ഗോ.. വി​ൻ ദ ​മാ​സ്; ഇ​ന്ത്യ-​ഇം​ഗ്ല​ണ്ട് ടെ​സ്റ്റ് പ​ര​മ്പ​ര​ക്ക് നാ​ളെ തു​ട​ക്കം

ലീ​ഡ്സ് (ഇം​ഗ്ല​ണ്ട്): 2024 ഇ​ന്ത്യ​ൻ ടെ​സ്റ്റ് ടീ​മി​നെ സം​ബ​ന്ധി​ച്ച് സ​മ്മി​ശ്ര വ​ർ​ഷ​മാ​യി​രു​ന്നു. തു​ട​ക്ക​ത്തി​ൽ ഇം​ഗ്ല​ണ്ടി​നെ​തി​രാ​യ പ​ര​മ്പ​ര 4-1നും ​പി​ന്നാ​ലെ ബം​ഗ്ലാ​ദേ​ശി​നെ​തി​രെ 2-0ത്തി​നും ജ​യി​ച്ചെ​ങ്കി​ലും കൊ​ല്ലം അ​വ​സാ​നി​പ്പി​ച്ച​ത് വ​ലി​യ നാ​ണ​ക്കേ​ടോ​ടെ. ന്യൂ​സി​ല​ൻ​ഡി​നെ​തി​രാ​യ ടെ​സ്റ്റ് പ​ര​മ്പ​ര​യി​ൽ 0-3ന്റെ ​സ​മ്പൂ​ർ​ണ തോ​ൽ​വി. ച​രി​ത്ര​ത്തി​ലി​ന്നോ​ള​മി​ല്ലാ​ത്ത തി​രി​ച്ച​ടി​യാ​യി​രു​ന്നു അ​ത്. പി​ന്നെ ബോ​ർ​ഡ​ർ-​ഗ​വാ​സ്ക​ർ പ​ര​മ്പ​ര 1-3ന് ​ആ​സ്ട്രേ​ലി​യ​ക്കും അ​ടി​യ​റ​വെ​ച്ചു. 2025 പ​കു​തി പി​ന്നി​ടു​മ്പോ​ൾ ഈ ​വ​ർ​ഷ​ത്തെ ആ​ദ്യ ടെ​സ്റ്റ് പ​ര​മ്പ​ര​ക്കാ​ണ് ഇ​ന്ത്യ വെ​ള്ളി​യാ​ഴ്ച ഇ​റ​ങ്ങു​ന്ന​ത്. ഇം​ഗ്ല​ണ്ടി​നെ​തി​രെ പു​തി​യ നാ​യ​ക​ൻ ശു​ഭ്മ​ൻ ഗി​ല്ലി​ന് കീ​ഴി​ൽ ജ​യ​ത്തോ​ടെ തു​ട​ങ്ങി പ​ര​മ്പ​ര സ്വ​ന്ത​മാ​ക്കു​ക​ത​ന്നെ ല​ക്ഷ്യം.

മൂ​ന്ന് വ​ൻ തോ​ക്കു​ക​ളു​ടെ അ​ഭാ​വം ഇ​ന്ത്യ​ൻ നി​ര​യി​ലു​ണ്ട്. നാ​യ​ക​രും മു​ൻ​നി​ര ബാ​റ്റ​ർ​മാ​രു​മാ​യി​രു​ന്ന രോ​ഹി​ത് ശ​ർ​മ​യും വി​രാ​ട് കോ​ഹ്‌​ലി​യും വി​ക്ക​റ്റ് വേ​ട്ട​ക്കാ​ര​ൻ സ്പി​ൻ ഓ​ൾ റൗ​ണ്ട​ർ ര​വി​ച​ന്ദ്ര​ൻ അ​ശ്വി​നും ഇ​നി​യൊ​രി​ക്ക​ൽ​ക്കൂ​ടി വെ​ള്ള ജ​ഴ്സി​യി​ൽ ക​ളി​ക്കി​ല്ല. കോ​ഹ്‌​ലി​യും രോ​ഹി​തും ടെ​സ്റ്റി​ൽ​നി​ന്നും അ​ശ്വി​ൻ മൂ​ന്ന് ഫോ​ർ​മാ​റ്റി​ൽ​നി​ന്നും വി​ര​മി​ച്ചു. മൂ​വ​രും ഒ​ഴി​ച്ചി​ട്ട വി​ട​വ് നി​ക​ത്താ​ൻ പ​ക​ര​മെ​ത്തു​ന്ന​വ​ർ​ക്ക് ക​ഴി​യു​മോ​യെ​ന്ന് ക​ണ്ട​റി​യ​ണം. മൂ​ന്ന് സ​ന്നാ​ഹ മ​ത്സ​ര​ങ്ങ​ൾ ക​ളി​ച്ചാ​ണ് ഇ​ന്ത്യ​ൻ താ​ര​ങ്ങ​ൾ ഹെ​ഡി​ങ്​​ലി​യി​ൽ ഒ​ന്നാം ടെ​സ്റ്റി​നി​റ​ങ്ങു​ന്ന​ത്. ഇം​ഗ്ല​ണ്ട് ല​യ​ൺ​സി​നെ​തി​രെ ന​ട​ന്ന ര​ണ്ട് ച​തു​ർ​ദി​ന മ​ത്സ​ര​ങ്ങ​ളി​ൽ ടെ​സ്റ്റ് സം​ഘ​ത്തി​ലെ മി​ക്ക​വ​രും ഇ​ന്ത്യ എ ​ടീ​മി​നാ​യി ക​ളി​ച്ചു. ഇ​ൻ​ട്രാ സ്ക്വാ​ഡാ​യും ന​ട​ന്ന ച​തു​ർ​ദി​ന മ​ത്സ​ര​വും ഇ​ന്ത്യ​ൻ താ​ര​ങ്ങ​ൾ​ക്ക് ബാ​റ്റി​ങ് ബൗ​ളി​ങ് പ​രി​ശീ​ല​ന​മൊ​രു​ക്കി. യു​വ​ര​ക്ത​ങ്ങ​ളി​ൽ പ്ര​തീ​ക്ഷ​ക​ള​ർ​പ്പി​ച്ച് എ​തി​രാ​ളി​ക​ളെ നി​ഷ്പ്ര​ഭ​മാ​ക്കാ​നു​ള്ള അ​സ്ത്ര​ങ്ങ​ൾ ആ​വ​നാ​ഴി​യി​ൽ നി​റ​ച്ചാ​ണ് ടീം ​പോ​രാ​ട്ട​വീ​ഥി​യി​ലി​റ​ങ്ങു​ന്ന​ത്.

ഗി​ൽ നാ​ലാം ന​മ്പ​റി​ൽ ഇ​റ​ങ്ങു​മെ​ന്ന് ഋ​ഷ​ഭ്

ലീ​ഡ്സ്: ഇം​ഗ്ല​ണ്ടി​നെ​തി​രാ​യ ഒ​ന്നാം ടെ​സ്റ്റി​ൽ ഇ​ന്ത്യ​ൻ നാ​യ​ക​ൻ ശു​ഭ്മ​ൻ ഗി​ൽ നാ​ലാ​മ​നാ​യാ​യി​രി​ക്കും ബാ​റ്റ് ചെ​യ്യു​ക​യെ​ന്ന് വൈ​സ് ക്യാ​പ്റ്റ​ൻ ഋ​ഷ​ഭ് പ​ന്ത്. താ​ൻ അ​ഞ്ചാ​മ​നാ​യി തു​ട​രു​മെ​ന്നും മൂ​ന്നാം ന​മ്പ​റി​ൽ ആ​രാ​യി​രി​ക്കും ഇ​റ​ങ്ങു​ക​യെ​ന്ന് ഇ​നി​യും തീ​രു​മാ​നി​ച്ചി​ട്ടി​ല്ലെ​ന്നും ഋ​ഷ​ഭ് വാ​ർ​ത്താ സ​മ്മേ​ള​ന​ത്തി​ൽ വെ​ളി​പ്പെ​ടു​ത്തി. വി​ര​മി​ച്ച സൂ​പ്പ​ർ ബാ​റ്റ​ർ വി​രാ​ട് കോ​ഹ്‌​ലി ടെ​സ്റ്റി​ൽ നാ​ലാം ന​മ്പ​റി​ലാ​ണ് ഇ​റ​ങ്ങി​യി​രു​ന്ന​ത്. രോ​ഹി​ത് ശ​ർ​മ​യു​ടെ ഒ​ഴി​വി​ൽ യ​ശ​സ്വി ജ​യ്സ്വാ​ളി​നൊ​പ്പം കെ.​എ​ൽ. രാ​ഹു​ൽ ഇ​ന്നി​ങ്സ് ഓ​പ​ൺ ചെ​യ്യാ​നാ​ണ് സാ​ധ്യ​ത.

ജ​യി​ക്കു​ന്ന ടീ​മി​ന്റെ നാ​യ​ക​ന് പ​ട്ടോ​ഡി മെ​ഡ​ൽ; ടെ​ണ്ടു​ൽ​ക്ക​ർ-​ആ​ൻ​ഡേ​ഴ്സ​ൺ ട്രോ​ഫി​യെ​ന്ന പു​തി​യ പേ​ര് മാ​റ്റി​ല്ല

ല​ണ്ട​ൻ: ഇ​ന്ത്യ-​ഇം​ഗ്ല​ണ്ട് പ​ര​മ്പ​ര നേ​ടു​ന്ന​വ​ർ​ക്ക് ന​ൽ​കു​ന്ന ട്രോ​ഫി​യു​ടെ പേ​ര് മാ​റ്റി​യ വി​വാ​ദം തു​ട​രു​ന്ന​തി​നി​ടെ ജ​യി​ക്കു​ന്ന ടീ​മി​ന്റെ നാ​യ​ക​ന് ‘പ​ട്ടോ​ഡി മെ​ഡ​ൽ’ സ​മ്മാ​നി​ക്കാ​ൻ തീ​രു​മാ​നം. പ​ര​മ്പ​ര നേ​ടു​ന്ന​വ​ർ​ക്ക് ന​ൽ​കി​വ​ന്നി​രു​ന്ന​ത് പ​ട്ടോ​ഡി ട്രോ​ഫി​യാ​യി​രു​ന്നു. ഈ ​വ​ർ​ഷം മു​ത​ൽ ഇ​തി​നെ ടെ​ണ്ടു​ൽ​ക്ക​ർ-​ആ​ൻ​ഡേ​ഴ്സ​ൺ ട്രോ​ഫി​യെ​ന്ന് പു​ന​ർ​നാ​മ​ക​ര​ണം ചെ​യ്തു. തീ​രു​മാ​ന​ത്തെ വി​മ​ർ​ശി​ച്ച് മു​ൻ ഇ​ന്ത്യ​ൻ ക്യാ​പ്റ്റ​ൻ സു​നി​ൽ ഗ​വാ​സ്ക​ർ ഉ​ൾ​പ്പെ​ടെ​യു​ള്ള​വ​ർ രം​ഗ​ത്തെ​ത്തി​യി​ട്ടു​ണ്ട്. പ​ട്ടോ​ഡി ട്രോ​ഫി‍യെ​ന്ന പേ​ര് തു​ട​ര​ണ​മെ​ന്ന് സ​ചി​ൻ ടെ​ണ്ടു​ൽ​ക്ക​ർ ഇം​ഗ്ല​ണ്ട്-​വെ​യ്‍ൽ​സ് ക്രി​ക്ക​റ്റ് ബോ​ർ​ഡി​നോ​ട് ആ​വ​ശ്യ​പ്പെ​ടു​ക​യും ചെ​യ്തു.

ഇ​ന്ത്യ​യു​ടെ​യും ഇം​ഗ്ല​ണ്ടി​ന്റെ​യും ഇ​തി​ഹാ​സ താ​ര​ങ്ങ​ളാ​യ സ​ചി​ന്റെ​യും ജെ​യിം​സ് ആ​ൻ​ഡേ​ഴ്സ​ണി​ന്റെ​യും പേ​ര് ട്രോ​ഫി​ക്ക് ന​ൽ​കാ​നു​ള്ള തീ​രു​മാ​നം മാ​റ്റേ​ണ്ട​തി​ല്ലെ​ന്നാ​ണ് ഇ.​സി.​ബി നി​ല​പാ​ട്. ഇ​തു​മാ​യി ബ​ന്ധ​പ്പെ​ട്ട ച​ർ​ച്ച​യി​ൽ അ​ന്താ​രാ​ഷ്ട്ര ക്രി​ക്ക​റ്റ് കൗ​ൺ​സി​ൽ ചെ​യ​ർ​മാ​ൻ ജ​യ് ഷാ​യും ഇ​ട​പെ​ട്ടി​രു​ന്നു. ഇ​ന്ത്യ-​ഇം​ഗ്ല​ണ്ട് ക്രി​ക്ക​റ്റ് ച​രി​ത്ര​ത്തി​ൽ തി​ള​ക്ക​മാ​ർ​ന്ന പേ​രു​ക​ളാ​ണ് ഇ​ഫ്തി​ഖാ​ർ അ​ലി ഖാ​ൻ പ​ട്ടോ​ഡി​യു​ടെ​തും മ​ൻ​സൂ​ർ അ​ലി ഖാ​ൻ പ​ട്ടോ​ഡി​യു​ടെ​തും. ഇ​രു​വ​രും ഇ​ന്ത്യ​ൻ ക്യാ​പ്റ്റ​ന്മാ​രും ഇം​ഗ്ല​ണ്ട് കൗ​ണ്ടി താ​ര​ങ്ങ​ളു​മാ​യി​രു​ന്നു.

ഇം​ഗ്ല​ണ്ട് ഇ​ല​വ​നാ​യി

ലീ​ഡ്സ്: ഒ​ന്നാം ടെ​സ്റ്റി​ന് ര​ണ്ട് ദി​വ​സം മു​മ്പേ പ്ലേ​യി​ങ് ഇ​ല​വ​നെ പ്ര​ഖ്യാ​പി​ച്ച് ഇം​ഗ്ല​ണ്ട്. പ​രി​ക്കി​ൽ​നി​ന്ന് മോ​ചി​ത​നാ​യി ടീ​മി​ൽ തി​രി​ച്ചെ​ത്തി​യ സീ​നി​യ​ർ ഓ​ൾ റൗ​ണ്ട​ർ ക്രി​സ് വോ​ക്സ് വെ​ള്ളി​യാ​ഴ്ച ഇ​ന്ത്യ​ക്കെ​തി​രെ ഇ​റ​ങ്ങും. ഇം​ഗ്ല​ണ്ട് ഇ​ല​വ​ൻ: സാ​ക് ക്രോ​ളി, ബെ​ൻ ഡ​ക്ക​റ്റ്, ഒ​ല്ലി പോ​പ്പ്, ജോ ​റൂ​ട്ട്, ഹാ​രി ബ്രൂ​ക്ക്, ബെ​ൻ സ്റ്റോ​ക്സ്, ജാ​മി സ്മി​ത്ത്, ക്രി​സ് വോ​ക്സ്, ബ്രൈ​ഡ​ൺ കാ​ർ​സെ, ജോ​ഷ് ടോ​ങ്, ഷു​ഐ​ബ് ബ​ഷീ​ർ.

ഹ​ർ​ഷി​ത് റാ​ണ​യും ഇ​ന്ത്യ​ൻ ടീ​മി​ൽ

ലീ​ഡ്സ്: ഇം​ഗ്ല​ണ്ടി​നെ​തി​രാ​യ ഒ​ന്നാം ടെ​സ്‌​റ്റി​നു​ള്ള ഇ​ന്ത്യ​ൻ സം​ഘ​ത്തി​ൽ കൊ​ൽ​ക്ക​ത്ത നൈ​റ്റ് റൈ​ഡേ​ഴ്‌​സ് പേ​സ​ർ ഹ​ർ​ഷി​ത് റാ​ണ​യും. പ​ര​മ്പ​ര​ക്കു​ള്ള 18 അം​ഗ സ്‌​ക്വാ​ഡി​നെ ബി.​സി.​സി.​ഐ നേ​ര​ത്തേ പ്ര​ഖ്യാ​പി​ച്ചി​രു​ന്നു. അ​തി​ലേ​ക്കാ​ണ് റാ​ണ​യെ​യും ചേ​ർ​ത്തി​ട്ടു​ള്ള​ത്. ഒ​ന്നാം ടെ​സ്റ്റി​ന് ശേ​ഷം താ​രം ടീ​മി​ൽ തു​ട​രു​മോ​യെ​ന്ന കാ​ര്യ​ത്തി​ൽ സ്ഥി​രീ​ക​ര​ണ​മി​ല്ല. ക​ഴി​ഞ്ഞ വ​ർ​ഷം ന​ട​ന്ന ബോ​ർ​ഡ​ർ-​ഗ​വാ​സ്ക​ർ പ​ര​മ്പ​ര​യി​ൽ ആ​സ്ട്രേ​ലി​യ​ക്കെ​തി​രെ പെ​ർ​ത്തി​ൽ ന​ട​ന്ന ഒ​ന്നാം ടെ​സ്റ്റി​ൽ റാ​ണ വെ​ള്ള​ക്കു​പ്പാ​യ​ത്തി​ൽ അ​ര​ങ്ങേ​റ്റം കു​റി​ച്ചി​രു​ന്നു. ഇ​ന്ത്യ​ക്കാ​യി അ​ഞ്ച് ഏ​ക​ദി​ന​ങ്ങ​ളി​ലും ഒ​രു ട്വ​ന്റി20 മ​ത്സ​ര​ത്തി​ലും താ​രം ക​ളി​ച്ചി​ട്ടു​ണ്ട്. ജ​സ്പ്രീ​ത് ബും​റ, മു​ഹ​മ്മ​ദ് സി​റാ​ജ്, അ​ർ​ഷ​ദീ​പ് സി​ങ്, പ്ര​സി​ദ്ധ് കൃ​ഷ്ണ, ആ​കാ​ശ് ദീ​പ് എ​ന്നീ അ​ഞ്ച് ഫാ​സ്റ്റ് ബൗ​ള​ർ​മാ​രു​ടെ നി​ര​യി​ലേ​ക്കാ​ണ് റാ​ണ കൂ​ടി എ​ത്തു​ന്ന​ത്. കൂ​ടാ​തെ പേ​സ് ഓ​ൾ​റൗ​ണ്ട​ർ​മാ​യി ഷ​ര്‍ദു​ല്‍ താ​ക്കൂ​റും നി​തീ​ഷ് കു​മാ​ര്‍ റെ​ഡ്ഡി​യും ടീ​മി​ന് ക​രു​ത്ത് പ​ക​രും.

ചി​കി​ത്സ​ക്കാ​യി സൂ​ര്യ​കു​മാ​ർ ഇം​ഗ്ല​ണ്ടി​ൽ

ല​ണ്ട​ൻ: ഇ​ന്ത്യ​യു​ടെ ട്വ​ന്റി20 ടീം ​നാ​യ​ക​നും വെ​ടി​ക്കെ​ട്ട് ബാ​റ്റ​റു​മാ​യ സൂ​ര്യ​കു​മാ​ർ യാ​ദ​വ് ഇം​ഗ്ല​ണ്ടി​ലെ​ത്തി. സ്പോ​ർ​ട്സ് ഹെ​ർ​ണി​യ​ക്ക് ചി​കി​ത്സ​തേ​ടി​യാ​ണ് ഐ.​പി.​എ​ല്ലി​ലെ മും​ബൈ ഇ​ന്ത്യ​ൻ​സ് താ​ര​ത്തി​ന്റെ യാ​ത്ര. ആ​വ​ശ്യ​മെ​ങ്കി​ൽ ശ​സ്ത്ര​ക്രി​യ​ക്ക് വി​ധേ​യ​നാ​യ​ശേ​ഷ​മാ​വും സൂ​ര്യ ഇ​ന്ത്യ​യി​ലേ​ക്ക് മ​ട​ങ്ങും. വേ​ദ​ന വ​ക​വെ​ക്കാ​തെ​യാ​ണ് ഐ.​പി.​എ​ല്ലി​ലും മും​ബൈ ടി20 ​ലീ​ഗി​ലും താ​രം ക​ളി​ച്ച​തെ​ന്ന് അ​ദ്ദേ​ഹ​വു​മാ​യി അ​ടു​ത്ത വൃ​ത്ത​ങ്ങ​ൾ വെ​ളി​പ്പെ​ടു​ത്തി.