'മുഖം മറച്ചത്​ അവളുടെ സ്വന്തം ഇഷ്​ടപ്രകാരം, അധിപനല്ല പങ്കാളിയാണ്​ താൻ'; വിമർശകരുടെ വായടപ്പിച്ച്​​ ഇർഫാൻ പത്താൻ​

ന്യൂഡൽഹി: സോഷ്യൽ മീഡിയയിൽ പങ്കുവെച്ച ചിത്രത്തിൽ ഭാര്യ സഫ ബെയ്​ഗി​െൻറ ചിത്രം അവ്യക്തമാക്കിയ സംഭവത്തിൽ മുൻ ഇന്ത്യൻ ക്രിക്കറ്റ്​ താരം ഇർഫാൻ പത്താന്​ നേരെ വിമർശനങ്ങളും വിദ്വേഷ പോസ്​റ്റുകളും പ്രത്യക്ഷപ്പെട്ടിരുന്നു.

മക​െൻറ ഇൻസ്​റ്റഗ്രാം അക്കൗണ്ടിൽ പങ്കുവെച്ച ചിത്രമാണ്​ വിവാദങ്ങൾക്ക്​ തുടക്കമിട്ടത്​. താരം ഭാര്യയുടെ മുഖം കാണിക്കാൻ അനുവദിക്കുന്നില്ലെന്നായിരുന്നു പ്രധാന വിമർശനം. എന്നാൽ ഇപ്പോൾ വിമർശകർക്ക് വായടപ്പിക്കുന്ന​ മറുപടിയുമായി എത്തിയിരിക്കുകയാണ്​ പത്താൻ.

മുഖം മായ്ച്ച് കളഞ്ഞത് അവളുടെ ഇഷ്ടപ്രകാരമാണെന്നും ഞാൻ അവളുടെ അധിപനല്ല മറിച്ച്​ പങ്കാളിയാണെന്നായിരുന്നു പത്താൻ ട്വിറ്ററിൽ കുറിച്ചത്​.

'എ​െൻറ മക​െൻറ അക്കൗണ്ടിൽനിന്ന് ഭാര്യ തന്നെയാണ് ആ ചിത്രം പങ്കുവെച്ചത്​. അതി​െൻറ പേരിൽ വലിയ രീതിയിൽ വിദ്വേഷ പ്രചാരണം നടക്കുന്നുണ്ട്. ആ ചിത്രം ഞാൻ ഇവിടെ പോസ്റ്റ് ചെയ്യുന്നു. ഇതിൽ ത​െൻറ മുഖം അവൾ മായ്ച്ച് കളഞ്ഞത് സ്വന്തം ഇഷ്ടപ്രകാരമാണ്. ഞാൻ അവളുടെ അധിപനല്ല, പങ്കാളിയാണെന്ന് ഓർമിപ്പിക്കുന്നു' –വിവാദ ചിത്രം പങ്കുവെച്ച്​ ഇർഫാൻ ട്വിറ്ററിൽ കുറിച്ചു.

സോഷ്യൽ മീഡിയയിൽ സജീവമായി ഇടപെടുന്ന പത്താൻ കായിക സംബന്ധിയായ വിഷയങ്ങളിൽ മാത്രം ഒതുങ്ങാതെ എല്ലാ വിഷയങ്ങളിലും ത​െൻറ അഭിപ്രായം പങ്കുവെക്കാറുണ്ട്​. കർഷക സമരം, ഫലസ്​തീൻ വിഷയങ്ങളിൽ ഐക്യദാഢ്യം പ്രഖ്യാപിച്ച പത്താന്​ നേരെ നിരന്തരം സംഘ്​പരിവാർ അനുകൂലികൾ സൈബർ ആക്രമണം നടത്താറുണ്ട്​. ഫലസ്​തീൻ വിഷയത്തിൽ ഇർഫാനും ബോളിവുഡ്​ നടി കങ്കണ റണാവത്തുമായി സോഷ്യൽ മീഡിയയിലൂടെ കൊമ്പുകോർത്തിരുന്നു.

ഫലസ്​തീന്​ പിന്തുണ പ്രഖ്യാപിച്ച പത്താനെ കങ്കണ ഇൻസ്​റ്റഗ്രാമിലൂടെ വിമർശിച്ചിരുന്നു. ബംഗാൾ വിഷയത്തിൽ മൗനം പാലിച്ച പത്താൻ ഫലസ്​തീൻ വിഷയത്തിൽ അഭിപ്രായം പറഞ്ഞതിനെയാണ്​ കങ്കണ വിമർശിച്ചത്​. എന്‍റെ എല്ലാ ട്വീറ്റുകളും തന്‍റെ നാട്ടുകാർക്കും മാനവികതക്ക്​ വേണ്ടിയുള്ളതാണെന്നും വിദ്വേഷം പരത്താൻ ശ്രമിച്ചതിനാണ്​ കങ്കണയുടെ ട്വിറ്റർ അക്കൗണ്ട്​ സസ്​പെൻഡ്​ ചെയ്​തതെന്നുമായിരുന്നു​ പത്താ​െൻറ മറുപടി ട്വീറ്റ്.