ദ​ക്ഷി​ണാ​ഫ്രി​ക്ക​ൻ മ​ണ്ണി​ൽ ച​രി​ത്ര പ​ര​മ്പ​ര തേ​ടി ഇ​ന്ത്യ; രണ്ടാം ടെസ്റ്റിന്​ ഇന്ന്​ തുടക്കം

ജൊ​ഹാ​ന​സ്​​ബ​ർ​ഗ്​: ഇ​ന്ത്യ​ൻ ക്രി​ക്ക​റ്റ്​ ടീ​മി​നും ച​രി​ത്ര​നേ​ട്ട​ത്തി​നു​മി​ട​യി​ൽ ഒ​രു മ​ത്സ​ര​ത്തി​ന്‍റെ ദൂ​രം മാ​ത്രം. ദ​ക്ഷി​ണാ​ഫ്രി​ക്ക​ൻ മ​ണ്ണി​ൽ ഇ​തു​വ​രെ പ​ര​മ്പ​ര ജ​യി​ച്ചി​​ട്ടി​ല്ലെ​ന്ന ച​രി​ത്രം തി​രു​ത്താ​ൻ വി​രാ​ട്​ കോ​ഹ്​​ലി​യും കൂ​ട്ട​രും ഇ​ന്ന്​ ര​ണ്ടാ​മ​ങ്ക​ത്തി​ൽ ക​ച്ച​കെ​ട്ടി​യി​റ​ങ്ങു​ന്നു. മൂ​ന്നു മ​ത്സ​ര പ​ര​മ്പ​ര​യി​ലെ ആ​ദ്യ ക​ളി​യി​ൽ ആ​ധി​കാ​രി​ക ജ​യം സ്വ​ന്ത​മാ​ക്കി​യ ഇ​ന്ത്യ​ക്ക്​ ര​ണ്ടാം മ​ത്സ​രം കൂ​ടി ജ​യി​ച്ചാ​ൽ പ​ര​മ്പ​ര സ്വ​ന്ത​മാ​ക്കാം.

സെ​ഞ്ചൂ​റി​യ​നി​ലെ സൂ​പ്പ​ർ സ്​​പോ​ർ​ട്ട്​ പാ​ർ​ക്കി​ൽ ക​ന്നി ജ​യം സ്വ​ന്ത​മാ​ക്കി​യ ഇ​ന്ത്യ​ക്ക്​ മു​മ്പും ത​ങ്ങ​ൾ​ക്ക്​ ജ​യം ന​ൽ​കി​യി​ട്ടു​ള്ള ജെ​ഹാ​ന​സ്​​ബ​ർ​ഗി​ലെ വാ​ണ്ട​റേ​ഴ്​​സി​ൽ ജ​യം ആ​വ​ർ​ത്തി​ക്കു​ക​യാ​യി​രി​ക്കും ല​ക്ഷ്യം. എ​ല്ലാം കൊ​ണ്ടും മു​ൻ​തൂ​ക്കം ഇ​ന്ത്യ​ക്കാ​ണ്. ബാ​റ്റി​ങ്ങി​ലും ബൗ​ളി​ങ്ങി​ലു​മെ​ല്ലാം എ​തി​രാ​ളി​ക​ളെ​ക്കാ​ൾ ഒ​രു​പ​ടി മു​ന്നി​ൽ.

കാ​ഗി​സോ റ​ബാ​ദ​യും ലു​ൻ​ഗി എ​ൻ​ഗി​ഡി​യു​മ​ട​ങ്ങു​ന്ന പേ​സ്​ ബൗ​ളി​ങ്​ നി​ര ഇ​ന്ത്യ​ൻ ബാ​റ്റ​ർ​മാ​ർ​ക്ക്​ ഭീ​ഷ​ണി​യു​യ​ർ​ത്താ​ൻ പോ​ന്ന​താ​ണെ​ങ്കി​ലും ബാ​റ്റി​ങ്​ താ​ര​തേ​മ്യേ​ന ദു​ർ​ബ​ല​മാ​ണെ​ന്ന​താ​ണ്​ ആ​തി​ഥേ​യ​രെ കു​ഴ​ക്കു​ന്ന​ത്. അ​തി​നൊ​പ്പം ക്വി​ന്‍റ​ൺ ഡി​കോ​ക്കി​ന്‍റെ അ​പ്ര​തീ​ക്ഷി​ത വി​ട​വാ​ങ്ങ​ലും ടീ​മി​ന്​ തി​രി​ച്ച​ടി​യാ​ണ്. 25കാ​ര​നാ​യ റ​യാ​ൻ റി​ക്കി​ൾ​ട്ട​ൺ ആ​യി​രി​ക്കും ഡി​കോ​ക്കി​ന്​ പ​ക​ര​മി​റ​ങ്ങു​ക. വി​യാ​ൻ മ​ൾ​ഡ​റി​ന്​ പ​ക​രം ​മൂ​ന്നാം പേ​സ​റാ​യി ഡ്യൂ​വാ​ൻ ഒ​ലി​വ​റും എ​ത്തും.

ഇ​ന്ത്യ​ൻ ടീ​മി​ൽ മാ​റ്റ​ങ്ങ​ൾ​ക്ക്​ സാ​ധ്യ​ത​യി​ല്ല. ഓ​പ​ണി​ങ്ങി​ൽ ഫോ​മി​ലു​ള്ള ലോ​കേ​ഷ്​ രാ​ഹു​ലും മാ​യ​ങ്ക്​ അ​ഗ​ർ​വാ​ളും ന​ൽ​കു​ന്ന തു​ട​ക്ക​മാ​വും ടീ​മി​ന്​ നി​ർ​ണാ​യ​ക​മാ​വു​ക. മ​ധ്യ​നി​ര​യി​ൽ ചേ​തേ​ശ്വ​ർ പു​ജാ​ര​യും ക്യാ​പ്​​റ്റ​ൻ കോ​ഹ്​​ലി​യും അ​ജി​ൻ​ക്യ ര​ഹാ​നെ​യും മി​ക​ച്ച സ്​​കോ​റു​ക​ളി​ലേ​ക്ക്​ ബാ​റ്റേ​ന്തി​യി​ട്ടി​ല്ലെ​ങ്കി​ലും ശ​രാ​ശ​രി പ്ര​ക​ട​നം പു​റ​ത്തെ​ടു​ക്കു​ന്നു​ണ്ടെ​ന്ന​താ​ണ്​ ആ​ശ്വാ​സം. ഈ ​മൂ​വ​ർ സം​ഘ​വും ആ​റാ​മ​നാ​യെ​ത്തു​ന്ന ഋ​ഷ​ഭ്​ പ​ന്തും തി​ള​ങ്ങി​യാ​ൽ ഇ​ന്ത്യ കു​തി​ക്കും.

ബൗ​ളി​ങ്ങി​ൽ ഇ​ന്ത്യ​ക്ക്​ വേ​വ​ലാ​തി​യേ ഇ​ല്ല. ജ​സ്​​പ്രീ​ത്​ ബും​റ-​മു​ഹ​മ്മ​ദ്​ ഷ​മി-​മു​ഹ​മ്മ​ദ്​ സി​റാ​ജ്​ പേ​സ്​ ത്ര​യം മി​ക​ച്ച​ ​ഫോ​മി​ലാ​ണ്. സ്പി​ൻ പി​ന്തു​ണ​യു​മാ​യി ര​വി​ച​ന്ദ്ര​ൻ അ​ശ്വി​നു​മു​ണ്ട്.