ടെസ്​റ്റിലും കപ്പടിക്കാൻ ഇന്ത്യയിറങ്ങുന്നു; ലോ​ക ടെ​സ്​​റ്റ്​ ചാ​മ്പ്യ​ൻ​ഷി​പ്​ ഫൈ​ന​ലി​ന്​ ഇ​ന്ന്​ തു​ട​ക്കം

സ​താം​പ്​​ട​ൺ: ലോ​ക​ക​പ്പ്​ എ​ന്നാ​ൽ ക്രി​ക്ക​റ്റി​ൽ അ​ത്​ ഏ​ക​ദി​ന ലോ​ക​ക​പ്പ്​ മാ​ത്ര​മാ​യി​രു​ന്ന ഒ​രു കാ​ല​മു​ണ്ടാ​യി​രു​ന്നു. 60 ഓ​വ​റാ​യി​രു​ന്ന ആ ​മ​ത്സ​ര​ക്കാ​ല​ത്തി​നി​ട​യി​ലാ​ണ്​ 1983 ൽ ​ഇ​ന്ത്യ ആ​ദ്യ​മാ​യി ലോ​ക​ചാ​മ്പ്യ​ൻ​മാ​രാ​യ​ത്. അ​തും ലോ​ഡ്​​സി​‍െൻറ മൈ​താ​ന​മു​റ്റ​ത്ത്.

ജേ​താ​ക്ക​ളെ നോ​ക്കി 'ക​പി​ലി​‍െൻറ ചെ​കു​ത്താ​ൻ​മാ​ർ' എ​ന്ന്​ കാ​യി​ക ലോ​കം വി​ളി​ച്ചു. 50 ഓ​വ​റി​ലേ​ക്ക്​ ഏ​ക​ദി​ന ക്രി​ക്ക​റ്റ്​ മാ​റി കാ​ല​മേ​റെ ക​ഴി​ഞ്ഞാ​യി​രു​ന്നു​വ​ല്ലോ 'കു​ട്ടി ക്രി​ക്ക​റ്റ്​ 'എ​ന്ന ഓ​മ​ന​പ്പേ​രി​ൽ ട്വ​ൻ​റി 20 ക്രി​ക്ക​റ്റ്​ അ​വ​ത​രി​ച്ച​ത്. 2007 ൽ

​ദ​ക്ഷി​ണാ​ഫ്രി​ക്ക​യു​ടെ മ​ണ്ണി​ൽ ആ​ദ്യ ട്വ​ൻ​റി 20 ലോ​ക​ക​പ്പ്​ ന​ട​ന്ന​പ്പോ​ൾ ജേ​താ​വാ​യ​ത്​ മ​ഹേ​ന്ദ്ര സി​ങ്​ ധോ​ണി​യെ​ന്ന ന​വാ​ഗ​ത ക്യാ​പ്​​റ്റ​‍െൻറ കീ​ഴി​ൽ ഇ​ന്ത്യ​യാ​യി​രു​ന്നു. അ​തേ ധോ​ണി​യു​ടെ കീ​ഴി​ൽ ഇ​ന്ത്യ 2011 ൽ 50 ​ഓ​വ​ർ ലോ​ക​ക​പ്പി​ലും ചാ​മ്പ്യ​നാ​യി.

ഒ​റ്റ ദി​വ​സം കൊ​ണ്ട്​ ജ​യ​മോ അ​ത്യ​പൂ​ർ​വ​മാ​യ സ​മ​നി​ല​യോ സം​ഭ​വി​ക്കു​ന്ന ഏ​ക​ദി​ന - ട്വ​ൻ​റി 20 ക്രി​ക്ക​റ്റി​ലെ​യോ പോ​ലെ എ​ളു​പ്പ​മ​ല്ല അ​ഞ്ച്​ ദി​വ​സം നീ​ളു​ന്ന, സ​മ​നി​ല​ക്ക്​ ഏ​റെ സാ​ധ്യ​ത​യു​ള്ള ടെ​സ്​​റ്റി​ൽ ലോ​ക ചാ​മ്പ്യ​ൻ​ഷി​പ്​​ ന​ട​ത്തു​ക​യെ​ന്ന​ത്. 12 വ​ർ​ഷ​ത്തെ കാ​ത്തി​രി​പ്പി​നും ച​ർ​ച്ച​ക​ൾ​ക്കും ശേ​ഷം ടെ​സ്​​റ്റി​ലും ലോ​ക​ക​പ്പ്​ എ​ന്ന ആ​ശ​യ​ത്തി​ന്​ രാ​ജ്യാ​ന്ത​ര ക്രി​ക്ക​റ്റ്​ കൗ​ൺ​സി​ൽ (ഐ.​സി.​സി) അ​നു​മ​തി ന​ൽ​കു​മ്പോ​ഴും സം​ശ​യ​ങ്ങ​ളു​ടെ കാ​ർ​മേ​ഘ​ങ്ങ​ൾ ഒ​ഴി​ഞ്ഞി​രു​ന്നി​ല്ല.

എ​ല്ലാം ക​ട​ന്ന്​ പ​ല പ​ല രാ​ജ്യ​ങ്ങ​ളി​ലാ​യി പു​രോ​ഗ​മി​ച്ച ടെ​സ്​​റ്റ്​ ലോ​ക ചാ​മ്പ്യ​ൻ​ഷി​പ്പി​‍െൻറ ഫൈ​ന​ലി​ന്​ ഇ​ന്ന്​ ക്രി​ക്ക​റ്റി​‍െൻറ ഈ​റ്റി​ല്ല​മാ​യ ഇം​ഗ്ല​ണ്ട്​ ത​ന്നെ വേ​ദി​യാ​വു​ന്നു. സ​താം​പ്​​ട​ണി​ലെ റോ​സ്​ ബൗ​ൾ സ്​​റ്റേ​ഡി​യ​ത്തി​ൽ ന്യൂ​സി​ല​ൻ​ഡി​നെ​തി​രെ ക​ളി​ക്കി​റ​ങ്ങു​മ്പോ​ൾ ഒ​രൊ​റ്റ ചോ​ദ്യം മാ​ത്രം ശേ​ഷി​ക്കു​ന്നു. ആ​ദ്യ ട്വ​ൻ​റി 20 ലോ​ക ക​പ്പി​ലെ പോ​ലെ ആ​ദ്യ ടെ​സ്​​റ്റ്​ ലോ​ക ചാ​മ്പ്യ​ൻ​ഷി​പ്പി​ലും ഇ​ന്ത്യ ചാ​മ്പ്യ​ൻ​മാ​രാ​കു​മോ...?

ലി​മി​റ്റ​ഡ്​ ഓ​വ​ർ മ​ത്സ​ര​ങ്ങ​ള​ല്ല, ടെ​സ്​​റ്റ്​ ത​ന്നെ​യാ​ണ്​ യ​ഥാ​ർ​ഥ ക്രി​ക്ക​റ്റ്​ എ​ന്ന്​ വി​ശേ​ഷി​പ്പി​ക്കാ​റു​ണ്ട്. സ​മ​കാ​ലി​ക ക്രി​ക്ക​റ്റി​ലെ ഏ​റ്റ​വും മി​ക​ച്ച ര​ണ്ട്​ ബാ​റ്റ്​​സ്​​മാ​ന്മാ​ർ ന​യി​ക്കു​ന്ന ര​ണ്ടു ടീ​മു​ക​ൾ. വി​രാ​ട്​ കോ​ഹ്​​ലി​യു​ടെ ഇ​ന്ത്യ​യും. കെ​യ്​​ൻ വി​ല്യം​സ​‍െൻറ ന്യൂ​സി​ല​ൻ​ഡും. ക്രി​ക്ക​റ്റി​ലെ വ​മ്പ​ന്മാ​രെ മൂ​ക്കു​കു​ത്തി​ച്ചാ​ണ്​ ഇ​രു ടീ​മു​ക​ളും ​ ഫൈ​ന​ലി​ലേ​ക്കെ​ത്തു​ന്ന​ത്. ഇ​​ന്ത്യ​​ക്ക്​ 520ഉം ​​ന്യൂ​​സി​​ല​​ൻ​​ഡി​​ന്​ 420ഉം ​​പോ​​യ​​ൻ​​റാ​​ണു​​ള്ള​​ത്.

ഇ​ന്ത്യ​ക്കും മു​മ്പേ ഇം​ഗ്ല​ണ്ടി​ലെ​ത്തി ആ​തി​ഥേ​യ​രെ ടെ​സ്​​റ്റ്​ പ​ര​മ്പ​ര​യി​ൽ പ​രാ​ജ​യ​പ്പെ​ടു​ത്തി​യ ആ​ത്മ​വി​ശ്വാ​സ​ത്തി​ലാ​ണ്​ ന്യൂ​സി​ല​ൻ​ഡ്. ഇ​ന്ത്യ​യാ​ക​​ട്ടെ മാ​ർ​ച്ചി​ന്​ ശേ​ഷം ഒ​റ്റ ടെ​സ്​​റ്റും ക​ളി​ച്ചി​ട്ടു​മി​ല്ല.

ടെ​സ്​​റ്റ്​ ലോ​ക ചാ​മ്പ്യ​ൻ​ഷി​പ്പി​ന്​ മു​ന്നോ​ടി​യാ​യി ന്യൂ​സി​ല​ൻ​ഡി​ന്​ ടെ​സ്​​റ്റ്​ പ​ര​മ്പ​ര​ക്ക്​ അ​നു​മ​തി ന​ൽ​കി​യ​തി​നെ​തി​രെ സ​ചി​ൻ ടെ​ണ്ടു​ൽ​ക​ർ ത​ന്നെ ക​ഴി​ഞ്ഞ ദി​വ​സം രം​ഗ​ത്തു​വ​ന്നി​രു​ന്നു. ഫാ​സ്​​റ്റ്​ ബൗ​ളി​ങ്ങി​​ന്​ അ​നു​കൂ​ല​മാ​യ ഇം​ഗ്ല​ണ്ടി​ൽ ര​ണ്ട്​ ടെ​സ്​​റ്റു​ക​ൾ ഇ​തി​ന​കം ക​ളി​ക്കാ​നാ​യ​ത്​ ന്യൂ​സി​ല​ൻ​ഡി​ന്​ മു​ൻ​തൂ​ക്കം ന​ൽ​കു​മെ​ന്ന്​ സ​ചി​നെ​പ്പോ​ലു​ള്ള​വ​ർ ആ​രോ​പി​ക്കു​ന്നു.

മൂന്ന്​ പേസ്​ ബൗളർമാരെയും രണ്ട്​ സ്​പിന്നർമാരെയും ഉൾപ്പെടുത്തിയാണ്​ ഇന്ത്യ അവസാന ഇലവൻ പ്രഖ്യാപിച്ചിരിക്കുന്നത്​. ഫാ​സ്​​റ്റ്​ ബൗ​ളി​ങ്​ കാ​ണി​ച്ച്​ വി​ര​ട്ടാ​ൻ ക​ഴി​യു​ന്ന ആ ​പ​ഴ​യ​കാ​ലം ഇ​ന്ത്യ വി​ജ​യ​ക​ര​മാ​യി താ​ണ്ടി​യി​ട്ടു​ണ്ട്. ലോ​കോ​ത്ത​ര ഫാ​സ്​​റ്റ്​ ബൗ​ളി​ങ്​​ നി​ര​ത​ന്നെ ഇ​പ്പോ​ൾ ഇ​ന്ത്യ​ക്കും സ്വ​ന്ത​മാ​യു​ണ്ട്. ജ​സ്​​പ്രീ​ത്​ ബും​റ​യും മു​ഹ​മ്മ​ദ്​ ഷ​മി​യും ഇ​ശാ​ന്ത്​ ശ​ർ​മ​യും ഇ​ന്ത്യ ഇ​തു​വ​രെ ക​ണ്ട ഏ​റ്റ​വും മി​ക​ച്ച പേ​സ്​ ലൈ​ന​പ്പാ​ണ്. മ​റു​വ​ശ​ത്ത്​ ​ട്രെൻറ്​ ബോ​ൾ​ട്ടി​​‍െൻറ നേ​തൃ​ത്വ​ത്തി​ൽ കി​വീ​സി​‍െൻറ ബൗ​ളി​ങ്​ ഡി​പ്പാ​ർ​ട്​​മെൻറും ശ​ക്​​ത​മാ​ണ്. രോ​ഹി​ത്​ ശ​ർ​മ​യും ശു​ഭ്​​മാ​ൻ ഗി​ല്ലും വി​രാ​ട്​ കോ​ഹ്​​ലി​യും ചേ​തേ​ശ്വ​ർ പൂ​ജാ​ര​യും അ​ജി​ൻ​ക്യ ര​ഹാ​നെ​യും ന​യി​ക്കു​ന്ന ബാ​റ്റി​ങ്​ ലൈ​ന​പ്പി​നെ​ക്കു​റി​ച്ച്​ സം​ശ​യ​ങ്ങ​ൾ​ക്കേ ഇ​ട​യി​ല്ല.

ഓ​ൾ റൗ​ണ്ട​റാ​യി ര​വീ​ന്ദ്ര ജ​ദേ​ജ​യു​മു​ണ്ട്​. വി​ക്ക​റ്റി​ന്​ പി​ന്നി​ലും മു​ന്നി​ലും സ​മീ​പ​കാ​ല ഇ​ന്ത്യ​ൻ ടെ​സ്​​റ്റ്​ ക്രി​ക്ക​റ്റി​ൽ അ​തി​ശ​യ​ങ്ങ​ൾ കാ​ഴ്​​ച​വെ​ക്കു​ന്ന ഋ​ഷ​ഭ്​ പ​ന്ത്​ ഒ​രി​ക്ക​ൽ കൂ​ടി ര​ക്ഷ​ക​നാ​യാ​ൽ ഇ​ന്ത്യ​ക്ക്​ പ​ണി എ​ളു​പ്പ​മാ​വും. അ​ഞ്ചാം ബൗ​ള​റാ​യി ര​വി​ച​ന്ദ്ര അ​ശ്വി​നെ ഉ​ൾ​പ്പെ​ടു​ത്തിയത്​ നാ​ലാം ദി​വ​സം മു​ത​ൽ സ്വ​ഭാ​വം മാ​റു​ന്ന റോ​സ്​​ബൗ​ളി​ലെ പി​ച്ച്​ മുന്നിൽക്കണ്ടാവണം.

ഇ​തു​വ​രെ ഒ​രൊ​റ്റ ഐ.​സി.​സി കി​രീ​ട​വും സ്വ​ന്ത​മാ​ക്കാ​നാ​യി​ല്ല എ​ന്ന പേ​രു​ദോ​ഷം മാ​യ്​​ക്കാ​ൻ കോ​ഹ്​​ലി​ക്ക്​ കി​ട്ടി​യ ഏ​റ്റ​വും മി​ക​ച്ച അ​വ​സ​ര​മാ​ണ്​ വെ​ള്ളി​യാ​ഴ്​​ച മു​ത​ൽ ആ​രം​ഭി​ക്കു​ന്ന ലോ​ക ടെ​സ്​​റ്റ്​ ചാ​മ്പ്യ​ൻ​ഷി​പ്​. 'ഈ ​ഒ​രൊ​റ്റ ടെ​സ്​​റ്റി​‍െൻറ ഫൈ​ന​ൽ തോ​റ്റാ​ലും ജ​യി​ച്ചാ​ലും ക്രി​ക്ക​റ്റി​ന്​ ഒ​ന്നും സം​ഭ​വി​ക്കി​ല്ല' എ​ന്ന്​ മാ​ധ്യ​മ​ങ്ങ​ളോ​ട്​ കോ​ഹ്​​ലി പ​റ​ഞ്ഞു​ക​ഴി​ഞ്ഞെ​ങ്കി​ലും മൈ​താ​ന​ത്തി​റ​ങ്ങി​യാ​ൽ കോ​ഹ്​​ലി​യും കൂ​ട്ട​രും എ​ത്ര​മേ​ൽ അ​ക്ര​മ​കാ​രി​യാ​കു​മെ​ന്ന്​ സ​മീ​പ​കാ​ല മ​ത്സ​ര​ങ്ങ​ൾ ത​ന്നെ സാ​ക്ഷി​യാ​ണ്.

ഇന്ത്യൻ ടീം: രോഹിത്​ ശർമ, ശുഭ്​മൻ ഗിൽ, ചേതേശ്വർ പുജാര, വിരാട്​ കോഹ്​ലി (ക്യാപ്​റ്റൻ), അജിങ്ക്യ രഹാന, ഋ​ഷ​ഭ്​ പ​ന്ത് (വിക്കറ്റ്​ കീപ്പർ), രവിചന്ദ്ര അശ്വിൻ, രവീന്ദ്ര ജദേജ, ഇശാന്ത്​ ശർമ, മുഹമ്മദ്​ ഷമി, ജസ്​പ്രിത്​ ബുംറ.