ഇ​ന്ത്യ-​ദ​ക്ഷി​ണാ​ഫ്രി​ക്ക മൂ​ന്നാം ടെ​സ്റ്റ്​ ഇ​ന്നു​ മു​ത​ൽ; എ​ല്ലാ ക​ണ്ണു​ക​ളും കോ​ഹ്​​ലി​യി​ൽ

കേ​പ്​​ടൗ​ൺ: മൈ​താ​ന​ത്തും പു​റ​ത്തും നാ​യ​ക​വേ​ഷ​ത്തി​ൽ ത​ക​ർ​ത്താ​ടി​യ​ ഡീ​ൻ എ​ൽ​ഗാ​ർ കൊ​ണ്ടു​പോ​യ ര​ണ്ടാം ടെ​സ്റ്റി​ന്​ മ​ധു​ര​പ്ര​തി​കാ​രം ന​ൽ​കി പ​ര​മ്പ​ര​യു​മാ​യി മ​ട​ങ്ങാ​ൻ ഇ​ന്ത്യ ഇ​ന്ന്​ ഇ​റ​ങ്ങു​ന്നു. പ​ര​മ്പ​ര​യി​ലെ മൂ​ന്നാ​മ​ത്തെ​യും അ​വ​സാ​ന​ത്തെ​യും ടെ​സ്റ്റ്​ കേ​പ്ടൗ​ണി​ൽ ചൊ​വ്വാ​ഴ്ച​ ഇ​ന്ത്യ​ൻ​സ​മ​യം ര​ണ്ടി​ന്​ ആ​രം​ഭി​ക്കും. ജയിക്കാനായാൽ ദക്ഷിണാഫ്രിക്കൻ മണ്ണിൽ ഇന്ത്യയുടെ ആദ്യ ടെസ്റ്റ്​ പരമ്പര വിജയമാകും. ​ശാ​രീ​രി​ക​പ്ര​ശ്ന​ങ്ങ​ളെ തു​ട​ർ​ന്ന്​ പു​റ​ത്തി​രു​ന്ന വി​രാ​ട്​ കോ​ഹ്​​ലി നായകനായി തി​രി​കെ​യെ​ത്തു​മെ​ന്ന​താ​ണ്​ പ്ര​ധാ​ന സ​വി​ശേ​ഷ​ത.

99ാം ടെ​സ്റ്റ്​ ക​ളി​ക്കു​ന്ന കോ​ഹ്​​ലി​യെ ര​ണ്ടു വ​ർ​ഷ​മാ​യി വി​ട്ടു​നി​ൽ​ക്കു​ന്ന സെ​ഞ്ച്വ​റി വ​രും​നാ​ളു​ക​ളി​ൽ പി​റ​ക്കു​മോ​യെ​ന്നാ​ണ്​ ​ആ​രാ​ധ​ക​ർ ഉ​റ്റു​നോ​ക്കു​ന്ന​ത്. പ​ക​ര​ക്കാ​ര​നാ​യി ക​ഴി​ഞ്ഞ ടെ​സ്റ്റി​ൽ ഇ​റ​ങ്ങി ഇ​ന്ത്യ​ൻ ഇ​ന്നി​ങ്​​സി​ന്​ ക​രു​ത്തു​പ​ക​ർ​ന്ന ഹ​നു​മ വി​ഹാ​രി സ്വാ​ഭാ​വി​ക​മാ​യും പു​റ​ത്തി​രി​ക്കേ​ണ്ടി​വ​രും. ഓ​പ​ണി​ങ്​ ജോ​ടി​ക​ളാ​യ മാ​യ​ങ്ക്​ അ​ഗ​ർ​വാ​ളും കെ.​എ​ൽ.

രാ​ഹു​ലും പ്ര​ക​ടി​പ്പി​ച്ച മി​ക​ച്ച ഫോം​ ​മൂ​ന്നാം ടെ​സ്റ്റി​ലും തു​ട​രാ​നാ​യാ​ൽ തു​ട​ക്കം ഭ​​ദ്ര​മാ​കും. ചേ​തേ​ശ്വ​ർ പു​ജാ​ര, അ​ജി​ൻ​ക്യ ര​ഹാ​നെ എ​ന്നി​വ​രും ഇ​ടം നി​ല​നി​ർ​ത്തും. ര​ണ്ടാം ടെ​സ്റ്റി​ന്‍റെ ര​ണ്ടാം ഇ​ന്നി​ങ്​​സി​ൽ വെ​റു​തെ ​വി​ക്ക​റ്റ്​ ക​ള​ഞ്ഞ്​ പ​ഴി​യേ​റെ കേ​ട്ട ഋ​ഷ​ഭ്​ പ​ന്തി​ന്​ ന​ല്ല​ന​ട​പ്പു കൂ​ടി​യാ​കും കേ​പ്​ ടൗ​ണി​ലേ​ത്. ബൗ​ളി​ങ്ങി​ൽ പ്ര​തീ​ക്ഷ​യാ​യ മു​ഹ​മ്മ​ദ്​ സി​റാ​ജ്​ പേ​ശി​വ​ലി​വി​നെ തു​ട​ർ​ന്ന്​ പു​റ​ത്താ​കു​മെ​ന്നാ​ണ്​ സൂ​ച​ന. പ​ക​ര​ക്കാ​രാ​യി ഇ​ശാ​ന്ത്​ ശ​ർ​മ​യോ ഉ​മേ​ഷ്​ യാ​ദ​വോ ഇ​റ​ങ്ങി​യേ​ക്കും.

മ​റു​വ​ശ​ത്ത്, എ​ൽ​ഗാ​ർ ന​യി​ച്ച ബാ​റ്റി​ങ്ങും റ​ബാ​ദ മു​ന്നി​ൽ നി​ൽ​ക്കു​ന്ന ബൗ​ളി​ങ്ങും ഒ​രേ മൂ​ർ​ച്ച നി​ല​നി​ർ​ത്തു​ന്നു​ണ്ട്. റ​ബാ​ദ​ക്കൊ​പ്പം ലു​ങ്കി എ​ൻ​ഗി​ഡി​യും ക​ഴി​ഞ്ഞ ക​ളി​യി​ൽ ഇ​ന്ത്യ​ൻ ബാ​റ്റി​ങ്ങി​നെ പി​ച്ചി​ച്ചീ​ന്തി​യി​രു​ന്നു. ഒ​ന്നാം ടെ​സ്റ്റി​ൽ ഇ​ന്ത്യ​യു​ടെ സ​മ്പൂ​ർ​ണ വാ​ഴ്ച​യാ​യി​രു​ന്നു​വെ​ങ്കി​ൽ ര​ണ്ടാ​മ​ത്തേ​തി​ൽ അ​വ​സ​ര​ങ്ങ​ൾ ന​ൽ​കാ​തെ ആ​തി​ഥേ​യ​ർ മു​ന്നി​ൽ​നി​ന്നു. നാ​യ​ക​ൻ എ​ൽ​ഗാ​റി​നെ അ​തി​വേ​ഗം മ​ട​ക്കാ​നാ​യാ​ൽ ഇ​ത്ത​വ​ണ ആ​ധി​പ​ത്യം വീ​ണ്ടെ​ടു​ത്ത്​ പ​ര​മ്പ​ര ജ​യി​ക്കാ​നാ​കു​മെ​ന്നാ​ണ്​ ക​ണ​ക്കു​കൂ​ട്ട​ൽ.

ടീം: ​ഇ​ന്ത്യ: വി​രാ​ട്​ കോ​ഹ്​​ലി (ക്യാ​പ്​​റ്റ​ൻ), കെ.​എ​ൽ. രാ​ഹു​ൽ, അ​ജി​ൻ​ക്യ ര​ഹാ​നെ, ചേ​തേ​ശ്വ​ർ പു​ജാ​ര, പ്രി​യ​ങ്ക്​ പ​ഞ്ച​ൽ, ഹ​നു​മ വി​ഹാ​രി, ശ്രേ​യ​സ്​ അ​യ്യ​ർ, മാ​യ​ങ്ക്​ അ​ഗ​ർ​വാ​ൾ, ഋ​ഷ​ഭ്​ പ​ന്ത്, വൃ​ദ്ധി​മാ​ൻ സാ​ഹ, ര​വി​ച​ന്ദ്ര​ൻ അ​ശ്വി​ൻ, മു​ഹ​മ്മ​ദ്​ സി​റാ​ജ്, മു​ഹ​മ്മ​ദ്​ ഷ​മി, ജ​സ്​​പ്രീ​ത്​ ബും​റ, ജ​യ​ന്ത്​ യാ​ദ​വ്, ഇ​ശാ​ന്ത്​ ശ​ർ​മ, ഷാ​ർ​ദു​ൽ ഠാ​കു​ർ, ഉ​മേ​ഷ്​ യാ​ദ​വ്.

ദ​ക്ഷി​ണാ​ഫ്രി​ക്ക: ഐ​ഡ​ൻ മ​ർ​ക്രം, കീ​ഗ​ർ പീ​റ്റേ​ഴ്​​സ​ൺ, റ​സി വാ​ൻ ഡ​ർ ഡ​സ​ൻ, ടെം​ബ ബാ​വു​മ, സാ​രെ​ൽ ഇ​ർ​വീ, ജോ​ർ​ജ്​ ലി​ൻ​ഡെ, മാ​ർ​കോ ജാ​ൻ​സ​ൺ, വി​യാ​ൻ മു​ഖ്​​ദ​ർ, ​പ്രേ​നേ​ല​ൻ സു​ബ്ര​യേ​ൻ, കൈ​ൽ വെ​രെ​യ്​​ൻ, റി​യാ​ൻ റി​ക്ക​ൽ​ട്ട​ൻ, കാ​ഗി​സോ റ​ബാ​ദ, ലു​ങ്കി എ​ൻ​ഗി​ഡി, ബ്യൂ​റാ​ൻ ഹെ​ൻ​ഡ്രി​ങ്ക്​​സ്, കേ​ശ​വ്​ മ​ഹാ​രാ​ജ്, ​െഗ്ല​ൻ​ട​ൺ സ്​​റ്റൂ​ർ​മാ​ൻ, സി​സാ​ൻ​ഡ മ​ഗാ​ല, ഡു​വാ​ൻ ഒ​ളീ​വി​യ​ർ.