Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightസിറാജിന്​...

സിറാജിന്​ അഞ്ചുവിക്കറ്റ്​: ഇന്ത്യക്ക്​ ചരിത്രമെഴുതാൻ വേണ്ടത്​ 324 റൺസ്​, എല്ലാ കണ്ണുകളും അഞ്ചാംദിനത്തിലേക്ക്​

text_fields
bookmark_border
siraj
cancel

ബ്രിസ്​ബേൻ: 1988ന്​ ശേഷം ആസ്​ട്രേലിയ തോൽവിയറിയാത്ത ഗബ്ബ സ്​റ്റേഡിയത്തിൽ ഇന്ത്യ പുതുചരിത്രമെഴുതുമോ?. ഒരു ദിവസവും ഏതാനും ഓവറുകളും ബാക്കി നിൽക്കേ ഇന്ത്യക്ക്​ ചരിത്ര ജയത്തിനായി വേണ്ടത്​ 324 റൺസ്​. വിക്കറ്റൊന്നും നഷ്​ടമാകാതെ 21 റൺസുമായി ബാറ്റിങ്​ ആരംഭിച്ച ഓസീസിനെ നാലാംദിനം ഇന്ത്യ 294 റൺസിന്​ എറിഞ്ഞിടുകയായിരുന്നു. കരിയറിലെ തന്‍റെ ആദ്യഅഞ്ചുവിക്കറ്റുമായി നിറഞ്ഞാടിയ മുഹമ്മദ്​ സിറാജും നാലുവിക്കറ്റെടുത്ത ഷർദുൽ താക്കൂറുമാണ്​ ഓസീസിനെ വരിഞ്ഞുമുറുക്കിയത്​. മറുപടി ബാറ്റിങ്ങിനിറങ്ങിയ ഇന്ത്യ മഴമൂലം നേരത്തേ കളിനിർത്തു​േമ്പാൾ വിക്കറ്റൊന്നും നഷ്​ടപ്പെടാതെ നാലുറൺസെടുത്തിട്ടുണ്ട്​. ഇതോടെ എല്ലാ കണ്ണുകളും അഞ്ചാംദിനത്തിലേക്കായി.

ഒന്നാമിന്നിങ്​സിലെ 33 റൺസ​്​ ലീഡും ചേർന്ന്​ ഇന്ത്യക്ക്​ മുമ്പിൽ ഓസീസ്​ വെച്ചത്​ 328 റൺസിന്‍റെ വിജയലക്ഷ്യമാണ്​​. ചരിത്ര ജയവും പരമ്പരയുമായി ഇന്ത്യ മടങ്ങുമോ അതോ ഒാസീസ്​ പേസ്​പടക്ക്​ മുന്നിൽ പതറുമോ?. അതല്ലെങ്കിൽ വീണ്ടും ഒരു സമനിലയുമായി ​ബോർഡർ-ഗാവസ്​കർ ട്രോഫി നിലനിർത്തുമോ?. എങ്ങോട്ടും തിരിയാമെന്ന രീതിയിലാണ്​ മത്സരം ഇപ്പോഴും. ഗബ്ബ സ്​റ്റേഡിയത്തിന്‍റെ മുകളിൽ വട്ടമിട്ടിരിക്കുന്ന മഴമേഘങ്ങൾ ആരെ തുണക്കുമെന്ന ചോദ്യവും ബാക്കിയുണ്ട്​.


വിക്കറ്റ്​ നഷ്​ടപ്പെടാതെ 89 റൺസിലെത്തിയ ആസ്​ട്രേലിയ പൊടുന്നനെ തകരുകയായിരുന്നു. മാർകസ്​ ഹാരിസ് (38), ഡേവിഡ്​ വാർണർ (48), ലാബുഷെയ്​നെ (25), സ്റ്റീവൻ സ്​മിത്ത്​ (55), കാമറോൺ ഗ്രീൻ (37), ടിം പെയ്​നെ (27) എന്നിവർക്കൊന്നും മികച്ച തുടക്കം മുതലെടുക്കാനായില്ല. അവസാന ഓവറുകളിൽ പൊരുതി നിന്ന പാറ്റ്​ കമ്മിൻസാണ്​​ (28) ഓസീസിന്​ കൊള്ളാവുന്ന വിജയലക്ഷ്യം നൽകിയത്​. ലാബുഷെയ്​നെ, സ്റ്റീവ്​ സ്​മിത്ത്​, മാത്യൂ വെയ്​ഡ്​ എന്നീ വൻതോക്കുകളും മിച്ചൽ സ്റ്റാർക്​, ജോഷ്​ ഹേസിൽവുഡ്​ അടക്കമുള്ള വാലറ്റക്കാരുമാണ്​ സിറാജിന്‍റെ ഇരകളായത്​.

Show Full Article
TAGS:india-australia Mohammed Siraj 
Next Story