Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightആദ്യ ടെസ്റ്റ്​:...

ആദ്യ ടെസ്റ്റ്​: ഇംഗ്ലണ്ടിനെതിരെ ഇന്ത്യക്ക്​​ ഒന്നാം ഇന്നിങ്​സ്​ ലീഡ്​

text_fields
bookmark_border
rahul and jadeja
cancel

നോട്ടിങ്​ഹാം: ഇംഗ്ലണ്ടിനെതിരായ ഒന്നാം ക്രിക്കറ്റ്​ ടെസ്റ്റിൽ ഇന്ത്യക്ക്​ 95 റൺസിന്‍റെ ഒന്നാം ഇന്നിങ്​സ്​ ലീഡ്​. അർധസെഞ്ച്വറി നേടിയ കെ.എൽ. രാഹുലിന്‍റെയും (84) രവീന്ദ്ര ജദേജയുടെയും (56) മികവിൽ ഇന്ത്യ 278 റൺസെടുത്തു. ആദ്യ ദിവസം ഇന്ത്യ ഇംഗ്ലണ്ടിനെ 183 റൺസിന്​ പുറത്താക്കിയിരുന്നു.

മഴ തടസപ്പെടുത്തിയ രണ്ടാം ദിനം നാലിന്​ 125 റൺസെന്ന നിലയിലായിരുന്നു ഇന്ത്യ കളി അവസാനിപ്പിച്ചത്​. 57 റൺസുമായി രാഹുലും ഏഴു റൺസുമായി ഋഷഭ്​ പന്തുമായിരുന്നു ക്രീസിൽ.

പന്ത്​ വേഗത്തിൽ 25 റൺസ്​ സ്​കോർ ബോർഡിൽ ചേർത്തുവെങ്കിലും മൂന്നാം ദിവസം ഒലി റോബിൻസണിന്​ വിക്കറ്റ്​ സമ്മാനിച്ച്​ മടങ്ങി. ജദേജ 16ാം ടെസ്റ്റ്​ അർധശതകം തികച്ചെങ്കിലും ബൂംറ (28), ശർദുൽ ഠാക്കൂർ (0)​, മുഹമ്മദ്​ ഷമി (28) എന്നിവരുടെ വിക്കറ്റുകൾ വേഗത്തിൽ പിഴുത്​ ഇംഗ്ലണ്ട്​ ഇന്ത്യയെ കൂറ്റൻ ലീഡിൽ നിന്ന്​ തടുത്തു. മുഹമ്മദ്​ സിറാജ്​ ഏഴു റൺസുമായി പുറത്താകാതെ നിന്നു.

ഒലി റോബിൻസൺ ടെസ്റ്റിലെ കന്നി അഞ്ചുവിക്കറ്റ്​ നേട്ടം സ്വന്തമാക്കി. അതേ സമയം നാലു വിക്കറ്റ്​ പിഴുത വെറ്ററൻ പേസർ ജെയിംസ്​ ആൻഡേഴ്​സൺ ടെസ്റ്റിലെ ഏറ്റവും മികച്ച മൂന്നാമത്തെ വിക്കറ്റ്​ വേട്ടക്കാരനായി മാറി. രാഹുലിനെ പുറത്താക്കിയാണ്​ ജിമ്മി നാഴികക്കല്ല്​ പിന്നിട്ടത്​.

ഇന്ത്യൻ സ്​പിന്നർ അനിൽ കുംബ്ലെയെയാണ്​ (619) മറികടന്നത്​. മുത്തയ്യ മുരളീധരനും (800) ഷെയ്​ൻ വോണും (708) മാത്രമാണ്​ ഇനി 39കാരന്‍റെ മുന്നിലുള്ളത്​.

Show Full Article
TAGS:India vs England india-england test series cricket 
News Summary - India Take 95 Runs first Innings Lead against England in opening test
Next Story