പാണ്ഡ്യയും ജദേജയും എടുത്തുയർത്തി, ഇന്ത്യക്ക്​ മികച്ച സ്​കോർ; ഇനി ബൗളർമാരുടെ കയ്യിൽ

കാൻബറ: പരമ്പരയിലാദ്യമായി ടോസ്​ ലഭിച്ച്​ ബാറ്റിങ്ങിനിറങ്ങിയ ഇന്ത്യക്ക്​ ആസ്​ട്രേലിയക്കെതിരെ മികച്ച സ്​കോർ. ഹാർദിക്​ പാണ്ഡ്യ, രവീന്ദ്ര ജദേജ, വിരാട്​ കോഹ്​ലി എന്നിവരുടെ അർധസെഞ്ച്വറികളുടെ കരുത്തിൽ അഞ്ചുവിക്കറ്റിന്​ 302 റൺസ്​ എന്ന നിലയിലാണ്​ ഇന്ത്യ ഇന്നിങ്​സ്​ അവസാനിപ്പിച്ചത്​. തുടർച്ചയായ മൂന്നാം ഏകദിനത്തിലാണ്​ ഇന്ത്യൻ സ്​കോർ 300 കടക്കുന്നത്​. അതേസമയം ആദ്യ രണ്ട്​ ഏകദിനങ്ങളിലും പടുകൂറ്റൻ സ്​കോർ ഉയർത്തിയ ആസ്​ട്രലിയക്ക്​ ഈ സ്​കോർ വെല്ലുവിളിയാകു​മോയെന്ന്​ കണ്ടറിയണം.

മായങ്ക്​ അഗർവാളിന്​ പകരം ശുഭ്​മാൻ ഗില്ലാണ്​ ശിഖർധവാനൊപ്പം ഇന്നിങ്​സ്​ തുറക്കാനെത്തിയത്​. ഇന്ത്യൻ സ്​കോർ 26ൽ നിൽക്കേ 16 റൺസുമായി ധവാൻ പുറത്തായി. തുടർന്നെത്തിയ നായകൻ വിരാട്​ കോഹ്​ലിക്കൊപ്പം ഇന്നിങ്​സ്​ പടുത്തുയർത്തവേ ശുഭ്​മാൻ ഗിൽ (33) ആഷ്​ടൺ ആഗറി​െൻറ പന്തിൽ വിക്കറ്റിന്​ പിന്നിൽ കുടുങ്ങി. ശ്രദ്ധയോടെ ബാറ്റുവീശിയ കോഹ്​ലി ഏകദിനത്തിൽ ത​െൻറ 59ാം അർധ സെഞ്ച്വറി പൂർത്തിയാക്കി. അധികം വൈകാതെ കോഹ്​ലിയുടെ അന്തകനായി ​ജോഷ്​ ഹേസൽ വുഡ്​ എത്തി. കോഹ്​ലിയെ വിക്കറ്റിന്​ പിന്നിൽ അലക്​സ്​ ക്യാരിയുടെ കയ്യിലെത്തിച്ച ഹേസൽവുഡ്​ പരമ്പരയിൽ മൂന്നാം തവണയാണ്​ കോഹ്​ലിയെ മടക്കിയത്​.

ശ്രേയസ്​ അയ്യർ (19), കെ.എൽ രാഹുൽ (5) എന്നിവർ കാര്യമായ സംഭാവനകളില്ലാതെ മടങ്ങിയതോടെ 200 കടക്കില്ലെന്ന്​ തോന്നിച്ച ഇന്ത്യക്കായി ഹാർദിക്​ പാണ്ഡ്യ-രവീന്ദ്ര ജദേജ സഖ്യം ഒത്തുചേരുകയായിരുന്നു. കരുതലോ​ടെ കളിച്ച ഇരുവരും അവസാന ഓവറുകളിൽ ആസ്​ട്രേലിയൻ ബൗളർമാരെ തലങ്ങും വിലങ്ങും പ്രഹരിച്ചു. 76 പന്തിൽ ഏഴ്​ ബൗണ്ടറികളും ഒരു സിക്​സറുമടക്കം 92 റൺസായിരുന്നു പാണ്ഡ്യയുടെ സംഭാവന. 50 പന്തിൽ മൂന്നുസിക്​സറുകളക്കം 66 റൺസാണ്​ ജദേജ എടുത്തത്​. ആസ്​ട്രേലിയക്കായി ആഗർ രണ്ട്​ വിക്കറ്റ്​ വീഴ്​ത്തി.