ജയ്സ്വാളിനും ഗില്ലിനും സെഞ്ച്വറി, പന്തിന് ഫിഫ്റ്റി; ഒന്നാം ടെസ്റ്റിന്‍റെ ആദ്യദിനം ഇന്ത്യക്ക് സ്വന്തം!

ല​ണ്ട​ൻ: ഇം​ഗ്ലീ​ഷ് മ​ണ്ണി​ലെ ക​ന്നി ടെ​സ്റ്റി​ൽ യ​ശ​സ്വി ജ​യ്സ്വാ​ളിനും (101) ക്യാപ്റ്റനായിറങ്ങിയ ആദ്യ മത്സരത്തിൽ ശുഭ്മൻ ഗില്ലിനും സെഞ്ച്വറിത്തിളക്കം. ക​രു​ത്തും ക​രു​ത​ലും സ​മം ചേ​ർ​ന്ന ഇരുവരുടെയും ഇന്നിങ്സ് ആൻഡേഴ്സൻ -ടെൻഡുൽക്കർ പ​ര​മ്പ​ര​യി​ലെ ആ​ദ്യ മ​ത്സ​ര​ത്തി​ന്റെ ഒ​ന്നാം ദി​ന​ത്തി​ൽ ഇ​ന്ത്യ​ൻ സ്കോ​ർ സു​ര​ക്ഷി​ത​മാ​ക്കു​ന്ന​തി​ൽ നി​ർ​ണാ​യ​ക​മാ​യി. ആദ്യദിനം സ്റ്റമ്പെടുക്കുമ്പോൾ മൂന്ന് വിക്കറ്റ് നഷ്ടത്തിൽ 359 റൺസ് എന്ന നിലയിലാണ് സന്ദർശകർ. 127 റൺസുമായി ഗില്ലും 65 റൺസുമായി ഋഷഭ് പന്തുമാണ് ക്രീസിൽ.

ടോ​സ് നേ​ടി​യ ഇം​ഗ്ല​ണ്ട് ഇ​ന്ത്യ​യെ ബാ​റ്റി​ങ്ങി​ന​യ​ക്കു​ക​യാ​യി​രു​ന്നു. പ്ര​മു​ഖ​ർ അ​ര​ങ്ങൊ​ഴി​ഞ്ഞ് മു​ന​യൊ​ടി​ഞ്ഞ ബൗ​ളി​ങ്ങു​മാ​യി തു​ട​ങ്ങി​യ ആ​തി​ഥേ​യ​രെ ക​ണ​ക്കി​ന് പ്ര​ഹ​രി​ച്ച് ഓ​പ​ണ​ർ​മാ​രാ​യ കെ.​എ​ൽ രാ​ഹു​ലും ജ​യ്സ്വാ​ളും ചേ​ർ​ന്ന് ഉ​ജ്വ​ല തു​ട​ക്ക​മാ​ണ് ഇ​ന്ത്യ​ക്ക് സ​മ്മാ​നി​ച്ച​ത്. വി​ര​മി​ച്ച ടെ​സ്റ്റ് നാ​യ​ക​ൻ രോ​ഹി​ത് ശ​ർ​മ​ക്കു പ​ക​രം ഓ​പ​ൺ ചെ​യ്യാ​നെ​ത്തി​യ രാ​ഹു​ലി​നൊ​പ്പ​മു​ള്ള ഈ ​കൂ​ട്ടു​കെ​ട്ട് സെ​ഞ്ച്വ​റി​ക്ക​രി​കെ 91 റ​ൺ​സി​ലാ​ണ് പി​രി​ഞ്ഞ​ത്. അ​ർ​ധ സെ​ഞ്ച്വ​റി​ക്ക​രി​കെ രാഹുലും (42) അ​ര​ങ്ങേ​റ്റ​ത്തി​ൽ സം​പൂ​ജ്യ​നാ​യി സാ​യ് സു​ദ​ർ​ശ​നും മ​ട​ങ്ങി​യെ​ങ്കി​ലും ഇ​ന്ത്യ​ൻ ബാ​റ്റി​ങ്ങി​ൽ കാ​ര്യ​മാ​യ ക്ഷീ​ണം സം​ഭ​വി​ച്ചി​ല്ല.

മൂ​ന്നാം വി​ക്ക​റ്റി​ൽ സം​ഗ​മി​ച്ച ക്യാ​പ്റ്റ​നും ജ​യ്സ്വാ​ളും ത​ക​ർ​ത്തു​ക​ളി​ച്ച​തോ​ടെ ഇ​ന്ത്യ​ൻ ഇ​ന്നി​ങ്സ് അ​തി​വേ​ഗം കു​തി​ച്ചു. ജ​യ്സ്വാ​ൾ മോ​ശം പ​ന്തു​ക​ൾ തെ​ര​​ഞ്ഞു​പി​ടി​ച്ച് പ്ര​ഹ​രി​ച്ച​പ്പോ​ൾ ഗി​ൽ കു​റെകൂ​ടി അ​ക്ര​​മ​ണോ​ത്സു​ക​ത കാ​ട്ടി. 144 പ​ന്തി​ൽ ജ​യ്സ്വാ​ൾ സെ​ഞ്ച്വ​റി തി​ക​ച്ച​പ്പോ​ൾ 56 പ​ന്ത് മാ​ത്ര​മെ​ടു​ത്താ​ണ് ഗി​ൽ അ​ർ​ധ സെ​ഞ്ച്വ​റി പി​ന്നി​ട്ട​ത്. ഇ​രു​വ​രും ചേ​ർ​ന്ന കൂ​ട്ടു​കെ​ട്ട് ത​ക​ർ​ക്കാ​നാ​കാ​തെ സ്റ്റോ​ക്സും വോ​ക്സും സം​ഘ​വും വി​യ​ർ​ത്ത​പ്പോ​ൾ ക​ഴി​ഞ്ഞ വ​ർ​ഷം ഇ​ന്ത്യ​യി​ൽ പി​റ​ന്ന 712 റ​ൺ ഇ​ന്നി​ങ്സി​ന്റെ സാ​ധ്യ​ത​ക​ൾ ഓ​ർ​മ​ക​ളി​ലെ​ത്തി.

ഒ​ടു​വി​ൽ 123 റ​ൺ​സി​ന്റെ സെ​ഞ്ച്വ​റി കൂ​ട്ടു​കെ​ട്ട് തീ​ർ​ത്താ​ണ് ജ​യ്സ്വാ​ൾ മ​ട​ങ്ങി​യ​ത്. താ​ളം ക​ണ്ടെ​ത്തി​യാ​ൽ ഏ​തു പ​ന്തും അ​തി​ർ​ത്തി ക​ട​ത്താ​ൻ ആ​വേ​ശം കാ​ട്ടു​ന്ന പ​തി​വ് ശൈ​ലി വി​ട്ട് ശ്ര​ദ്ധ​യോ​ടെ​യാ​യി​രു​ന്നു ഇ​ത്ത​വ​ണ താ​ര​ത്തി​ന്റെ ബാ​റ്റി​ങ്. 159 പ​ന്തി​ൽ 101 റ​ൺ​സി​ൽ നി​ൽ​ക്കെ സ്റ്റോ​ക്സി​ന്‍റെ പ​ന്തി​ൽ കു​റ്റി തെ​റി​ച്ചാ​യി​രു​ന്നു മ​ട​ക്കം. ടെ​സ്റ്റ് അ​ര​ങ്ങേ​റ്റ​ത്തി​ൽ സെ​ഞ്ച്വ​റി​യ​ടി​ച്ച് വി​ൻ​ഡീ​സ് മ​ണ്ണി​ൽ അ​ന്ന് വ​ര​വ​റി​യി​ച്ച ജ​യ്സ്വാ​ൾ ലീ​ഡ്സി​ൽ 100 തി​ക​യ്ക്കു​ന്ന ആ​ദ്യ ഇ​ന്ത്യ​ൻ ഓ​പ​ണ​റു​മാ​യി.

ജ​യ്സ്വാ​ൾ തി​രി​ച്ചു​ക​യ​റി​യ​തോ​ടെ അ​തു​വ​രെ​യും വേ​ഗ​ത്തി​ൽ റ​ൺ അ​ടി​ച്ചു​കൂ​ട്ടി​യ ഗി​ൽ കൂ​ടു​ത​ൽ ജാ​ഗ്ര​ത കാ​ട്ടി. പ​ക​ര​മെ​ത്തി​യ ഋ​ഷ​ഭ് പ​ന്തും അ​തേ ക​ളി​യാ​ണ് കാ​ഴ്ച​വെ​ച്ച​ത്. 140 പന്തിൽ സെഞ്ച്വറി തികച്ച ഗിൽ, പന്തുമായി പിരിയാത്ത നാലാം വിക്കറ്റിൽ സെഞ്ച്വറി കൂട്ടുകെട്ടും സൃഷ്ടിച്ചു. മറുഭാഗത്ത് ശക്തമായി നിലയുറപ്പിച്ച പന്ത് ഇതിനിടെ അർധ ശതകവും പിന്നിട്ടു. രണ്ടാം ദിനം ഇംഗ്ലിഷ് ബൗളർമാർക്ക് മേൽ ആധിപത്യം ഉറപ്പിച്ച് പടുകൂറ്റൻ സ്കോർ നേടുകയെന്ന ലക്ഷ്യവുമായാകും ശനിയാഴ്ച ഇന്ത്യൻ ബാറ്റർമാർ ക്രീസിലെത്തുക.

പൊ​തു​വെ മൂ​ർ​ച്ച കു​റ​ഞ്ഞെ​ങ്കി​ലും ഇംഗ്ലണ്ടിന്‍റെ വെ​റ്റ​റ​ൻ താ​രം ​ബെ​ൻ സ്റ്റോ​ക്സ് മി​ക​വു കാ​ട്ടി. നാ​ലു പ​ന്ത് നേ​രി​ട്ട് പൂ​ജ്യം റ​ൺ​സെ​ടു​ത്ത സാ​യ് സു​ദ​ർ​ശ​നെ​യാ​ണ് സ്റ്റോ​ക്സ് ആ​ദ്യം മ​ട​ക്കി​യ​ത്. സെഞ്ച്വറി നേടിയതിനു പിന്നാലെ യശസ്വി ജയ്സ്വാളിന്‍റെ വിക്കറ്റ് പിഴുതെടുക്കാനും സ്റ്റോക്സിനായി. കാ​ഴ്സി​ന് വി​ക്ക​റ്റ് സ​മ്മാ​നി​ച്ചാ​യി​രു​ന്നു കെ.എൽ. രാ​ഹു​ലി​ന്റെ മ​ട​ക്കം. റണ്ണൊഴുക്ക് അൽപം തടയാനായെങ്കിലും ശുഐബ് ബഷീറിന് വിക്കറ്റൊന്നും നേടാനായില്ല.