ഒ​രു പ്ര​തി​കാ​ര​ത്തി​ന്റെ ക​ഥ

ഇന്ത്യക്ക് ഇന്ന് നാല് വർഷം മുൻപത്തെ ഒരു കണക്ക് തീർക്കാനുണ്ട്. അന്ന് വിരാട് കോഹ്‍ലിയുടെ ഇന്ത്യയെ തകർത്തായിരുന്നു കിവികൾ ഫൈനലിലേക്ക് ടിക്കറ്റെടുത്തത്. ഇം​ഗ്ല​ണ്ട് ആ​തി​ഥ്യ​മ​രു​ളി​യ 2019ലെ ​ലോ​ക​ക​പ്പി​ൽ ഒ​മ്പ​തി​ൽ ഏ​ഴു മ​ത്സ​ര​ങ്ങ​ളും ജ​യി​ച്ച് റൗ​ണ്ട് റോ​ബി​ൻ ലീ​ഗി​ൽ ഒ​ന്നാം സ്ഥാ​ന​ക്കാ​രാ​യാ​ണ് ഇ​ന്ത്യ സെ​മി ഫൈ​ന​ലി​ലെ​ത്തി​യ​ത്. സെ​മി​യി​ൽ ഇ​ന്ത്യ​യെ കാ​ത്തി​രു​ന്ന​ത് ന്യൂ​സി​ല​ൻ​ഡ്.

ടോ​സ് നേ​ടി​യ ന്യൂ​സി​ല​ൻ​ഡ് ക്യാ​പ്റ്റ​ൻ കെ​യ്ൻ വി​ല്യം​സ​ൺ ആ​ദ്യം ബാ​റ്റ് ചെ​യ്യാ​ൻ തീ​രു​മാ​നി​ച്ചു. 50 ഓ​വ​റി​ൽ എ​ട്ടു വി​ക്ക​റ്റ് ന​ഷ്ട​ത്തി​ൽ കി​വി​ക​ൾ നേ​ടി​യ​ത് 239 റ​ൺ​സ്. വ​ലി​യ വെ​ല്ലു​വി​ളി​ക​ളി​ല്ലാ​തെ ഇ​ന്ത്യ ല​ക്ഷ്യ​ത്തി​ലെ​ത്തു​മെ​ന്ന് തോ​ന്നി​ച്ചെ​ങ്കി​ലും ആ​ദ്യ അ​ഞ്ചു റ​ൺ​സെ​ടു​ക്കു​ന്ന​തി​നി​ടെ ഓ​പ​ണ​ർ​മാ​രാ​യ രോ​ഹി​ത് ശ​ർ​മ​യും കെ.​എ​ൽ. രാ​ഹു​ലും ക്യാ​പ്റ്റ​ൻ വി​രാ​ട് കോ​ഹ്‍ലി​യും കൂ​ടാ​രം ക​യ​റി. ഇ​ട​ക്ക് എം.​എ​സ്. ധോ​ണി​യും (77) ര​വീ​ന്ദ്ര ജ​ദേ​ജ​യും (50) ചേ​ർ​ന്ന് ന​ട​ത്തി​യ ര​ക്ഷാ​പ്ര​വ​ർ​ത്ത​നം ടീ​മി​നെ 200 ക​ട​ത്തി​യെ​ങ്കി​ലും 221ൽ ​പോ​രാ​ട്ടം അ​വ​സാ​നി​പ്പി​ച്ച​തോ​ടെ 18 റ​ൺ​സ് തോ​ൽ​വി. കി​രീ​ട​വ​ഴി​യി​ൽ​നി​ന്ന് ഇ​ന്ത്യ​യെ മ​ട​ക്കി​വി​ട്ട ന്യൂ​സി​ല​ൻ​ഡി​നോ​ട് മ​ധു​ര​പ്ര​തി​കാ​രം ചെ​യ്യാ​നാ​ണ് രോ​ഹി​തും സം​ഘ​വും ഇ​റ​ങ്ങു​ന്ന​ത്.

സെ​മി​യി​ൽ ഇ​ന്ത്യ ഇ​തു​വ​രെ

13 ലോ​ക​ക​പ്പു​ക​ളി​ൽ ഇ​ന്ത്യ​യു​ടെ എ​ട്ടാം സെ​മി ഫൈ​ന​ലാ​ണി​ത്. മു​മ്പ് ന​ട​ന്ന ഏ​ഴെ​ണ്ണ​ത്തി​ൽ നാ​ലി​ലും തോ​റ്റു. ഫൈ​ന​ലി​ലെ​ത്തി​യ 1983ലും 2011​ലും യ​ഥാ​ക്ര​മം വെ​സ്റ്റി​ൻ​ഡീ​സി​നെ​യും ശ്രീ​ല​ങ്ക​യെ​യും തോ​ൽ​പി​ച്ച് ജേ​താ​ക്ക​ളാ​യി. 2003ലെ ​ഫൈ​ന​ലി​ൽ ആ​സ്ട്രേ​ലി​യ​യോ​ട് പ​രാ​ജ​യ​മേ​റ്റു​വാ​ങ്ങി.

• 2019: ന്യൂ​സി​ല​ൻ​ഡി​നോ​ട് 18 റ​ൺ​സ് തോ​ൽ​വി (മാ​ഞ്ച​സ്റ്റ​ർ)
• 2015: ആ​സ്ട്രേ​ലി​യ​യോ​ട് 95 റ​ൺ​സ് പ​രാ​ജ​യം (സി​ഡ്നി)
• 2011: പാ​കി​സ്താ​നെ 29 റ​ൺ​സി​ന് തോ​ൽ​പി​ച്ചു (മൊ​ഹാ​ലി)
• 2003: കെ​നി​യ​യെ 91 റ​ൺ​സി​ന് തോ​ൽ​പി​ച്ചു (ഡ​ർ​ബ​ൻ)
• 1996: അ​നി​ഷ്ട സം​ഭ​വ​ങ്ങ​ളെ​ത്തു​ട​ർ​ന്ന് ശ്രീ​ല​ങ്ക​യെ
• വി​ജ​യി​ക​ളാ​യി പ്ര​ഖ്യാ​പി​ച്ചു (കൊ​ൽ​ക്ക​ത്ത)
• 1987: ഇം​ഗ്ല​ണ്ടി​നോ​ട് 35 റ​ൺ​സി​ന് തോ​റ്റു (മും​ബൈ)
• 1983: ഇം​ഗ്ല​ണ്ടി​നെ ആ​റു വി​ക്ക​റ്റി​ന് തോ​ൽ​പി​ച്ചു (മാ​ഞ്ച​സ്റ്റ​ർ)
• ആ​കെ 7, ജ​യം 3, തോ​ൽ​വി 4

ബാ​റ്റി​ങ് വി​ക്ക​റ്റ്; പേ​സ​ർ​മാ​ർ​ക്കും സ​ന്തോ​ഷം

ബാ​റ്റ​ർ​മാ​രെ തു​ണ​ക്കു​ന്ന​താ​ണ് ലോ​ക​ക​പ്പി​ൽ വാം​ഖ​ഡെ സ്റ്റേ​ഡി​യ​ത്തി​ലെ പി​ച്ച് കാ​ണി​ച്ച സ്വ​ഭാ​വം. മ​റ്റു സ്റ്റേ​ഡി​യ​ങ്ങ​ളെ അ​പേ​ക്ഷി​ച്ച് ചെ​റു​താ​ണ് വാം​ഖ​ഡെ. ബൗ​ണ്ട​റി​യി​ലേ​ക്ക് 64-68 മീ​റ്റ​ർ മാ​ത്രം ദൂ​രം. റ​ൺ​സ് ഒ​ഴു​ക്കാ​ൻ എ​ല്ലാ സാ​ഹ​ച​ര്യ​വു​മു​ള്ള​യി​ടം. ലോ​ക​ക​പ്പി​ൽ ഇ​വി​ട​ത്തെ ശ​രാ​ശ​രി ഒ​ന്നാം ഇ​ന്നി​ങ്സ് സ്കോ​ർ 350 റ​ൺ​സ്. 13 പി​ച്ചു​ക​ളു​ള്ള ഇ​വി​ട​ത്തെ മ​ധ്യ​വി​ക്ക​റ്റാ​ണ് സെ​മി​ക്കാ​യി ഒ​രു​ക്കു​ന്ന​ത്. ലോ​ക​ക​പ്പി​ൽ ഇ​തു​വ​രെ ന​ട​ന്ന മ​ത്സ​ര​ങ്ങ​ളി​ൽ പി​ച്ച് പേ​സ​ർ​മാ​രെ​യും തു​ണ​ച്ചി​ട്ടു​ണ്ട്. പ്ര​ത്യേ​കി​ച്ച് ര​ണ്ടാം ഇ​ന്നി​ങ്സി​ൽ. ലൈ​റ്റു​ക​ൾ​ക്ക് കീ​ഴി​ൽ പു​തി​യ പ​ന്തു​മാ​യി പേ​സ​ർ​മാ​രും സ്വി​ങ്ങും സീ​മും ഉ​പ​യോ​ഗ​പ്പെ​ടു​ത്തി. നാ​ലു മ​ത്സ​ര​ങ്ങ​ളി​ൽ ആ​ദ്യ പ​വ​ർ​പ്ലേ​യി​ൽ 17 വി​ക്ക​റ്റ് ചേ​സി​ങ് ടീ​മി​ന് ന​ഷ്ട​മാ​യ​പ്പോ​ൾ ആ​ദ്യം ബാ​റ്റ് ചെ​യ്ത​വ​ർ​ക്ക് വീ​ണ​ത് അ​ഞ്ചെ​ണ്ണം മാ​ത്രം. വേ​ഗ​ക്കാ​ർ 6.60 എ​ന്ന ഇ​ക്കോ​ണ​മി റേ​റ്റി​ൽ 47 വി​ക്ക​റ്റു​ക​ൾ വീ​ഴ്ത്തി. അ​തേ​സ​മ​യം, സ്പി​ന്ന​ർ​മാ​ർ​ക്ക് ഓ​വ​റി​ൽ ശ​രാ​ശ​രി 5.9 റ​ൺ​സ് വ​ഴ​ങ്ങി ഇ​ര​ക​ളെ ക​ണ്ടെ​ത്താ​നേ ക​ഴി​ഞ്ഞു​ള്ളൂ.

ടോ​സ് ഫാ​ക്ട​ർ

ടോ​സ് വ​ലി‍യ തോ​തി​ൽ സ്വാ​ധീ​നം ചെ​ലു​ത്താ​ത്ത വേ​ദി​യെ​ന്ന​താ​ണ് വാം​ഖ​ഡെ സ്റ്റേ​ഡി​യ​ത്തി​ന്റെ ച​രി​ത്രം. ടോ​സ് ന​ഷ്ട​പ്പെ​ട്ട ടീ​മു​ക​ളാ​ണ് കൂ​ടു​ത​ൽ മ​ത്സ​രം ജ​യി​ച്ച​ത്, 15. ടോ​സ് നേ​ടി​യ​വ​ർ ജ​യി​ച്ച​ത് 12ഉം. ​ടോ​സ് നേ​ടി​യാ​ൽ ആ​ദ്യം ബാ​റ്റ് ചെ​യ്യു​ന്ന​തി​നാ​ണ് ഇ​വി​ടെ ക്യാ​പ്റ്റ​ന്മാ​ർ മു​ൻ​ഗ​ണ​ന കൊ​ടു​ത്തി​ട്ടു​ള്ള​ത്. 27ൽ 17​ലും ടോ​സ് ല​ഭി​ച്ച​വ​ർ ത​ന്നെ ബാ​റ്റി​ങ് തു​ട​ങ്ങി. ഇ​വ​രി​ൽ എ​ട്ട് ടീ​മു​ക​ൾ ജ​യം ക​ണ്ടു. ഒ​മ്പ​തു ത​വ​ണ​യും ടോ​സ് നേ​ടി ആ​ദ്യം ബാ​റ്റ് ചെ​യ്ത​വ​ർ തോ​റ്റു. ഫീ​ൽ​ഡി​ങ് തി​ര​ഞ്ഞെ​ടു​ത്ത പ​ത്തി​ൽ നാ​ലു ടീ​മു​ക​ളാ​ണ് ജ​യി​ച്ച​ത്. ആ​റി​ലും തോ​ൽ​വി​യാ​യി​രു​ന്നു ഫ​ലം. നി​ല​വി​ലെ ലോ​ക​ക​പ്പി​ൽ ര​ണ്ടു ത​വ​ണ​യും ഇ​വി​ടെ ആ​ദ്യം ഫീ​ൽ​ഡ് ചെ​യ്യാ​ൻ തീ​രു​മാ​നി​ച്ച​വ​ർ പ​രാ​ജ​യം ഏ​റ്റു​വാ​ങ്ങി. ആ​ദ്യം ബാ​റ്റി​ങ് തി​ര​ഞ്ഞെ​ടു​ത്ത​വ​ർ ഓ​രോ മ​ത്സ​രം വീ​തം ജ​യി​ക്കു​ക​യും തോ​ൽ​ക്കു​ക​യും ചെ​യ്തു. എ​ങ്കി​ലും ഇ​ക്കു​റി ആ​ദ്യം ബാ​റ്റ് ചെ​യ്ത​വ​ർ റ​ൺ​സ് അ​ടി​ച്ചു​കൂ​ട്ടി​യ അ​നു​ഭ​വ​മു​ള്ള​തി​നാ​ൽ ടോ​സ് ഭാ​ഗ്യ​ത്തി​ലും കാ​ര്യ​മു​ണ്ട്.