Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightചെന്നൈയിൽ ദുരന്തമായി...

ചെന്നൈയിൽ ദുരന്തമായി ഇന്ത്യ, ഇംഗ്ലണ്ടിന്​ 227 റൺസിന്‍റെ വൻജയം

text_fields
bookmark_border
ചെന്നൈയിൽ ദുരന്തമായി ഇന്ത്യ, ഇംഗ്ലണ്ടിന്​ 227 റൺസിന്‍റെ വൻജയം
cancel

ചെന്നൈ: ഇംഗ്ലണ്ടിനെതിരെ അഞ്ചാംദിനം റെക്കോഡ്​ റൺചേസ്​ തേടിയിറങ്ങിയ ഇന്ത്യക്ക്​ 227 റൺസിന്‍റെ കനത്ത തോൽവി. വിജയത്തിനായി ബാറ്റ്​ ചെയ്യണമോ സമനിലക്കായി കളിക്ക​ണമോയെന്ന ഗെയിം പ്ലാൻ ഇല്ലാതെയെത്തിയ ഇന്ത്യൻ ബാറ്റിങ്​ നിര ഇംഗ്ലീഷുകാർക്ക്​ മുമ്പിൽ കവാത്ത്​ മറന്നു. ഇന്ത്യയെ 192 റൺസിന്​ പുറത്താക്കിയ ഇംഗ്ലണ്ട്​ വമ്പൻ വിജയത്തോടെ പര്യടനം ആഘോഷമായിത്തുടങ്ങി. നാലുവിക്കറ്റ്​ വീതമെടുത്ത ​വെറ്ററൻ പേസ്​ ബൗളർ ജെയിംസ്​ ആൻഡേഴ്​സണും സ്​പിന്നർ ജാക്ക്​ ലീഷുമാണ്​ ഇന്ത്യയെ എറിഞ്ഞിട്ടത്​. 50 റൺസെടുത്ത ശുഭ്​മാൻ ഗില്ലും 72 റൺസെടുത്ത വിരാട്​ കോഹ്​ലിയുമാണ്​ ഇന്ത്യൻനിരയിൽ ചെറുത്തുനിന്നത്​.

ഒരുവിക്കറ്റിന്​ 39 റൺസെന്ന നിലയിൽ അഞ്ചാംദിനം റൺമലകയറാനെത്തിയ ഇന്ത്യക്ക്​ വന്മതിൽ ചേതേശ്വർ പുജാരെയെയാണ് (15)​ ആദ്യം നഷ്​ടമായത്​. അധികം വൈകാതെ ഇന്ത്യൻ സ്​കോർ 92ൽ നിൽക്കേ നന്നായി ബാറ്റുചെയ്​ത ഗില്ലിനെ (50) തകർപ്പൻ ഇൻസ്വിങ്ങറിലൂടെ കുറ്റിതെറിപ്പിച്ച്​ ആൻഡേഴ്​സൺ മടക്കി. അതേ ഓവറിൽ തന്നെ സമാനമായാരു പന്തിലൂടെ റൺസൊന്നുമെടുക്കാത്ത രഹാനെയയും ആൻഡേഴ്​സൺ ക്ലീൻ ബൗൾഡാക്കിയതോടെ ഇന്ത്യൻ വിധി തീരുമാനമായിരുന്നു.

ഋഷഭ്​ പന്ത്​ (11), വാഷിങ്​ടൺ സുന്ദർ (0), രവിചന്ദ്രൻ അശ്വിൻ (9) എന്നിവരും വൈകാതെ നിരായുധരായി കൂടാരം കയറി. അപ്പോഴും ഒരറ്റത്ത്​ ആത്മവിശ്വാസത്തോടെ ബാറ്റുചെയ്​ത​ കോഹ്​ലി ​ഇന്ത്യക്ക്​ നേരിയ ആശ്വാസം പകർന്നു സ്​കോർ 179ൽ നിൽക്കേ എട്ടാം വിക്കറ്റായി കോഹ്​ലി സ്​റ്റോക്​സിനുമുമ്പിൽ ക്ലീൻ ബൗൾഡായതോടെ ശേഷിച്ചത്​ ചടങ്ങുകൾ മാത്രമായിരുന്നു. ഷഹബാസ്​ നദീം പൂജ്യത്തിനും ജസ്​പ്രീത്​ ബുംറ നാലുറൺസുമെടുത്തും പുറത്തായി.

നാലുമത്സരങ്ങളടങ്ങിയ പരമ്പരയിൽ ഇംഗ്ലണ്ട്​ 1-0ത്തിന്​ മുമ്പിലെത്തി. ഫെബ്രുവരി 13 മുതൽ 17 വരെ ഇതേ സ്​റ്റേഡിയത്തിൽ തന്നെയാണ്​ രണ്ടാം ടെസ്റ്റ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:james andersonIndia vs EnglandVirat Kohli
Next Story