ലോ​ക​ക്രി​ക്ക​റ്റി​െൻറ ത​റ​വാ​ട്ടു​മു​റ്റത്ത്​ ഇന്ത്യയുടെ വീരഗാഥ; അഭിമാനമായി പേസ്​ ബൗളർമാർ

ല​ണ്ട​ൻ: വെ​ടി​ച്ചി​ല്ല്​ പാ​യു​ന്ന​പോ​ലെ മൂ​ളി​പ്പ​റ​ക്കു​ന്ന പ​ന്തേ​റു​കാ​രെ ക​ണ്ട്​ ഒ​രി​ക്ക​ൽ ഓ​രോ ഇ​ന്ത്യ​ക്കാ​ര​നും കൊ​തി​ച്ചി​ട്ടു​ണ്ട്. ഇ​തു​പോ​ലൊ​രു ബൗ​ള​ർ എ​ന്നാ​ണ്​ ഇ​ന്ത്യ​ക്കു​ണ്ടാ​വു​ക എ​ന്ന്... അ​യ​ൽ​പ​ക്ക​ത്തു​കാ​രാ​യ വ​സീം അ​ക്ര​മും വ​ഖാ​ർ യൂ​നി​സും ​ഷോ​യി​ബ്​ അ​ക്​​ത​റു​മൊ​ക്കെ തീ​പ​റ​ത്തു​ന്ന ബൗ​ള​ർ​മാ​രാ​യി വാ​ണ​കാ​ല​ത്തും ഇ​ന്ത്യ​യു​ടെ ഫാ​സ്​​റ്റ്​ ബൗ​ളി​ങ്​ സ്വ​പ്​​ന​ങ്ങ​ൾ ജ​വ​ഗ​ൽ ​ശ്രീ​നാ​ഥി​ന​പ്പു​റം പോ​യി​രു​ന്നി​ല്ല. പി​ന്നീ​ട്​ സ​ഹീ​ർ ഖാ​ൻ നി​ക​ത്താ​ൻ നോ​ക്കി​യെ​ങ്കി​ലും മ​ക്​​ഗ്രാ​ത്, ബ്രെ​റ്റ്​​ലീ വേ​ഗം ക​ണ്ട്​ കൊ​ടി​യേ​റ്റം സി​നി​മ​യി​ലെ ഗോ​പി​യെ പോ​ലെ 'എ​ന്തൊ​രു സ്​​പീ​ഡ്..' എ​ന്ന്​ അ​ന്തം​വി​ട്ടു നി​ൽ​ക്കാ​നാ​യി​രു​ന്നു ഇ​ന്ത്യ​ക്കാ​രു​ടെ വി​ധി. വി​ദേ​ശ​ങ്ങ​ളി​ൽ ക​ളി​ക്കാ​ൻ പോ​കു​മ്പോ​ൾ തോ​റ്റ​മ്പി​യി​രു​ന്ന​തും ഈ ​അ​തി​വേ​ഗ​ക്കാ​രി​ല്ലാ​ത്ത​തി​നാ​ലാ​യി​രു​ന്നു.

ആ ​തി​ര​ക്ക​ഥ തി​രു​ത്തി​യാ​ണ്​ ലോ​ക​ക്രി​ക്ക​റ്റി​െൻറ ത​റ​വാ​ട്ടു​മു​റ്റ​മാ​യി ക​രു​തി​പ്പോ​ന്ന ​ലോ​ഡ്​​സി​ൽ ഇ​ന്ത്യ ലോ​ക​ത്തി​നു കാ​ണി​ച്ചു​കൊ​ടു​ത്ത​ത്. നി​ല​വി​ലെ ഏ​റ്റ​വും മി​ക​ച്ച ഫാ​സ്​​റ്റ്​ ബൗ​ളി​ങ്​ നി​ര ഇ​ന്ത്യ​യു​ടേ​താ​ണെ​ന്ന്​ കോ​ഹ്​​ലി​പ്പ​ട ഇം​ഗ്ലീ​ഷ്​ നി​ര​യെ അ​രി​ഞ്ഞു​വീ​ഴ്​​ത്തി തെ​ളി​യി​ച്ചി​രി​ക്കു​ന്നു. ജ​സ്​​പ്രീ​ത്​ ബും​റ​യും മു​ഹ​മ്മ​ദ്​ ഷ​മി​യും മു​ഹ​മ്മ​ദ്​ സി​റാ​ജും ഇ​ശാ​ന്ത്​ ശ​ർ​മ​യും ചേ​ർ​ന്ന്​ ഇം​ഗ്ല​ണ്ടി​നെ എ​റി​ഞ്ഞു ത​ക​ർ​ത്തു.

ലോ​ക ക്രി​ക്ക​റ്റി​ലെ ക​ളി​വി​ശാ​ര​ദ​ന്മാ​രും മു​ൻ താ​ര​ങ്ങ​ളും പ്ര​ശം​സ ചൊ​രി​യു​ക​യാ​ണ്​ ഇ​ന്ത്യ​ൻ പേ​സ്​​യ​ന്ത്ര​ങ്ങ​ളെ. മു​മ്പ്​ ഒ​ര​റ്റ​ത്തെ പേ​സ്​ ബൗ​ള​റെ മാ​ത്രം സൂ​ക്ഷി​ച്ചാ​ൽ മ​തി​യാ​യി​രു​ന്നു ഇ​ന്ത്യ​ക്കെ​തി​രെ ക​ളി​ക്കു​മ്പോ​ഴെ​ങ്കി​ൽ ഇ​പ്പോ​ൾ അ​ത​ല്ല സ്​​ഥി​തി. ഒ​രാ​ൾ മ​ങ്ങി​യാ​ൽ അ​ടു​ത്ത​യാ​ൾ ക​ത്തും.

എ​ല്ലാ​ത്തി​നു​മ​പ്പു​റം ഓ​രോ പ​ന്തി​ലും ബൗ​ള​ർ​മാ​ർ​ക്ക്​ ആ​വേ​ശം കു​ത്തി​വെ​ച്ച്​ ക്യാ​പ്​​റ്റ​ൻ വി​രാ​ട്​ കോ​ഹ്​​ലി ച​ടു​ല​മാ​യി മൈ​താ​നം മു​ഴു​വ​ൻ പാ​ഞ്ഞു​ന​ട​ക്കു​മ്പോ​ൾ എ​തി​രാ​ളി​ക​ൾ​ക്ക്​ ഇ​ന്ത്യ​യെ ഭ​യ​ക്കാ​തെ ത​ര​മി​ല്ല. ലോ​ഡ്​​സി​ൽ ര​ണ്ടാം ടെ​സ്​​റ്റി​ൽ ക​ണ്ട​ത്​ അ​താ​ണ്.

വാ​ലി​ൽ കു​ത്തി​ച്ചാ​ട്ടം

സാ​ധാ​ര​ണ നി​ല​യി​ൽ പു​രോ​ഗ​മി​ച്ചു​കൊ​ണ്ടി​രു​ന്ന ലോ​ഡ്​​സ്​ ടെ​സ്​​റ്റി​ൽ ടേ​ണി​ങ്​ പോ​യ​ൻ​റാ​യ​ത്​ അ​വ​സാ​ന ദി​വ​​സ​ത്തെ ക​ളി​യാ​ണ്. ആ​ദ്യ ഇ​ന്നി​ങ്​​സി​ൽ ഇ​ന്ത്യ കെ.​എ​ൽ. രാ​ഹു​ലി‍െൻറ സെ​ഞ്ച്വ​റി​യു​ടെ ബ​ല​ത്തി​ൽ 364 റ​ൺ​സെ​ടു​ത്തെ​ങ്കി​ലും ക്യാ​പ്​​റ്റ​ൻ ജോ ​റൂ​ട്ടി​െൻറ 180 റ​ൺ​സ്​ തി​രി​ച്ച​ടി​യി​ൽ ഇം​ഗ്ല​ണ്ട്​ 27 റ​ൺ​സ്​ ലീ​ഡ്​ പി​ടി​ച്ചി​രു​ന്നു. ര​ണ്ടാം ഇ​ന്നി​ങ്​​സി​ൽ ഇ​ന്ത്യ ത​ക​ർ​ന്ന​ടി​ഞ്ഞ​താ​യി ഉ​റ​പ്പി​ച്ചാ​ണ്​ ആ​റി​ന്​ 181 എ​ന്ന നി​ല​യി​ൽ നാ​ലാം ദി​വ​സം ഋ​ഷ​ഭ്​ പ​ന്തും ഇ​ശാ​ന്ത്​ ശ​ർ​മ​യും പി​ച്ച്​ വി​ട്ട​ത്.

അ​ഞ്ചാം ദി​വ​സം അ​തി​ശ​യ​ങ്ങ​ളി​ല്ലെ​ങ്കി​ൽ 200 ൽ ​താ​ഴെ ഇ​ന്ത്യ ത​രി​പ്പ​ണ​മാ​കു​മെ​ന്നു​റ​പ്പാ​യി​രു​ന്നു. ഋ​ഷ​ഭ്​ പ​ന്തും ഇ​ശാ​ന്ത്​ ശ​ർ​മ​യും രാ​വി​ലെ ത​ന്നെ മ​ട​ങ്ങി​യ​പ്പോ​ഴേ ഇം​ഗ്ല​ണ്ട്​ ക്യാ​മ്പി​ൽ ആ​ഹ്ലാ​ദം തു​ട​ങ്ങി​യ​തു​മാ​ണ്. പ​ക്ഷേ, ഒ​മ്പ​താം വി​ക്ക​റ്റി​ന്​ ക്രീ​സി​ൽ ഒ​ത്തു​കൂ​ടി​യ മു​ഹ​മ്മ​ദ്​ ഷ​മി​യും ജ​സ്​​പ്രീ​ത്​ ബും​റ​യും മ​റ്റു ചി​ല തീ​രു​മാ​ന​ങ്ങ​ളോ​ടെ​യാ​യി​രു​ന്നു ക്രീ​സി​ൽ ഉ​റ​ച്ച​ത്.

ക്ഷ​മ​കെ​ട്ട ഇം​ഗ്ലീ​ഷു​കാ​രു​ടെ സ്​​ല​ഡ്​​ജി​ങ്ങി​ൽ വീ​ഴാ​തെ​യും പേ​സാ​ക്ര​മ​ണ​ത്തെ ഭ​യ​ക്കാ​തെ​യും റ​ണ്ണൊ​ഴു​ക്കി​യ ഇ​രു​വ​രും ചേ​ർ​ന്ന്​ 39 വ​ർ​ഷം പ​ഴ​ക്ക​മു​ള്ള ഒ​രു റെ​ക്കോ​ഡ്​ തി​രു​ത്തു​ക​യും ചെ​യ്​​തു. അ​ഭേ​ദ്യ​മാ​യ ഒ​മ്പ​താം വി​ക്ക​റ്റി​ൽ ഇ​രു​വ​രും ചേ​ർ​ന്നെ​ടു​ത്ത 89 റ​ൺ​സ്​ ഇം​ഗ്ല​ണ്ടി​ൽ ഇ​ന്ത്യ​യു​ടെ ഏ​റ്റ​വും ഉ​യ​ർ​ന്ന ഒ​മ്പ​താം വി​ക്ക​റ്റ്​ സ്​​കോ​റാ​ണ്. 1982 ൽ ​ക​പി​ൽ ദേ​വും മ​ദ​ൻ​ലാ​ലും ചേ​ർ​ന്നെ​ടു​ത്ത 66 റ​ൺ​സ്​ കൂ​ട്ടു​കെ​ട്ടി​െൻറ റെ​ക്കോ​ഡാ​ണ്​ ഇ​വ​ർ മ​റി​ക​ട​ന്ന​ത്.

ഷ​മി ക​രി​യ​റി​ലെ ര​ണ്ടാം അ​ർ​ധ സെ​ഞ്ച്വ​റി കു​റി​ച്ച​പ്പോ​ൾ ബും​റ 34 റ​ൺ​സു​മാ​യി ക​ട്ട​ക്ക്​ നി​ന്നു. മൊ​യീ​ൻ അ​ലി​യെ ഷ​മി അ​ടി​ച്ച സി​ക്​​സ​ർ വ​ലി​യ മൈ​താ​ന​മാ​യ ലോ​ഡ്​​സി​െൻറ ഗാ​ല​റി​യി​ൽ 92 മീ​റ്റ​ർ ക​ട​ന്നാ​ണ്​ പ​തി​ച്ച​ത്.

ലോ​ഡ്​​സി​ൽ മൂ​ന്നാം ജ​യം

ഇം​ഗ്ല​ണ്ടി​നെ​തി​രെ ലോ​ഡ്​​സി​ൽ ഇ​ന്ത്യ 19 ടെ​സ്​​റ്റു​​ക​ൾ ക​ളി​ച്ച​പ്പോ​ൾ 12 ലും ​ജ​യം ഇം​ഗ്ല​ണ്ടി​നൊ​പ്പ​മാ​യി​രു​ന്നു. നാ​ല്​ ടെ​സ്​​റ്റു​ക​ൾ സ​മ​നി​ല​യി​ലു​മാ​യി. മൂ​ന്നു ടെ​സ്​​റ്റി​ലാ​ണ്​ ഇ​ന്ത്യ​യെ ലോ​ഡ്​​സ്​ വി​ജ​യം​കൊ​ണ്ട്​ അ​നു​ഗ്ര​ഹി​ച്ച​ത്. 1986ൽ ​ക​പി​ൽ ദേ​വി​െൻറ നേ​തൃ​ത്വ​ത്തി​ലാ​ണ്​ ഇ​ന്ത്യ ആ​ദ്യ​മാ​യി ഇം​ഗ്ല​ണ്ടി​നെ ലോ​ഡ്​​സി​ൽ തോ​ൽ​പ്പി​ച്ച​ത്. 2-0ന്​ ​ഇ​ന്ത്യ ആ​ദ്യ​മാ​യി ഇം​ഗ്ല​ണ്ടി​ൽ പ​ര​മ്പ​ര​യും നേ​ടി. നീ​ണ്ട 28 വ​ർ​ഷ​ത്തി​നു ശേ​ഷം 2014ൽ ​വി​രാ​ട്​ കോ​ഹ്​​ലി​യു​ടെ നേ​തൃ​ത്വ​ത്തി​ലാ​ണ്​ പി​ന്നീ​ട്​ ലോ​ഡ്​​സി​ൽ ഇ​ന്ത്യ​ക്ക്​ ജ​യി​ക്കാ​നാ​യ​ത്. പ​ക്ഷേ, 3-1ന്​ ​പ​ര​മ്പ​ര ന​ഷ്​​ട​മാ​യി. ഇ​പ്പോ​ൾ വീ​ണ്ടും കോ​ഹ്​​ലി​യു​ടെ നാ​യ​ക​ത്വ​ത്തി​ൽ ലോ​ഡ്​​സി​ൽ ഇ​ന്ത്യ ജ​യം പി​ടി​ച്ച​ട​ക്കി​യി​രി​ക്കു​ന്നു.

അ​ഞ്ച്​ ടെ​സ്​​റ്റു​ക​ളു​ടെ പ​ര​മ്പ​ര​യി​ലെ ഈ ​ജ​യം പ​ര​മ്പ​ര നേ​ടു​ന്ന​തി​ലേ​ക്ക്​ ന​യി​ച്ചാ​ലും അ​തി​ശ​യി​ക്കാ​നി​ല്ല. കാ​ര​ണം, ആ​ദ്യ ടെ​സ്​​റ്റി​െൻറ അ​ഞ്ചാം ദി​നം ഒ​റ്റ പ​ന്തു​പോ​ലും എ​റി​യാ​നാ​വാ​​തെ മ​ഴ​യി​ൽ ഒ​ലി​ച്ചു​പോ​യ​പ്പോ​ൾ ഇ​ന്ത്യ​ൻ വ​രു​തി​യി​ലാ​യി​രു​ന്ന ജ​യം കൂ​ടി​യാ​ണ്​ മ​ഴ അ​പ​ഹ​രി​ച്ച​ത്. ഒ​മ്പ​ത്​ വി​ക്ക​റ്റ്​ കൈ​യി​ലി​രി​ക്കെ ഇ​ന്ത്യ ജ​യ​ത്തി​ൽ നി​ന്ന്​ 156 റ​ൺ​സ്​ മാ​ത്രം അ​ക​ലെ​യാ​യി​രു​ന്നു.

നി​ർ​ണാ​യ​കം ഡി​ക്ല​യ​ർ

ഷ​മി​യും ബും​റ​യും ഫോ​മി​ലും ലീ​ഡ്​ 272ലും ​നി​ൽ​ക്കെ വേ​ണ​മെ​ങ്കി​ൽ ലീ​ഡ്​ 300 ക​ട​ന്ന്​ സു​ര​ക്ഷി​ത​മാ​കു​ന്ന​തു​വ​രെ ബാ​റ്റി​ങ്​ തു​ട​രാ​മാ​യി​രു​ന്നി​ട്ടും ഇ​ന്നി​ങ്​​സ്​ ഡി​ക്ല​യ​ർ ചെ​യ്ത്​ ഇം​ഗ്ല​ണ്ടി​നെ ബാ​റ്റി​ങ്ങി​നി​റ​ക്കാ​ൻ കോ​ഹ്​​ലി കാ​ണി​ച്ച ധൈ​ര്യ​മാ​ണ്​ ശ​രി​ക്കും ക​ളി ത്രി​ല്ല​റാ​ക്കി​യ​ത്.

സ്​​കോ​ർ ബോ​ർ​ഡി​ൽ ഒ​രൊ​റ്റ റ​ൺ മാ​ത്രം ക​യ​റി​യ​പ്പോ​ഴേ​ക്കും ഓ​പ്പ​ണ​ർ​മാ​രാ​യ റോ​റി ​േബ​ൺ​സി​നെ​യും ഡോം ​സി​ബ്​​ലെ​യും പു​റ​ത്താ​ക്കി കോ​ഹ്​​ലി​യു​ടെ വി​ശ്വാ​സം കാ​ക്കാ​ൻ ബും​റ​ക്കും ഷ​മി​ക്കു​മാ​യി.

ഇ​രു​വ​രും മാ​റി​യ​പ്പോ​ൾ ആ​ക്ര​മ​ണ ചു​മ​ത​ല ഇ​ശാ​ന്തും സി​റാ​ജും ഏ​റ്റെ​ടു​ത്തു. ഇ​ശാ​ന്തി‍െൻറ പ​ന്തി​ൽ വി​ക്ക​റ്റി​നു മു​ന്നി​ൽ ജോ​ണി ബെ​യ​ർ​സ്​​റ്റോ​ കു​ടു​ങ്ങി​യോ എ​ന്നും സ​ന്ദേ​ഹി​ച്ചാ​ണ്​ അ​വ​സാ​ന നി​മി​ഷം കോ​ഹ്​​ലി റി​വ്യൂ​വി​നു​ വി​ട്ട​ത്. പ​ക്ഷേ, തീ​രു​മാ​നം ശ​രി​യാ​യി​രു​ന്നു. ആ​റാം വി​ക്ക​റ്റി​ൽ ജോ​സ്​ ബ​ട്​​ല​റും മൊ​യീ​ൻ അ​ലി​യും കൂ​ടി പി​ടി​ച്ചു​നി​ന്ന്​ ടെ​സ്​​റ്റ്​ സ​മ​നി​ല​യി​ലാ​ക്കു​മെ​ന്ന്​ തോ​ന്നി​പ്പി​ച്ച ഘ​ട്ട​ത്തി​ൽ സി​റാ​ജ്​ വെ​ള്ളി​ടി​യാ​യി. മൊ​യീ​നെ​യും സാം ​ക​റ​നെ​യും അ​ടു​ത്ത​ടു​ത്ത പ​ന്തി​ൽ പു​റ​ത്താ​ക്കി ഹാ​ട്രി​ക്​ വ​ക്കി​ലു​മെ​ത്തി.

പി​ന്നെ ഇ​ന്ത്യ കാ​ത്തി​രു​ന്ന ജ​യ​ത്തി​നു​ വെ​റും ച​ട​ങ്ങ്​ മാ​ത്ര​മേ ബാ​ക്കി​യു​ണ്ടാ​യി​രു​ന്നു​ള്ളൂ. ബ​ട്​​ല​റെ പ​ന്തി​നെ ഏ​ൽ​പി​ച്ച സി​റാ​ജ്​ ആ​ൻ​ഡേ​ഴ്​​സ​െൻറ കു​റ്റി തെ​റി​പ്പി​ക്കു​മ്പോ​ൾ ഇ​ന്ത്യ ലോ​ഡ്​​സി​ൽ ച​രി​ത്ര​മെ​ഴു​തു​ക​യാ​യി​രു​ന്നു. സി​റാ​ജ്​ നാ​ല്​ വി​ക്ക​റ്റാ​ണ്​ വീ​ഴ്​​ത്തി​യ​ത്. ബും​റ മൂ​ന്നും ഇ​ശാ​ന്ത്​ ര​ണ്ടും ഷ​മി ഒ​ന്നും വി​ക്ക​റ്റ്​ എ​റി​ഞ്ഞി​ട്ടു.