ത്യക്ക്​ പരമ്പര

text_fields
bookmark_border
രക്ഷകനായി ചഹാർ; രണ്ടാം ഏകദിനത്തിലും ലങ്കയെ തകർത്ത്​ ഇന്ത്യക്ക്​ പരമ്പര
cancel

ശ്രീലങ്കക്കെതിരായ രണ്ടാം ഏകദിനത്തിൽ മൂന്ന്​ വിക്കറ്റി​െൻറ മിന്നും വിജയം സ്വന്തമാക്കി ഇന്ത്യ. തോൽക്കുമെന്നുറപ്പിച്ച മത്സരം തിരികെയെത്തിച്ചത്​ ദീപക്​ ചഹാറി​െൻറ രക്ഷാപ്രവർത്തനം. ആദ്യം ബാറ്റ്​ ചെയ്​ത ലങ്ക ഒമ്പത്​ വിക്കറ്റ്​ നഷ്​ടത്തിൽ 275 റൺസായിരുന്നു എടുത്തത്​. എന്നാൽ, അവസാന ഒാവർ വരെ നീണ്ട മറുപടി ബാറ്റിങ്ങിൽ വാലറ്റക്കാരാണ്​ ഇന്ത്യയുടെ രക്ഷക്കെത്തിയത്​. 49.1 ഒാവറുകളിൽ ഏഴ്​ വിക്കറ്റുകളുടെ നഷ്​ടത്തിൽ 277 റൺസാണ്​ ഇന്ത്യയെടുത്തത്​. ഒരു ഘട്ടത്തിൽ 193 റൺസിന്​ ഏഴ്​ വിക്കറ്റ്​ എന്ന നിലയിലായിരുന്ന ഇന്ത്യയെ ദീപക്​ ചഹാർ (82 പന്തിൽ 69) ഭുവനേശ്വർ കുമാറിനെ (28 പന്തിൽ 19) കൂട്ടുപിടിച്ച് വിജയത്തിലേക്ക്​ എത്തിക്കുകയായിരുന്നു.

ഇന്ത്യക്ക്​ വേണ്ടി സൂര്യകുമാർ യാദവ്​ (44 പന്തിൽ 53), ക്യാപ്റ്റൻ ശിഖർ ധവാൻ (38 പന്തിൽ 29), മനീഷ് പാണ്ഡെ (31 പന്തിൽ 37), കൃണാൽ പാണ്ഡ്യ (54 പന്തിൽ 35) എന്നിവരും പൊരുതി. അതോടെ തുടർച്ചയായ രണ്ടാം ഏകദിനത്തിലും ശ്രീലങ്കയെ കെട്ടുകെട്ടിച്ച്​ ഇന്ത്യൻ യുവനിര ഏകദിന പരമ്പര സ്വന്തമാക്കുകയും ചെയ്​തു. ഇന്ത്യൻ ടീമിന്​ വേണ്ടി മികച്ച പ്രകടനം കാഴ്​ച്ചവെച്ച ചഹാറിന്​ ഇത്​ ഏകദിനത്തിലെ കന്നി അർധ സെഞ്ച്വറിയാണ്​. കരിയറിലെ രണ്ടാമത്തെ ഏകദിനത്തിൽ അർധസെഞ്ച്വറിയടിച്ച്​ ഇന്ന്​ സൂര്യകുമാർ യാദവും ശ്രദ്ധേയനായി.

ശ്രീലങ്കയ്ക്കായി വാനിന്ദു ഹസരംഗ 10 ഓവറിൽ 37 റൺസ് മാത്രം വഴങ്ങി മൂന്നു വിക്കറ്റ് വീഴ്ത്തി. കസൂണ്‍ രജിത, ലക്ഷൻ സന്ദാകൻ, ദസൂൺ ഷാനക എന്നിവർ ഓരോ വിക്കറ്റ്​ വീതമെടുത്തു. നേരത്തെ, ടോസ് നേടി ബാറ്റിങ് തിരഞ്ഞെടുത്ത ശ്രീലങ്കക്ക്​ വേണ്ടി മധ്യനിര ബാറ്റ്സ്മാൻ ചാരിത് അസലങ്ക (68 പന്തിൽ 65), ഓപ്പണർ ആവിഷ്ക ഫെർണാണ്ടോ (50) എന്നിവരാണ്​ തിളങ്ങിയത്​.

Show Full Article
TAGS:India Vs Sri Lanka cricket news Deepak Chahar 
News Summary - India Vs Sri Lanka India won by 3 wkts
Next Story