ഇ​ന്ത്യ-​ദ​ക്ഷി​ണാ​ഫ്രി​ക്ക മൂ​ന്നാം ട്വ​ന്റി20 ഇ​ന്ന്

ജൊ​ഹാ​ന​സ്ബ​ർ​ഗ്: ഇ​ന്ത്യ-​ദ​ക്ഷി​ണാ​ഫ്രി​ക്ക ട്വ​ന്റി20 പ​ര​മ്പ​ര​യി​ലെ മൂ​ന്നാ​മ​ത്തെ​യും അ​വ​സാ​ന​ത്തെ​യും മ​ത്സ​രം വ്യാ​ഴാ​ഴ്ച ന​ട​ക്കും. പ​ര​മ്പ​ര​യി​ൽ 0-1ന് ​പി​ന്നി​ലാ​യ ഇ​ന്ത്യ​ക്ക് ഇ​ന്ന് ജ​യി​ച്ചേ തീ​രൂ. ര​ണ്ടാം മ​ത്സ​ര​ത്തി​ൽ ആ​ദ്യം ബാ​റ്റ് ചെ​യ്ത് മി​ക​ച്ച സ്കോ​ർ നേ​ടി​യി​ട്ടും തോ​ൽ​വി ഏ​റ്റു​വാ​ങ്ങു​ക​യാ​യി​രു​ന്നു സൂ​ര്യ​കു​മാ​ർ യാ​ദ​വും സം​ഘ​വും. ഏ​ക​ദി​ന, ടെ​സ്റ്റ് പ​ര​മ്പ​ര​ക​ൾ ന​ട​ക്കാ​നി​രി​ക്കെ ട്വ​ന്റി20 പ​ര​മ്പ​ര​യി​ൽ ഒ​പ്പ​മെ​ത്തു​ന്ന​ത് ഇ​ന്ത്യ​യു​ടെ ആ​ത്മ​വി​ശ്വാ​സം കൂ​ട്ടും. ബാ​റ്റ​ർ​മാ​രു​ടെ ഫോ​മി​ൽ ഒ​രി​ക്ക​ൽ​ക്കൂ​ടി പ്ര​തീ​ക്ഷ​യ​ർ​പ്പി​ക്കു​ക​യാ​ണ് ടീം. ​ആ​ദ്യ ക​ളി പൂ​ർ​ണ​മാ​യും മ​ഴ​യെ​ടു​ത്ത​തി​നാ​ൽ ര​ണ്ടാം മ​ത്സ​രം ജീ​വ​ന്മ​ര​ണ പോ​രാ​ട്ട​മാ​യി​രു​ന്നു. ഓ​പ​ണ​ർ​മാ​രാ​യ ശു​ഭ്മ​ൻ ഗി​ല്ലും യ​ശ​സ്വി ജ​യ്‍സ്വാ​ളും പ​രാ​ജ​യ​മാ​യ​പ്പോ​ൾ റി​ങ്കു സി​ങ്ങി​ന്റെ​യും സൂ​ര്യ​കു​മാ​റി​ന്റെ​യും അ​ർ​ധ​ശ​ത​ക​ങ്ങ​ൾ ഇ​ന്ത്യ​യെ 180ലെ​ത്തി​ച്ചി​ട്ടും പ​ക്ഷേ, ര​ക്ഷ​യു​ണ്ടാ​യി​ല്ല.

ക​ഴി​ഞ്ഞ രാ​ത്രി ഇ​ന്ത്യ 19.3 ഓ​വ​റി​ൽ 180 റ​ൺ​സി​ൽ നി​ൽ​ക്കെ​യാ​ണ് മ​ഴ​യെ​ത്തി​യ​ത്. മ​ഴ​നി​യ​മ​പ്ര​കാ​രം ആ​തി​ഥേ​യ​രു​ടെ വി​ജ​യ​ല​ക്ഷ്യം 15 ഓ​വ​റി​ൽ 152 റ​ൺ​സാ​ക്കി പു​തു​ക്കി നി​ശ്ച​യി​ച്ചു. ദ​ക്ഷി​ണാ​ഫ്രി​ക്ക​ൻ ബാ​റ്റ​ർ​മാ​ർ ക​ത്തി​ക്ക​റി​യ​പ്പോ​ൾ ഏ​ഴ് പ​ന്ത് ബാ​ക്കി നി​ൽ​ക്കെ പ്രോ​ട്ടീ​സ് വി​ജ​യ​ത്തി​ലെ​ത്തി. 13.5 ഓ​വ​റി​ൽ അ​ഞ്ച് വി​ക്ക​റ്റി​ന് 154 റ​ൺ​സാ​ണ് നേ​ടി​യ​ത്.

27 പ​ന്തി​ൽ 49 റ​ൺ​സ​ടി​ച്ച് ഓ​പ​ണ​ർ റീ​സ ഹെ​ൻ​ഡ്രി​ക്സും 17 പ​ന്തി​ൽ 30 റ​ൺ​സ് നേ​ടി ക്യാ​പ്റ്റ​ൻ എ​യ്ഡ​ൻ മ​ർ​ക​റ​മും ജ​യം എ​ളു​പ്പ​മാ​ക്കി. ഇ​ന്ത്യ​ൻ ബൗ​ള​ർ​മാ​ർ​ക്ക് ഒ​ര​വ​സ​ര​വും ന​ൽ​കാ​തെ ആ​ഞ്ഞ​ടി​ച്ച ദ​ക്ഷി​ണാ​ഫ്രി​ക്ക​ൻ ബാ​റ്റ​ർ​മാ​ർ ഓ​വ​റി​ൽ ശ​രാ​ശ​രി പ​ത്ത് റ​ൺ​സി​ന് മു​ക​ളി​ലാ​ണ് അ​ടി​ച്ചെ​ടു​ത്ത​ത്. പേ​സ​ർ​മാ​രാ​യ അ​ർ​ഷ്ദീ​പ് സി​ങ്ങും മു​കേ​ഷ് കു​മാ​റും യ​ഥേ​ഷ്ടം റ​ൺ​സ് വ​ഴ​ങ്ങി. അ​ർ​ഷ്ദീ​പി​ന്റെ ര​ണ്ട് ഓ​വ​റി​ൽ 31ഉം ​മു​കേ​ഷി​ന്റെ മൂ​ന്ന് ഓ​വ​റി​ൽ 34ഉം ​റ​ൺ​സ് പി​റ​ന്നു. മു​കേ​ഷി​ന് ര​ണ്ട് ഇ​ര​ക​ളെ കി​ട്ടി​യ​ത് മാ​ത്രം മി​ച്ചം.

ടീം ​ഇ​വ​രി​ൽ​നി​ന്ന്

ഇ​ന്ത്യ: സൂ​ര്യ​കു​മാ​ർ യാ​ദ​വ് (ക്യാ​പ്റ്റ​ൻ), യ​ശ​സ്വി ജ​യ്‌​സ്വാ​ൾ, ശു​ഭ്മ​ൻ ഗി​ൽ, ഋ​തു​രാ​ജ് ഗെ​യ്‌​ക്‌​വാ​ദ്, തി​ല​ക് വ​ർ​മ, റി​ങ്കു സി​ങ്, ശ്രേ​യ​സ് അ​യ്യ​ർ, ഇ​ഷാ​ൻ കി​ഷ​ൻ, ജി​തേ​ഷ് ശ​ർ​മ, ര​വീ​ന്ദ്ര ജ​ദേ​ജ, വാ​ഷി​ങ്ട​ൺ സു​ന്ദ​ർ, ര​വി ബി​ഷ്‌​ണോ​യി, കു​ൽ​ദീ​പ് യാ​ദ​വ്, അ​ർ​ഷ്ദീ​പ് സി​ങ്, മു​ഹ​മ്മ​ദ് സി​റാ​ജ്, മു​കേ​ഷ് കു​മാ​ർ, ദീ​പ​ക് ചാ​ഹ​ർ.

ദ​ക്ഷി​ണാ​ഫ്രി​ക്ക: എ​യ്ഡ​ൻ മാ​ർ​ക്രം (ക്യാ​പ്റ്റ​ൻ), ഒ​ട്ട്‌​നി​യ​ൽ ബാ​ർ​ട്ട്‌​മാ​ൻ, മാ​ത്യു ബ്രീ​റ്റ്‌​സ്‌​കെ, നാ​ൻ​ഡ്രെ ബ​ർ​ഗ​ർ, ഡോ​ണോ​വ​ൻ ഫെ​രേ​ര, റീ​സ ഹെ​ൻ​ഡ്രി​ക്‌​സ്, ഹെൻറി​ച്ച് ക്ലാ​സെ​ൻ, കേ​ശ​വ് മ​ഹാ​രാ​ജ്, ഡേ​വി​ഡ് മി​ല്ല​ർ, ആ​ൻ​ഡി​ൽ ഫെ​ഹ്ലു​ക്വാ​യോ, ത​ബ്രാ​യി​സ് ഷം​സി, ട്രി​സ്റ്റ​ൻ സ്റ്റ​ബ്സ്, ലി​സാ​ഡ് വി​ല്യം​സ്.