മൂ​ന്ന് റ​ൺ​സകലെ ഇന്ത്യ വീണു; ഓസീസിനെതിരെ ഇന്ത്യൻ വനിതകൾക്ക് പരമ്പര നഷ്ടം

മും​ബൈ: ആ​സ്ട്രേ​ലി​യ​ക്കെ​തി​രാ​യ ര​ണ്ടാം ഏ​ക​ദി​ന​ത്തി​ൽ വി​ജ​യ​ത്തി​ന​രി​കി​ൽ ഇ​ന്ത്യൻ വനിതാ ടീം വീ​ണു. മൂ​ന്ന് റ​ൺ​സി​നാ​യി​രു​ന്നു തോ​ൽ​വി. ഇ​തോ​ടെ മൂ​ന്ന് മ​ത്സ​ര പ​ര​മ്പ​ര​യും (0-2) ന​ഷ്ട​മാ​യി.

ആ​ദ്യം ബാ​റ്റ് ചെ​യ്ത ഓ​സീ​സ് കു​റി​ച്ച 259 റ​ൺ​സ് ല​ക്ഷ്യം തേ​ടി​യി​റ​ങ്ങി​യ ആ​തി​ഥേ​യ​ർ​ക്ക് 50 ഓ​വ​റി​ൽ എ​ട്ട് വി​ക്ക​റ്റി​ന് 255 റൺസാണെടുക്കാനായത്. 96 റ​ൺ​സ് നേ​ടി റി​ച്ച ഘോ​ഷ് ടോ​പ് സ്കോ​റ​റാ​യി. ദീ​പ്തി ശ​ർ​മ അ​ഞ്ചു വി​ക്ക​റ്റു​മാ​യി ക​രു​ത്തു​കാ​ട്ടി​യ ദി​ന​ത്തി​ൽ ഓ​സീ​സ് 50 ഓ​വ​റി​ൽ എ​ട്ടു വി​ക്ക​റ്റി​ന് 258 റ​ൺ​സ് എ​ന്ന താ​ര​ത​മ്യേ​ന മി​ക​ച്ച ടോ​ട്ട​ൽ നേ​ടി.

ഓ​പ​ണ​ർ ഫീ​ബ് ലി​ച്ച്ഫീ​ൽ​ഡ് (63), എ​ല്ലി​സ് പെ​റി (50) എ​ന്നി​വ​ർ അ​ർ​ധ​ശ​ത​ക​ങ്ങ​ളു​മാ​യി മു​ന്നി​ൽ​നി​ന്ന് ന​യി​ച്ച​പ്പോ​ൾ ത​ഹ്‍ലി​യ മ​ക്ഗ്രാ​ത്ത് (24), അ​ന്നാ​ബെ​ൽ സ​ത​ർ​ലാ​ൻ​ഡ് (23), അ​ലാ​ന കി​ങ് (28) തു​ട​ങ്ങി​യ​വ​രും പി​ടി​ച്ചു​നി​ന്നു. എ​ല്ലി​സ് പെ​റി​യ​ട​ക്കം പ്ര​മു​ഖ​രെ മ​ട​ക്കി ദീ​പ്തി ശ​ർ​മ​യാ​ണ് ഓ​സീ​സ് പ​ട​യോ​ട്ട​ത്തെ പി​ടി​ച്ചു​കെ​ട്ടി​യ​ത്.

മറുപടി ബാറ്റിങ്ങിൽ ഇടക്ക് ഇന്ത്യക്ക് വ്യക്തമായ ആധിപത്യം ഉണ്ടായിരുന്നു. ഓ​പ​ണ​ർ യാ​സ്തി​ക ഭാ​ട്ടി​യ നേ​ര​ത്തേ മ​ട​ങ്ങി​യെ​ങ്കി​ലും വ​ൺ​​ഡൗ​ണാ​യി എ​ത്തി​യ റി​ച്ച ഘോ​ഷ് ഓ​സീ​സ് ബൗ​ളി​ങ്ങി​നെ നി​ർ​ദ​യം ത​ല്ലി​ച്ച​ത​ച്ചു.

തു​ട​ക്ക​ത്തി​ൽ സ്മൃ​തി മ​ന്ദാ​ന​യും (34) പി​ന്നീ​ട് ജെ​മീ​മ റോ​ഡ്രി​ഗ​സും (44) ഉ​റ​ച്ച കൂ​ട്ട് ന​ൽ​കി​യ​തോ​ടെ റി​ച്ച​യു​ടെ ബാ​റ്റി​ൽ​നി​ന്ന് നി​ര​ന്ത​രം ബൗ​ണ്ട​റി​ക​ൾ പ്ര​വ​ഹി​ച്ചു. ഇ​രു​വ​രും മ​ട​ങ്ങി​യ​ശേ​ഷ​വും റി​ച്ച​ത​ന്നെ​യാ​യി​രു​ന്നു അ​മ​ര​ത്ത്. റി​ച്ച​യു​ടെ പു​റ​ത്താ​വ​ൽ ഇ​ന്ത്യ​ക്ക് തി​രി​ച്ച​ടി​യാ​യി. ക്യാ​പ്റ്റ​ൻ ഹ​ർ​മ​ൻ​പ്രീ​ത് കൗ​ർ അ​ഞ്ച് റ​ൺ​സ് മാ​ത്ര​മാ​ണ് നേ​ടി​യ​ത്.