Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightഇന്ത്യയെ 225 റൺസിന്​...

ഇന്ത്യയെ 225 റൺസിന്​ ചുരുട്ടിക്കെട്ടി ലങ്ക

text_fields
bookmark_border
ഇന്ത്യയെ 225 റൺസിന്​ ചുരുട്ടിക്കെട്ടി ലങ്ക
cancel

കൊളംബോ: മൂന്നാമത്തെയും അവസാനത്തെയും ഏകദിനത്തിൽ ഇന്ത്യയെ ചുരുട്ടിക്കെട്ടി ശ്രീലങ്ക. ടോസ്​ നേടി ബാറ്റിങ്​ തെരഞ്ഞെടുത്ത ഇന്ത്യ 43.1 ഓവറില്‍ 225 റണ്‍സിനു പുറത്തായി. മഴയെത്തുടര്‍ന്ന്​ മത്സരം 47 ഓവറാക്കി ചുരുക്കിയിരുന്നു. 49 റണ്‍സെടുത്ത ഓപ്പണര്‍ പൃഥ്വി ഷായാണ് ഇന്ത്യൻ നിരയിലെ ടോപ്‌സ്‌കോറര്‍. സംഞ്​ജു സാംസൺ 46ഉം സൂര്യകുമാർ യാദവ്​ 40ഉം റൺസെടുത്ത്​ പുറത്തായി. അവശേഷിക്കുന്നവരിൽ ആർക്കും 20 റൺസ്​ പോലും തികയ്​ക്കാനായില്ല.

ലങ്കയ്ക്കു വേണ്ടി അഖില ധനഞ്ജയ, പ്രവീണ്‍ ജയവിക്രമ എന്നിവർ മൂന്നു വിക്കറ്റുകള്‍ വീതം വീഴ്ത്തി. ദുഷ്മന്ത ചമീര രണ്ടു വിക്കറ്റുകളും ചാമിക കരുണരത്‌നെ, നായകൻ ദസുന്‍ ഷനക എന്നിവർ ഓരോ വിക്കറ്റുകള്‍ വീതവും വീഴ്ത്തി.

49 ​പന്തുകളിൽ എട്ട്​ ബൗണ്ടറികൾ അടങ്ങുന്നതായിരുന്നു പൃഥ്വി ഷായുടെ ഇന്നിങ്​സ്​. സഞ്​ജു 46 പന്തുകളിൽ അഞ്ച്​ ബൗണ്ടറികളും ഒരു സിക്​സുമടിച്ചാണ്​ 46 റൺസെടുത്തത്​. 37 പന്തുകളിൽ ഏഴ്​ ബൗണ്ടറികളടക്കമാണ്​ സൂര്യകുമാർ 40 റൺസെടുത്തത്​. നായകന്‍ ശിഖര്‍ ധവാന്‍ (13), മനീഷ് പാണ്ഡെ (11), ഹാര്‍ദിക് പാണ്ഡ്യ (19), അരങ്ങേറ്റക്കാരായ നിതീഷ് റാണ (7), കെ ഗൗതം (2), രാഹുല്‍ ചഹര്‍ (13) എന്നിവർ എളുപ്പം കൂടാരം കയറിയിരുന്നു.

Show Full Article
TAGS:India vs Sri Lanka 3rd ODI 
News Summary - India vs Sri Lanka 3rd ODI
Next Story