'ജർമനി ജൂതരെ കൂട്ട​ക്കൊലചെയ്യു​േമ്പാൾ പുറത്തുനിന്നുള്ളവർ ഇടപെടേണ്ട എന്നുപറഞ്ഞാൽ എങ്ങനെയിരിക്കും'-കേന്ദ്ര സർക്കാറിനെതിരെ സന്ദീപ്​ ശർമ

ചണ്ഡീഗഢ്​: കാർഷിക നിയമങ്ങൾക്കെതിരെ രാജ്യതലസ്ഥാനത്ത്​ തുടരുന്ന കർഷക പ്രതിഷേധങ്ങളെ അനുകൂലിച്ചും പ്രതികൂലിച്ചും ക്രിക്കറ്റ്​ താരങ്ങൾ രംഗത്തെത്തിയിരിക്കവേ നിലപാട്​ വ്യക്തമാക്കി സൺറൈസേഴ്​സ്​ ഹൈദരാബാദ്​താരം സന്ദീപ്​ ശർമ. പോപ്​ ഗായിക രിഹാനയും പരിസ്ഥിതി പ്രക്ഷോഭങ്ങളിലൂടെ ലോകമെമ്പാടും ശ്രദ്ധിക്കപ്പെട്ട ഗ്രെറ്റ തുൻബെർഗും കർഷകസമരത്തിന്​ നൽകിയ പിന്തുണ നൽകിയതോ​െട 'ഇന്ത്യ എഗെയ്​ന്​സ്റ്റ്​ പ്രൊപ്പഗണ്ട' തലക്കെട്ടിൽ കേന്ദ്ര സർക്കാർ കാമ്പയിൻ ഒരുക്കിയിരുന്നു. ക്രിക്കറ്റ്​ ഇതിഹാസം സചിൻ ടെണ്ടുൽക്കർ അടക്കമുള്ളവർ കാമ്പയിനിൽ അണി​േചർന്ന്​ ഇന്ത്യയുടെ കാര്യത്തിൽ പുറത്തുനിന്നുള്ളവർ ഇടപെടേണ്ട എന്നുപറഞ്ഞിരുന്നു.

എന്നാൽ കാമ്പയിനിനെ രൂക്ഷമായ ഭാഷയിൽ ചോദ്യം ചെയ്യുന്ന കുറിപ്പ്​ സന്ദീപ്​ ശർമ ട്വീറ്റ്​ ചെയ്​തു. ഇതേ ലോജിക്​ പ്രകാരം ജർമനി ജൂതരെ കൂട്ടക്കൊല ​ചെയ്യു​േമ്പാ​ൾ പുറത്തുനിന്നുള്ളവർക്ക്​ ഇടപെടാൻ കഴിയുമോ?. പാകിസ്​താനിൽ സിഖ്​, അഹ്​മദി, ഹിന്ദു, ക്രിസ്​ത്യൻ വിഭാഗങ്ങളെ പീഡിപ്പിക്കു​േമ്പാൾ പുറത്തുനിന്നുള്ളവർക്ക്​ ഇടപെടാൻ സാധിക്കുമോ?. ചൈന ഉയ്​ഗൂർ മുസ്​ലിംകൾക്കെതിരെ നടത്തുന്ന ക്രൂരതകൾക്കെതിരെ ഇടപെടാൻ സാധിക്കുമോ?.. തുടങ്ങിയ നിരവധി ഉദാഹരണങ്ങളടങ്ങിയ കുറിപ്പാണ്​ സന്ദീപ്​ ശർമ പങ്കുവെച്ചത്​.

ഇന്ത്യക്കായി രണ്ട്​ ട്വന്‍റി 20കളിൽ കളത്തിലിറങ്ങിയ സന്ദീപ്​ ശർമ ഐ.പി.എല്ലിലെ മികച്ച ഇന്ത്യൻ ബൗളർമാരിൽ ഒരാളാണ്​. 92 മത്സരങ്ങളിൽ ഐ.പി.എല്ലിൽ കളിച്ച താരം നിലവിൽ സൺറൈസേഴ്​സ്​ ഹൈദരാബാദ്​ താരമാണ്​.