സൂ​പ്പ​ർ ഓ​വ​റി​ൽ​നി​ന്ന് സൂ​പ്പ​ർ ഓ​വ​റി​ലേ​ക്ക് അ​ത് വ​ല്ലാ​ത്തൊ​രു എ​ക്സ്പീ​രി​യ​ൻ​സാ​ണ്!

ബം​ഗ​ളൂ​രു: അ​ന്താ​രാ​ഷ്ട്ര ക്രി​ക്ക​റ്റി​ന് ഒ​ട്ടും പ​രി​ചി​ത​മ​ല്ലാ​ത്ത സം​ഭ​വ​വി​കാ​സ​ങ്ങ​ളാ​ണ് ബു​ധ​നാ​ഴ്ച രാ​ത്രി ബം​ഗ​ളൂ​രു ചി​ന്ന​സ്വാ​മി സ്റ്റേ​ഡി​യ​ത്തി​ൽ സം​ഭ​വി​ച്ച​ത്. ഇ​ന്ത്യ-​അ​ഫ്ഗാ​നി​സ്താ​ൻ മൂ​ന്നാം ട്വ​ന്റി20 ക്രി​ക്ക​റ്റ് മ​ത്സ​രം ആ​വേ​ശ​ക​ര​മാ​യ സ​മ​നി​ല​യി​ൽ ക​ലാ​ശി​ച്ചു. പി​ന്നാ​ലെ, സൂ​പ്പ​ർ ഓ​വ​ർ. അ​വി​ടം​കൊ​ണ്ടും തീ​ർ​ന്നി​ല്ല കാ​ര്യ​ങ്ങ​ൾ. സൂ​പ്പ​ർ ഓ​വ​റും ടൈ. ​അ​ന്താ​രാ​ഷ്ട്ര മ​ത്സ​ര​ത്തി​ൽ ഇ​താ​ദ്യ​മാ​യി ക​ളി ര​ണ്ടാം സൂ​പ്പ​ർ ഓ​വ​റി​ലേ​ക്ക്. ആ​കാം​ക്ഷ​യു​ടെ മി​നി​റ്റു​ക​ൾ വീ​ണ്ടും. ഒ​ടു​വി​ൽ, ക​ളി ജ​യി​ച്ച് രോ​ഹി​ത് ശ​ർ​മ​യും സം​ഘ​വും പ​ര​മ്പ​ര 3-0ത്തി​ന് തൂ​ത്തു​വാ​രി.

ഇ​ന്ത്യ-​അ​ഫ്ഗാ​ൻ മ​ത്സ​ര​ത്തി​ൽ സം​ഭ​വി​ച്ച​ത്

ഒ​ന്നാം സൂ​പ്പ​ർ ഓ​വ​ർ

നി​ശ്ചി​ത 20 ഓ​വ​റി​ൽ ഇ​ന്ത്യ​യും അ​ഫ്ഗാ​നി​സ്താ​നും സ്കോ​ർ ചെ​യ്ത​ത് 212 റ​ൺ​സ് വീ​തം. സൂ​പ്പ​ർ ഓ​വ​റി​ൽ അ​ഫ്ഗാ​ന് ആ​ദ്യം ബാ​റ്റി​ങ്. മു​കേ​ഷ് കു​മാ​റാ​യി​രു​ന്നു ബൗ​ള​ർ.

ഗു​ൽ​ബു​ദ്ദീ​ൻ നാ​യി​ബ് ആ​ദ്യ പ​ന്തി​ൽ ഡ​ബി​ളി​ന് ശ്ര​മി​ക്ക​വെ റ​ണ്ണൗ​ട്ട്. മു​ഹ​മ്മ​ദ് ന​ബി‍യും റ​ഹ്മാ​നു​ല്ല ഗു​ർ​ബാ​സും ചേ​ർ​ന്ന് അ​ഫ്ഗാ​നെ ഒ​രു വി​ക്ക​റ്റി​ന് 16 റ​ൺ​സി​ലെ​ത്തി​ച്ചു. മ​റു​പ​ടി ബാ​റ്റി​ങ്ങി​ൽ സ്മ​ത്തു​ല്ല ഉ​മ​ർ​സാ​യി​യു​ടെ ആ​ദ്യ ര​ണ്ട് പ​ന്തു​ക​ളി​ൽ രോ​ഹി​തും യ​ശ​സ്വി ജ​യ്സ്വാ​ളും സിം​ഗി​ളെ​ടു​ത്തു. പി​ന്നാ​ലെ തു​ട​ർ​ച്ച​യാ​യി ര​ണ്ട് സി​ക്സ​റ​ടി​ച്ചു രോ​ഹി​ത്.

അ​ടു​ത്ത പ​ന്തി​ൽ സിം​ഗി​ൾ. അ​വ​സാ​ന പ​ന്തി​ൽ ജ​യി​ക്കാ​ൻ ര​ണ്ട് റ​ൺ​സ്. രോ​ഹി​ത് റി​ട്ട​യേ​ഡ് ഹ​ർ​ട്ടാ​യി ക​യ​റി റി​ങ്കു സി​ങ്ങി​നെ അ​യ​ച്ചു. ആ​റാം പ​ന്തി​ൽ ജ​യ്‍സ്വാ​ൾ ഒ​രു റ​ൺ മാ​ത്ര​മെ​ടു​ത്ത​തോ​ടെ ഇ​ന്ത്യ 16. വീ​ണ്ടും ടൈ.

​ര​ണ്ടാം സൂ​പ്പ​ർ ഓ​വ​ർ

ആ​ദ്യ സൂ​പ്പ​ർ ഓ​വ​റി​ൽ പു​റ​ത്താ​വാ​തെ​നി​ന്ന റി​ങ്കു​വി​നൊ​പ്പം രോ​ഹി​ത് ഇ​റ​ങ്ങി. രോ​ഹി​ത് വീ​ണ്ടും വ​ന്ന​ത് അ​ഫ്ഗാ​ൻ താ​ര​ങ്ങ​ളി​ൽ ആ​ശ​യ​ക്കു​ഴ​പ്പ​മു​ണ്ടാ​ക്കി. ഇ​ന്ത്യ​ൻ നാ​യ​ക​ൻ പു​റ​ത്താ​യി​ട്ടി​ല്ലെ​ന്നും റി​ട്ട​യേ​ഡ് ഹ​ർ​ട്ടാ​യ​തി​നാ​ൽ ബാ​റ്റി​ങ് തു​ട​രാ​മെ​ന്നാ​ണ് നി​യ​മ​മെ​ന്നും അം​പ​യ​ർ​മാ​ർ വി​ശ​ദീ​ക​രി​ച്ചു. ഫ​രീ​ദ് അ​ഹ്മ​ദി​നെ സി​ക്സും ഫോ​റു​മ​ടി​ച്ച രോ​ഹി​ത് മൂ​ന്നാം പ​ന്തി​ൽ സ്ട്രൈ​ക് കൈ​മാ​റി. നാ​ലാം പ​ന്തി​ൽ റി​ങ്കു (0) വി​ക്ക​റ്റ് കീ​പ്പ​ർ​ക്ക് ക്യാ​ച്ച് ന​ൽ​കി. പ​ക​ര​മെ​ത്തി​യ സ​ഞ്ജു ആ​ദ്യ പ​ന്തി​ൽ സിം​ഗി​ളി​ന് ശ്ര​മി​ക്ക​വെ രോ​ഹി​ത് റ​ണ്ണൗ​ട്ടാ​യി. ര​ണ്ട് വി​ക്ക​റ്റ് വീ​ണ​തോ​ടെ അ​ഫ്ഗാ​ന് ല​ക്ഷ്യം 12 റ​ൺ​സ്. ര​വി ബി​ഷ്ണോ​യി​യാ​യി​രു​ന്നു ബൗ​ള​ർ. ആ​ദ്യ പ​ന്തി​ൽ മു​ഹ​മ്മ​ദ് ന​ബി​യെ റി​ങ്കു പി​ടി​ച്ചു. ര​ണ്ടാം പ​ന്തി​ൽ ക​രീം ജ​ന​ത്തി​ന്റെ സിം​ഗി​ൾ. മൂ​ന്നാം പ​ന്തി​ൽ റ​ഹ്മാ​നു​ല്ല ഗു​ർ​ബാ​സി​നെ​യും ക്യാ​ച്ചെ​ടു​ത്ത​തോ​ടെ നാ​ട​കീ​യ​ത​ക​ൾ​ക്ക് പ​ര്യ​വ​സാ​നം. ഇ​ന്ത്യ​ക്ക് ജ​യം.

എ​ന്താ​ണ് സൂ​പ്പ​ർ ഓ​വ​ർ

പ​രി​മി​ത ഓ​വ​ർ ക്രി​ക്ക​റ്റ് മ​ത്സ​ര​ങ്ങ​ളി​ൽ (ഏ​ക​ദി​നം, ട്വ​ന്റി20) ടൈ​ബ്രേ​ക്ക​റി​നാ​യാ​ണ് സൂ​പ്പ​ർ ഓ​വ​ർ ഉ​പ​യോ​ഗി​ക്കു​ന്ന​ത്. 2008 മു​ത​ൽ ട്വ​ന്റി20​യി​ൽ സൂ​പ്പ​ർ ഓ​വ​റു​ണ്ട്. 2019ലെ ​ലോ​ക​ക​പ്പ് ഫൈ​ന​ലി​ലാ​ണ് ഏ​ക​ദി​ന​ത്തി​ൽ ആ​ദ്യ​മാ​യി സൂ​പ്പ​ർ ഓ​വ​ർ ന​ട​പ്പാ​ക്കി​യ​ത്. ഇം​ഗ്ല​ണ്ടും ന്യൂ​സി​ല​ൻ​ഡും 15 വീ​തം റ​ൺ​സെ​ടു​ത്ത​തോ​ടെ സൂ​പ്പ​ർ ഓ​വ​റും സ​മ​നി​ല​യി​ൽ. തു​ട​ർ​ന്ന്, മ​ത്സ​ര​ത്തി​ലെ ആ​കെ ബൗ​ണ്ട​റി​ക​ളു​ടെ എ​ണ്ണം നോ​ക്കി​യാ​ണ് ഇം​ഗ്ല​ണ്ടി​നെ ലോ​ക ജേ​താ​ക്ക​ളാ​യി പ്ര​ഖ്യാ​പി​ച്ച​ത്. ഈ ​രീ​തി വ്യാ​പ​ക വി​മ​ർ​ശ​ന​ത്തി​നി​ട​യാ​ക്കി​യ​തോ​ടെ, ഫ​ല​മു​ണ്ടാ​വു​ന്ന​തു​വ​രെ സൂ​പ്പ​ർ ഓ​വ​ർ എ​ന്ന നി​യ​മം കൊ​ണ്ടു​വ​രി​ക​യാ​യി​രു​ന്നു ഐ.​സി.​സി. തീ​രെ ക​ളി തു​ട​രാ​ൻ ക​ഴി​യാ​ത്ത സാ​ഹ​ച​ര്യ​മു​ണ്ടാ​യാ​ൽ മാ​ത്രം ടൈ ​ആ​യി പ്ര​ഖ്യാ​പി​ക്കും.

നി​യ​മ​ങ്ങ​ൾ

മ​ത്സ​രം ഒ​രേ സ്കോ​റി​ൽ സ​മാ​പി​ച്ചാ​ൽ മൂ​ന്ന് വീ​തം ബാ​റ്റ​ർ​മാ​ർ​ക്കും ഒ​രു ബൗ​ള​ർ​ക്കു​മാ​ണ് സൂ​പ്പ​ർ ഓ​വ​ർ ക​ളി​ക്കാ​ൻ അ​വ​സ​രം. സാ​ധാ​ര​ണ മ​ത്സ​ര​ത്തി​ലെ​ന്ന​പോ​ലെ ഏ​റ്റ​വു​മ​ധി​കം റ​ൺ​സ് സ്കോ​ർ ചെ​യ്യു​ന്ന ടീം ​വി​ജ​യി​ക്കും.

സാ​ധാ​ര​ണ മ​ത്സ​ര​ത്തി​ൽ ര​ണ്ടാ​മ​ത് ബാ​റ്റ് ചെ​യ്ത ടീ​മാ​ണ് സൂ​പ്പ​ർ ഓ​വ​റി​ൽ ആ​ദ്യം ഇ​റ​ങ്ങേ​ണ്ട​ത്. ഏ​ത് എ​ൻ​ഡി​ൽ​നി​ന്ന് ബൗ​ൾ ചെ​യ്യ​ണ​മെ​ന്ന് ഫീ​ൽ​ഡി​ങ് ടീ​മി​ന് തീ​രു​മാ​നി​ക്കാം.

ആ​റ് പ​ന്തി​നി​ടെ ര​ണ്ട് വി​ക്ക​റ്റ് വീ​ഴു​ന്ന​തോ​ടെ ബാ​റ്റ് ചെ​യ്യു​ന്ന ടീം ​ഓ​ൾ ഔ​ട്ടാ​വും.

ഒ​ന്നാം സൂ​പ്പ​ർ ഓ​വ​റി​ൽ ര​ണ്ടാ​മ​ത് ബാ​റ്റ് ചെ​യ്ത ടീ​മാ​ണ് അ​ടു​ത്ത സൂ​പ്പ​ർ ഓ​വ​റി​ൽ ആ​ദ്യം ഇ​റ​ങ്ങു​ക. ഒ​രേ ബൗ​ള​ർ​ക്ക് തു​ട​രാ​നാ​വി​ല്ല. ഒ​ന്നാം സൂ​പ്പ​ർ ഓ​വ​റി​ൽ ഔ​ട്ടാ​യ​വ​ർ​ക്ക് ര​ണ്ടാ​മ​ത്തെ​തി​ൽ ബാ​റ്റ് ചെ​യ്യാ​നും ക​ഴി​യി​ല്ല.